ᓱᓇᐅᕙᓕ ᒎᑎᐅᑉ ᐊᑕᓂᐅᕕᖓ?

ᐊᒡᓚᓂᑦ ᐅᖃᖅᑐᖅ ᐃᒫᒃ

“ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ.”​—ᑖᓂᐊᓕᐅᑉ ᐊᒡᓚᖏᑦ 2:44, EAIB.

“ᐃᕐᓂᖅ ᑐᓂᔭᐅᒻᒪᑦ ᐅᕙᑦᑎᓐᓄᑦ! ᒐᕙᒪᐃᑦ ᑐᐃᖏᓐᓃᑦᓱᒫᖅᐳᑦ.”​—ᐊᐃᓴᐃᐊᓯᐅᑉ ᐊᒡᓚᖏᑦ 9:6.

ᑕᒪᓐᓇ ᐃᓕᓐᓄᑦ ᖃᓄᖅ ᑐᑭᖃᕋᔭᕐᒪᖔᖅ

• ᐊᑲᐅᔪᖅ ᒐᕙᒪᒃ ᐃᑲᔪᕈᓐᓇᖅᐳᖅ ᐱᕚᓪᓕᖁᓪᓗᑎᑦ.​—ᐊᐃᓴᐃᐊᓯᐅᑉ ᐊᒡᓚᖏᑦ 48:17, 18.

• ᐊᑲᐅᒻᒪᕆᑦᑐᒥ ᓄᓇᒥ ᖃᐃᔪᒫᖅᑐᒥᒃ, ᐃᓅᓂᕐᒥᒃ ᑎᒥᒃᑯᑦ ᖃᓄᐃᙱᓯᐊᕐᓗᓂ ᖁᕕᐊᓱᓐᓂᕐᒥᓗ.​—ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3, 4.

ᓱᓕᔪᕆᒍᓐᓇᖅᐸᕘᑦ ᐊᒡᓚᐃᑦ ᐅᖃᖅᓯᒪᓂᖏᑦ?

ᐄ, ᑕᕝᕙᐅᕘᒃ ᒪᕐᕉᒃ ᐱᔾᔪᑎᑦᓵᒃ:

• ᔩᓱᓯ ᑕᑯᑎᑦᓯᓚᐅᖅᑐᖅ ᑭᓱᓂ ᒎᑎᐅᑉ ᐊᑕᓂᐅᕕᖓᓂ ᐱᒐᔭᖅᑐᓂᑦ. ᔩᓱᓯ ᐃᓕᓐᓂᐊᑎᑦᓯᓚᐅᖅᑐᖅ ᒪᓕᑦᑎᒥᓂᒃ ᑐᑦᓯᐊᓂᕐᒥ ᒎᑎᐅᑉ ᐊᑕᓂᐅᕕᖓ ᖃᐃᖁᓗᒍ ᐊᒻᒪᓗ ᒎᑎᐅᑉ ᐱᓂᐊᕐᓂᖓ ᐊᑐᖅᑕᐅᖁᓪᓗᒍ ᓄᓇᒥ. (ᒫᑎᐅᓯᐅᑉ ᐊᒡᓚᖏᑦ 6:9, 10) ᔩᓱᓯ ᐊᔪᕆᖅᓲᔾᔨᓚᐅᖅᑐᖅ ᖃᓄᖅ ᑕᒪᓐᓇ ᑐᑦᓯᐊᕐᓂᕐᒃ ᑭᐅᔭᐅᒐᔭᕐᒪᖔᖅ.

  ᓄᓇᒦᑦᑐᓂ ᔩᓱᓯ ᓂᕆᑎᑦᓯᓚᐅᖅᑐᖅ ᑳᑦᑐᓂᑦ, ᖃᓂᒪᔪᐃᑦ ᐋᖅᑭᑦᑐᒋᑦ, ᐊᒻᒪ ᐆᒻᒪᖅᑎᑦᑐᒋᑦ ᑐᖁᖓᔪᐃᑦ! (ᒫᑎᐅᓯᐅᑉ ᐊᒡᓚᖏᑦ 15:29-38; ᔪᐊᓇᓯᐅᑉ ᐊᒡᓚᖏᑦ 11:38-44) ᓯᕗᓂᕐᒥ ᐊᐅᓚᑦᓯᔨᐅᓂᐊᕐᓗᓂ ᒎᑎᐅᑉ ᐊᑕᓂᐅᕕᖓᓂ, ᔩᓱᓯ ᑕᑯᖅᑯᔾᔨᓚᐅᖅᑐᖅ ᐱᐅᔪᐊᓗᒻᒥᒃ ᐊᑕᓂᐅᕕᖓ ᖃᓄᖅ ᐱᔪᓐᓇᕐᓂᖃᓛᕐᒪᖔᖅ ᐃᓄᖁᑎᖏᓐᓄᑦ.​—ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15.

• ᓄᓇᕐᔪᐊᕐᒥ ᐊᑐᖅᑕᐅᔪᑦ ᑕᑯᑎᑦᓯᕗᑦ ᒎᑎᐅᑉ ᐊᑕᓂᐅᕕᖓ ᖃᐃᓛᓕᕐᖓᑦ. ᔩᓱᓯ ᓇᓚᐅᑦᑕᐃᓚᐅᖅᑐᖅ ᐱᒋᐊᓛᓕᕈᓂ ᐊᖏᔪᖃᐅᕕᖓ ᓴᐃᒪᓇᖅᑐᒥ ᓄᓇᕐᔪᐊᕐᒥ, ᓄᓇᕐᔪᐊᑎᓐᓂ ᐊᒥᓱᐃᑦ ᐊᔾᔨᒌᙱᑦᑐᑦ ᐱᔪᒫᖅᑐᑦ ᐅᓇᑕᕐᓂᒃ, ᑳᓐᓇᑐᕐᔪᐊᖅ, ᐊᒻᒪ ᓄᓇ ᓴᔪᑉᐱᓚᑉᐸᓪᓗᓂ.​—ᒫᑎᐅᓯᐅᑉ ᐊᒡᓚᖏᑦ 24:3, 7.

  ᑕᒪᒃᑯᐊ ᑕᑯᓕᖅᑕᕗᑦ ᐅᓪᓗᒥ. ᐊᓱᐃᓪᓛᒃ ᐅᑉᐱᕈᓱᒍᓐᓇᓕᖅᐳᒍᑦ ᒎᑎᐅᑉ ᐊᑕᓂᐅᕕᖓ ᐃᓱᓕᑦᓯᓛᓕᕐᖓᑦ ᐊᑲᐅᙱᓕᐅᕈᑎᓂᑦ.