CHUSBʼAL 02
Nitaqʼ u Bibliaeʼ kutxʼebʼoʼm
Vatz kajayil u txʼavaʼeʼ, nipalebʼe unqʼa xaoleʼ nimalaj kʼaxkʼo as ninach chajaak txumuʼm tukʼ xaanchil aama taʼn uvaaʼ. ¿Moj atex apalebʼe uvaaʼ? Kamal natxumuneʼ tiʼeʼ veʼ napalebʼe umaʼj chʼoʼm o tiʼeʼ veʼ kat kam umaʼj xaol veʼ maas nasaʼ, as kamal nachʼoti veʼt jeʼ see, ¿moj tuk oonoj umaʼj qʼii uvaʼ la ibʼan unqʼa kameʼ bʼaʼn? Nitaqʼ u Bibliaeʼ umaʼl tzaqʼbʼebʼal veʼ niliibʼinsan qʼaama.
1. ¿Kam txʼebʼoʼm nitaqʼ u Bibliaeʼ?
Nital u Bibliaeʼ isuuchil kam stiʼ veʼ mamaʼla kuxh kʼaxkʼoeʼ at vatz u txʼavaʼeʼ. As, nitaʼ u bʼaʼnla noticiaeʼ sqej umpajte veʼ palchimal kuxh unqʼa kʼaxkʼoeʼ vaaʼ as bʼiit kuxhtuʼ la sotz veʼteʼ. Unqʼa kameʼ veʼ altzimal taʼn u Bibliaeʼ la uch taqʼat umaʼl atxʼebʼoʼm savatzbʼen (sikʼle Jeremías 29:11, 12). Unqʼa kameʼ vaaʼ veʼ nitaltzi u Bibliaeʼ la iloch oʼ tiʼ kukuyat unqʼa kʼaxkʼoeʼ veʼ nukupalebʼe as aqʼal uvaʼ chiibʼebʼal qatineʼ. Niyakʼinsa uvaaʼ sqej umpajte vaʼ chiibʼebʼal qatin veʼteʼ tiʼ chit ibʼeneʼ.
2. Echeʼ nital u Bibliaeʼ, ¿kam tuchin veʼt unqʼa kameʼ la ibʼaneʼ sukuvatzbʼen?
Nital u Bibliaeʼ vaʼ xamtel «yeʼl veʼt txumuʼm, yeʼl veʼt chʼoʼm, yeʼl veʼt oqʼel, as yeʼl veʼt kamchil la ibʼaneʼ» (sikʼle Apocalipsis 21:4). Yeʼl veʼt unqʼa kʼaxkʼoeʼ la ibʼan veʼteʼ veʼ nitxumunsan qaama, echeʼ u meebʼaʼeʼ, unqʼa vaʼlexheʼ, unqʼa chʼoʼmeʼ as tukʼ u kamchileʼ. Nitaltzi u Bibliaeʼ umpajte vaʼ kajayil unqʼa xaoleʼ la chiibʼ veʼteʼ tiʼ u tiichajileʼ tiʼ chit ibʼeneʼ vatz u Txʼavaʼeʼ tul uvaʼ paraíso veʼteʼ.
3. ¿Kam la lochon axh tiʼ akʼujbʼaʼt akʼuʼl tiʼ u txʼebʼoʼmeʼ veʼ nitaʼ u Bibliaeʼ?
Nimal xaol nitxʼebʼ chajaak vaʼ tuk ibʼan unqʼa kameʼ bʼaʼn, poro nikaʼkabʼin taama chajaak stiʼ vaʼ moj ech chit tuk ibaʼneʼ. Poro jiteʼch nibʼan u Bibliaeʼ veeʼ. La uch kukʼujbʼaʼt kukʼuʼl tiʼ unqʼa kameʼ veʼ nitaltzi asoj la kupichʼu «jun qʼii», aʼ nitok kateʼ, asoj la kuchus u Bibliaeʼ (Hechos 17:11). As aʼ uvaaʼ la lochon axh tiʼ apal stuul tiʼeʼ moj la uch animat uveeʼ nital u Bibliaeʼ tiʼ unqʼa kameʼ veʼ tuk uchoj xamtel.
CHUS EEBʼ IMAAS
Tuk qil kaʼlaj kam veʼ nitaltzi u Bibliaeʼ tiʼ u kutxʼebʼoʼmeʼ sukuvatzbʼen. Tuk qileʼ kam nitulbʼe u txʼebʼoʼmeʼ veeʼ ilochat kaʼtaj xaol cheel.
4. Nitaltzi u Bibliaeʼ vaʼ la isebʼ oʼ tiʼ chit ibʼeneʼ as yeʼlaj kʼaxkʼo la kupalebʼe veʼteʼ
Bʼan eelat u listaeʼ viʼlaʼ veʼ niyoloneʼ tiʼ unqʼa txʼebʼoʼmeʼ veʼ nukulejeʼ tu Bibliaeʼ. ¿Abʼiste maas nasaʼ? ¿Kam stiʼ?
Esikʼleta unqʼa textoeʼ veʼ nicheeʼ kʼatz unqʼa kameʼ veʼ nitaltzi u Bibliaeʼ as yolonotaj ex tiʼ u viʼlaʼ:
¿Moj la txakon unqʼa textoeʼ vaaʼ seeʼ sakʼuʼl? Itzʼa tiʼ unqʼa aatineʼ tukʼ unqʼa aamiigoeʼ, ¿moj la txakoni tiʼ chajaak sakʼuʼl?
Itzʼabʼen tiʼeʼ vaʼ la isebʼ axh tu umaʼl u vatz txʼavaʼ echeʼ viʼlaʼ:
YEʼXHIBʼIL... |
KAJAYIL XAOL... |
|---|---|
|
|
|
|
|
|
|
|
|
|
5. U txʼebʼoʼmeʼ veʼ nitaʼ u Bibliaeʼ la ibʼaneʼ, vaʼ la ibʼan bʼaʼn te u kutiichajileʼ
Nimal xaol txoj kuxh chajaak ninacheʼ o nitul iviʼ chajaak taʼn unqʼa kʼaxkʼoeʼ veʼ nitucheʼ vatz u txʼavaʼeʼ. Ataj chajaak vaʼl telokeʼ tiʼeʼ la ibʼan unqʼa kameʼ bʼaʼn. U Bibliaeʼ nitaltzi veʼ kajayil unqʼa kameʼ tuk ibʼan bʼaʼn as il veʼteʼ kam nitulbʼe uveeʼ ilochpu unqʼa xaoleʼ cheel. Etilta u VIDEOEʼ as yolonotaj ex tiʼ u viʼlaʼ:
Echeʼ nital u videoeʼ, ¿kam nikat ichukun taama aak Rafikaeʼ staʼn?
Kuxh yeʼ kat sotz unqʼa vaʼlexheʼ veʼ nikat til aak, ¿kam kat tulbʼe u Bibliaeʼ ilochpu aak?
U txʼebʼoʼmeʼ veʼ nitaʼ u Bibliaeʼ la uch ilochat oʼ tiʼ kukuyat u txumuʼmeʼ as tiʼ kukuyat unqʼa kʼaxkʼoeʼ tukʼ chiibʼichil. Esikʼleta Proverbios 17:22 tukʼ Romanos 12:12, as yolonotaj ex tiʼ u viʼlaʼ:
¿Moj nanima vaʼ u txʼebʼoʼmeʼ veʼ nitaʼ u Bibliaeʼ la iloch axh tiʼ ibʼanat bʼaʼn te vatiichajileʼ? ¿Kam stiʼ?
UVEEʼ VEʼ NITAL KAʼLAJ XAOL: «Uveeʼ nitaltzi u Bibliaeʼ achaʼv chit tabʼileʼ poro yeʼxhkameʼ la ibʼaneʼ».
Asoj ataj kam veʼ nikʼuchun vaʼ tuk eloj unqʼa kameʼ viʼtoj veʼ nitaltzi u Bibliaeʼ, ¿moj aal bʼaʼn vaʼ la kupichʼu sakʼuʼl? ¿Kam stiʼ?
UVEEʼ VEʼ KAT KUCHUSA
Nitaltzi u Bibliaeʼ umaʼl tiichajil sqej vaʼ chiibʼebʼal tatin veʼteʼ, as nitaqʼ uveeʼ kutxʼebʼoʼm as niloch oʼ tiʼ kuyakebʼeʼ tukʼ u kutiichajileʼ kuxh nukupalebʼe kʼaxkʼo.
Kam nitul sakʼuʼl
¿Kam stiʼ nukuxh isaʼbʼela unqʼa xaoleʼ umaʼl txʼebʼoʼm?
¿Kam nital u Bibliaeʼ tiʼ uveeʼ tuk uchoj xamtel?
¿Kam la tulbʼe uveeʼ alochpeʼ cheel tiʼeʼ at umaʼl atxʼebʼoʼm?
OOTZI KAʼTAJ KAM
Chus eebʼ imaas tiʼ viyakʼil u txʼebʼoʼmeʼ.
«U txʼebʼoʼmeʼ: ¿katil la kulejkat?» (¡Despertad!, 22 de abril de 2004)
Ootzi kam kat tulbʼel u txʼebʼoʼmeʼ ilochpu unqʼa xaoleʼ veʼ at umaʼl chʼoʼm skʼatz veʼ yeʼl itzʼakal.
«¿Moj la uch ilochat oʼ u Bibliaeʼ tiʼ kukuyat umaʼl chʼoʼm ?» (U artículo tu jw.org)
Tul la eel u video musicaleʼ, la eelbʼen eebʼ tukʼ va-familiaeʼ tul uvaʼ chiibʼebʼal etatin veʼteʼ tu Paraísoeʼ veʼ nitaltzi u Bibliaeʼ.
Sikʼle kam kat tulbʼe vitiichajil umaʼl u xaol ijalpeʼ tul uvaʼ kat tootzi tiʼ u txʼebʼoʼmeʼ veʼ nitaʼ u Bibliaeʼ.