¿Mak Komam Dios?

Huneʼnhe Komam Dios yinh kaw syelal, Jehová sbʼih yaʼ (Salmo 83:18). Satkanh ay yaʼ, yuxin mach chuh jilni yaʼ. Kaw chonh yoche yaʼ, yuxin choche yaʼ ta xhjochepaxoj yaʼ bʼoj sunil anma (Mateo 22:35-40). Mach mak ekʼbʼal yibʼanh yaʼ, haxkam haʼ yaʼ watxʼenhe sunil tzetet.

Bʼabʼel swatxʼe yaʼ huneʼ ángel kaw ay yelapnojal yeyi. Jotaj tinanh ta haʼ yaʼ Jesucristo. Lawituʼ Komam Dios swatxʼepax yaʼ yaqʼbʼilxa hebʼ yaʼ ángeles.

Yaʼ Jehová xwatxʼen sunil tzetet ay satkanh . . . bʼoj sunil tzetet ay sat txʼotxʼ txʼotxʼ (Apocalipsis [Revelación] 4:11)

Komam Jehová xwatxʼen satkanh bʼoj txʼotxʼ txʼotxʼ bʼoj sunil tzetet ay sat txʼotxʼ (Apocalipsis [Revelación] 10:6).

Swatxʼe yaʼ naj bʼabʼel winaj, Adán, yinh pojoj (1 Corintios 15:47).