Dis A Tel Wi Bout Paat 4

Iina da paat ya wi a-go lorn bout Juozif, Juob, Muoziz, an di Izrelait dem. Sietan did du uol iip a tingz fi mek dem sofa. Som a dem did en op iina prizn, piipl du tingz tu dem we no fier, dem tek som a dem ton iina sliev, an som a dem aal ded tu. Bot iivn wid aal a dat, Jeuova did de de fi dem. Ef yu a wan mada ar wan faada, elp yu pikni fi si se iivn duo dem piipl de did go chuu som torbl tingz, dem did stil chos iina Jeuova.

Jeuova did lik Iijip wid ten sitn fi shuo dem se im av nof muor powa dan fi dem faalz gad dem. Elp yu pikni dem fi si ou Jeuova did tek kier a im piipl dem taim de an ou im a du di sed ting tide.