DIS A OU AAL UU A FALA JIIZAS FI LIV

Elp Di Piipl Dem We No Diil Wid Rilijan Fi Kom Nuo Di Wan We Mek Dem

Yu eva fiil laik fi no bada priich tu sumadi we no diil wid rilijan kaa yu fiil se dem naa go lisn tu yu? Ef a so yu fiil, memba se a nof a dem piipl de kom ton Jeuova Witnis, aal di wan dem we neehn biliiv iina Gad. Aal dem did waahn a likl elp fi si se Gad de bout fi chuu.—Ruo 1:20; 10:14.

WACH DI VIDIYO MEMBA SE PIIPL WE NO AV NO FIET IINA GAD KYAN STAAT FI CHOS IINA IM!—PIIPL UU NO DIIL WID RILIJAN, AN DEN ANSA DA KWESTIYAN YA:

Ou wa did gwaan wid Tommaso mek wi si se wi fi priich tu piipl we no diil wid rilijan?

Rait yu ansa

A ou wi kyan du dat

Ef sumadi se dem no biliiv iina Gad, tek yu taim wid dem, taak tu dem nais an mek dem si se yu riili a lisn tu dem an kier bout wa dem tingk. (2Ti 2:24) Taak bout di tapik dem we yu nuo se dem wuda waahn fi taak bout. Fain out ef dem wuda waahn fi nuo wa mek som piipl biliiv se Gad de. Ef dem aarait wid dat, yuuz wi vidiyo dem an wi buk an pamplet dem fi shuo dem. Di pamplet we niem Was Life Created? an The Origin of Life—Five Questions Worth Asking de iina di Tiichin Tuulbaks ya nou.

Yu mait-a fried fi priich tu sumadi we no biliiv iina Gad. So aks wan breda ar wan sista we nuo ou fi dwi’it fi elp yu. An memba se Jeuova kyan elp wi fi elp di piipl dem we waahn fi nuo bout im aal ef di fos taim wi taak tu dem dem neehn biliiv se Gad de fi chuu.—Aks 13:48.