WEN WI GO BAK GO TAAK TU DEM
LESN 7
No Gi Op
Sitn We Yu Kyan Riizn Pan: ‘Evridie dem go tiich an priich di gud nyuuz.’—Aks 5:42.
Wa Paal Did Du
1. Wach di VIDIYO, ar riid Aks 19:8-10. Den ansa dem kwestiyan ya:
Iivn duo piipl did a fait gens im, wa Paal did du fi shuo se im neehn a-go tap elp di wan dem we did waahn ier di gud nyuuz?
A ou aafn Paal did go bak go tiich di piipl dem we did waahn ier di gud nyuuz, an a ou lang im did dwi’it fa?
Wa Wi Lorn Fram Wa Paal Did Du?
2. It a-go tek taim an wi afi wok aad fi go bak go taak tu piipl an staat Baibl stodi wid dem.
Du Laik Wa Paal Did Du
3. Go bak go taak tu dem wen a wan gud taim fi dem. Aks yuself: ‘Wen wuda bi wan gud taim fi lingk dem? An a wich paat dem wuda waahn mi fi dwi’it?’ Chrai aad fi go bak fi go taak tu dem, aal ef a no wan gud taim fi yu.
4. Aks di sumadi wen a wan gud taim fi yu kom bak. Afta unu don taak, aks dem wen wuda bi wan gud taim fi yu kom bak kom taak tu dem agen an mek shuor se a da taim de yu go bak.
5. No gi op. No bada fiil se jos kaa sumadi no de a dem yaad nof a di taim ar kaa dem eva av sitn fi du, dem no waahn ier di gud nyuuz. (1 Kor. 13:4, 7) Bot iivn duo yu a-go a du evriting we yu kyan du fi go bak tu di sumadi, mek shuor se yu naa wies yu taim niida.—1 Kor. 9:26.