Elp Di Piipl Dem We Yu A Stodi Wid Fi Go A Di Miitn Dem

Wi miitn dem a wan big paat a wi worship. (Ps 22:22) Evribadi we kom a di miitn dem kom worship Jeuova, dem api an dem get nof blesn. (Ps 65:4) Wen di sumadi dem we wi a stodi di Baibl wid kom a di miitn dem aafn, a di muor dem a-go waahn fi du di sitn dem we Jeuova waahn dem fi du.

Wa an wa yu kyan du fi elp di sumadi dem we yu a stodi di Baibl wid fi kom a di miitn dem? No tap invait dem. Shuo dem di vidiyo Wa Apm a wan Kindom Aal? Tel dem ou it a-go elp dem wen dem kom a di miitn dem. (lff lesn 10) Yu kyan tel dem bout sopm we yu lorn a wan a di miitn dem, ar tel dem bout sitn we a-go gwaan a wan a di miitn dem we no kip yet. Gi dem di buk dem an ada tingz we dem a-go niid fi di miitn dem. Tel dem se yu kyan elp dem fi kom a di miitn dem. Eniting we yu du fi elp dem fi kom a di miitn dem, it a-go wot it wen di sumadi we yu a stodi di Baibl wid kom a dem fos miitn.​—1Kor 14:24, 25.

WACH DI VIDIYO ELP DI PIIPL DEM WE YU A STODI DI BAIBL WID FI GO A DI MIITN DEM, AN DEN ANSA DEM KWESTIYAN YA:

• 

  Wa dem did a taak bout we gi Niita di chaans fi invait Juuli fi kom a di miitn?

• 

  Wa mek wi api wen di sumadi we wi a stodi di Baibl wid kom a di miitn dem?

• 

  Ou Juuli did fiil wen shi ga’a ar fos miitn?