Elp Di Sumadi Dem We Yu A Stodi Wid Fi No Kip No Bad Kompni

Ef dem waahn dem an Jeuova fi ton gud gud fren, di sumadi dem we wi a stodi wid afi mek shuor se dem no kip no bad kompni. (Ps 15:1, 4) Wen dem kip fren wid di wan dem we a du wa Jeuova se dem fi du, dat wi elp dem fi du wa rait.​—Pr 13:20; lff lesn 48.

Ef yu fi elp di sumadi dem we yu a stodi di Baibl wid fi no kip no bad kompni, yu afi chrai fi tingk bout ou dem fiil. Dem mait-a fain it aad fi tap kip kompni wid piipl we naa sorv Jeuova. A no onggl pan di die dem wen yu a-go stodi wid dem yu fi chek fi si wa a gwaan wid dem. Yu kyan sen dem wan teks, ar kaal dem, ar yu mait-a iivn kyan go luk fi dem. Wen yu si se dem a du wa Jeuova waahn dem fi du muor an muor, yu kyan invait dem a wan likl get tugeda wid di ada breda an sista dem. Wen yu du dat, dem wi si se dem naa luuz, a get dem a get muo dan wa dem did av bifuo. (Mk 10:29, 30) An wen yu si se muo piipl a kom sorv Jeuova, dat a-go mek yu api tu.

WACH DI VIDIYO ELP DI PIIPL DEM WE YU A STODI DI BAIBL WID FI NO KIP NO BAD KOMPNI, AN DEN ANSA DEM KWESTIYAN YA:

• Wa a bad kompni?​—1Kor 15:33

• Wa Juuli did tingk wuda gwaan a di get tugeda we di breda an sista dem did a kip?

• Wa Niita did du fi elp Juuli fi tap kip bad kompni?