Di Man Dem We A Wok Aad Fi Tek Kier A Jeuova Piipl Dem

Wol iip a piipl no laik piipl we iina powa kaa nof taim dem tek disadvantij a dem. (Mic 7:3) Bot wi api se di man dem we Jeuova a yuuz iina di kanggrigieshan fi tek kier a wi no tan so.​—Es 10:3; Mt 20:25, 26.

Wen wan breda a wok aad fi ton wan elda, a no powa im a chrai fi get, bot a kaa im lov Jeuova an im piipl dem mek im dwi’it. (Jan 21:16; 1Pii 5:1-3) A Jiizas a shuo dem man ya ou fi elp Jeuova piipl dem fi lov dem wan aneda laik fambili an fi gwaahn du di sitn dem we a-go kip dem kluos tu Jeuova. Wen wan breda ar wan sista sik an afi go a dakta kwik ar dem niid elp kaaz a orikien an dem ting de di elda dem no ich fi go elp dem. An dem no ich niida wen di breda an sista dem niid elp fi kip kluos tu Jeuova. Ef yu niid elp, no fried fi lingk wan a di elda dem we iina yu kanggrigieshan.​—Jmz 5:14.

WACH DI VIDIYO DI MAN DEM WE A TEK KIER A GAD PIIPL, AN DEN ANSA DEM KWESTIYAN YA:

• Ou di elda dem did elp Mariana?

  Rait yu ansa

• Ou di elda dem did elp Elias?

  Rait yu ansa

• Afta yu wach da vidiyo ya, ou it mek yu fiil bout di elda dem?

  Rait yu ansa