Wen Yu A Stodi, Stodi So Das Yu Kyan Tel Ada Piipl Bout Wa Yu Lorn

Wen wi du wi uona Baibl stodi, it mek wi fiil gud, no chuu? Bot it kyan mek wi fiil uol iip taim beta ef wi taak bout di nais nais sitn dem we wi lorn wen wi a taak tu ada piipl. Pravorbz 11:25 mek wi nuo se sumadi we lov fi mek ada piipl fiil beta a-go fiil beta tu.

Wen wi tel ada piipl bout wa wi lorn, it a-go mek it iiziya fi wi memba di sitn dem we wi lorn, an it a-go elp wi fi andastan it beta tu. An kaa wi nuo se wa wi lorn kyan elp ada piipl, it a-go mek wi api wen wi tel dem wa wi lorn fi mek dem nuo bout it tu.​—Aks 20:35.

Chrai dis ya: Iina di wiik we a kom, luk fi wan chaans fi tel sumadi bout sitn we yu lorn. Laik yu kuda tel sumadi iina yu fambili, ar sumadi iina yu kanggrigieshan, ar sumadi we yu wok wid, ar go a skuul wid, ar yu nieba, ar sumadi we yu miit iina fiil sorvis. An wen yu a tel dem we yu lorn, no yuuz no big wod, bot se it iina wan wie so dat dem andastan klier klier wa yu a se.

Bot memba dis: Yu a tel piipl wa yu lorn, no fi mek piipl fiil se yu nuo nof tingz, bot a kaa yu waahn fi elp dem fi get chrang.​—1 Kor. 8:1.