Griet an Wandaful Tingz we Gad Du

1. Yu nuo mi chuu an chuu, Jeuova—

Aal wen mi wiek an wen mi jrap asliip.

An aal bifuor mi se a wod, yu nuo it

Bikaaz yu nuo mi main;

yu stodi mi so diip.

Bifuor mi baan, yu kuda si mi,

An yu did nuo jos ou mi wuda luk.

Jeuova Gad, mi eva a-go priez yu;

Yu lov so griet, Uo Gad,

yu nuo mi laik wan buk.

An wen mi tingk bout ou yu waiz, Jeuova,

Mi fiil rispek fi yu iina mi aat.

Aal ef mi chrai fi ron go aid laik Juona,

Yu wuda si an mek shuor mi kom bak.

Aal ef dem put mi iina prizn,

Yu wuda yuuz yu spirit kip mi sief.

Nowe no de wich paat yu naa go fain mi,

No sii, no kiev, no mountn—

nat iivn di griev.