SANG 139
Imajin Yuself Iina Paradais
1. Imajin se di uol a wi—
Wi riich a Paradais nou; yu no si?
Jos fiil di briiz; enjai di piis.
Jos tingk ou api wi a-go bi.
Bad piipl naa di de at aal.
Wi wuohn av notn fi mek wi baal.
Jeuova gweehn gi wi di ting dem wi waahn;
Wi tangk im an sing fram
Diip dong iina wi aat:
(KUOROS)
“Wi tangk yu, wi Gad, fi aal we yu du.
Yu yuuz yu Son fi mek evriting nyuu.
Wi aat ful op a jai wen wi tingk bout yu lov.
Aal gluori an priez go tu yu, wi Gad abov.”
2. Nou si yu de, an si mi tu!
Di Paradais a fi mi an fi yu.
Gad tent gweehn bi uova di ort,
So lov an piis a-go ful di worl.
An notn naa go mek wi fried.
Jeuova pramis dem naa go liet.
Di ded gweehn kom liv pan da ort ya agen,
Wi priez Gad, Jeuova,
fi laif we naa go en.
(KUOROS)
“Wi tangk yu, wi Gad, fi aal we yu du.
Yu yuuz yu Son fi mek evriting nyuu.
Wi aat ful op a jai wen wi tingk bout yu lov.
Aal gluori an priez go tu yu, wi Gad abov.”
(Riid Ps. 37:10, 11; Isa. 65:17; Jan 5:28; 2 Pii. 3:13 tu.)