Di Piipl Dem We Chrang Iina Wa Dem Biliiv Iina A-Go Du Wa Rait

Riid Jenisiz 25:29-34 fi si ef Iisaa an Jiekob did du wa rait.

Chrai fi fain out muor bout wa yu a riid bout. Laik, wa did apm bifuo dis? (Jen. 25:20-28) An wa apm afta?​—Jen. 27:1-46.

Chrai fi fain out muor bout wa did apm. Iina dem taim de, wa di bwai pikni we baan fos did fi du, an wa im wuda get?​—Jen. 18:18, 19; w10-E 5/1 13.

• Kaa im a did di fos bwai pikni, dat wuda miin tu se a im di Mesaiya wuda kom fram? (w17.12-E 14-15)

Tingk bout di sitn dem we yu a lorn an du di sitn dem we yu a lorn. Wa mek di sitn dem we di fos bwai pikni wuda get did wot muor tu Jiekob dan tu im breda Iisaa? (Iib. 12:16, 17; w03-E 10/15 28-29) A ou Jeuova did fiil bout di tuu a dem, an wa mek? (Mal. 1:2, 3) A wa Iisaa kuda du difrant fi mek tingz ton out beta fi im?

• Aks yuself da kwestiyan ya: Wen mi a set di taim fi du tingz fi Jeuova iina di wiik, laik mi fambili Baibl stodi, ou mi kyan shuo Jeuova se mi tangk im fi aal a di ting dem we im gi wi fi worship im di rait wie?