Yérémia
2 Yéhuwah kandha marang aku, 2 ”Mangkata, lan umumna marang Yérusalèm, ’Iki sing diomongké Yéhuwah:
”Aku éling banget karo katresnanmu* marang Aku wektu kowé isih enom,+
Katresnan sing mbok duduhké wektu kowé tunangan karo Aku.+
Kowé ngetutké Aku pas Aku mimpin kowé ing padhang belantara,
Ing tanah sing ora disebari benih.+
3 Kanggoné Yéhuwah, Israèl kuwi suci,+ hasil panèné sing pertama.”’
’Nèk ana sing ngupaya nyilakani dhèwèké, wong kuwi bakal dianggep salah lan bakal kena bencana,’ kandhané Yéhuwah.”+
4 Hé kowé keturunané Yakub lan kowé keluarga-keluarga ing Israèl,
Rungokna omongané Yéhuwah.
5 Iki sing diomongké Yéhuwah:
”Apa salah-Ku marang nènèk moyangmu,+
Nganti wong-wong kuwi ngedohi Aku?
Wong-wong kuwi nyembah brahala sing ora ana gunané,+ sing akhiré nggawé wong-wong kuwi ya ora ana gunané.+
6 Wong-wong kuwi ora kandha, ’Ayo awaké dhéwé nggolèki Yéhuwah,
Sing wis nggawa awaké dhéwé metu saka Mesir,+
Sing wis nuntun awaké dhéwé ngliwati padhang belantara,
Gurun+ sing akèh lubangé,
Tanah sing gersang+ lan peteng banget,
Tanah sing ora tau diliwati wong lan ora tau dienggoni.’
7 Terus Aku nggawa kowé menyang tanah sing subur,*
Bèn kowé isa mangan buah-buahé lan hasil-hasilé sing apik.+
Ning, kowé teka lan nggawé tanah-Ku dadi najis.+
Kowé nggawé umat-Ku* dadi kaya barang sing njijiki.
8 Para imamé ora kandha, ’Ayo awaké dhéwé nggolèki Yéhuwah.’+
Wong-wong sing kuduné mulang Hukumé Gusti Allah padha ora kenal Aku.
Para gembala padha mbrontak nglawan Aku.+
Para nabi padha ngramal nganggo jenengé Baal.+
Wong-wong kuwi nyembah allah-allah sing ora ana gunané.
9 ’Mula Aku bakal nuntut kowé,’+ kandhané Yéhuwah,
’Aku ya bakal nuntut anak putumu.’
10 ’Ning nyabranga menyang dhaérah pesisiré* wong Kitim,+ lan deloken.
Utusen wong menyang Kédar,+ lan gatèkna tenanan.
Deloken apa sing kaya ngéné iki wis tau kelakon.
11 Apa ana bangsa sing ngijolké allahé karo apa sing dudu allah?
Ning, umat-Ku dhéwé malah ngijolké Aku karo apa sing ora ana gunané.+
12 Hé langit, deloken iki karo nggumun,
Lan ndredhega merga wedi banget,’ kandhané Yéhuwah,
13 ’Sebab umat-Ku wis nindakké dosa loro iki:
Wong-wong kuwi ninggalké Aku, sumberé banyu sing marahi urip,+
Lan nggali* sumur* kanggo wong-wong kuwi dhéwé,
Sumur sing retak, sing ora isa nampung banyu.’
14 ’Apa Israèl kuwi budhak? Apa dhèwèké kuwi budhak sing lair ing omahé majikané?
Nèk ora, ngapa kok wong-wong padha nggawa dhèwèké dadi tawanan?
15 Singa-singa enom padha nggero+ marang dhèwèké
Lan padha ngetokké swarané.
Wong-wong kuwi nggawé tanahé dadi panggonan sing medèni.
Kutha-kuthané diobong bèn ora ana manèh sing ngenggoni.
16 Wong-wong Nof*+ lan Tahpanès+ padha njarah tanahmu.*
17 Kuwi kabèh kan merga salahmu dhéwé, ta?
Kowé ninggalké Yéhuwah Gusti Allahmu+
Pas Dhèwèké nuntun kowé ing perjalanan.
18 Ngapa kok kowé gelem mlaku menyang Mesir?+
Apa arep ngombé banyu ing Syihor?*
Ngapa kok kowé gelem mlaku menyang Asiria?+
Apa arep ngombé banyu ing Kali Éfrat?
19 Kowé kuduné sinau saka kejahatanmu.
Kowé kudu diélikké merga kowé ora setya.
Padha ngertia lan rasakna nèk ninggalké Yéhuwah Gusti Allahmu kuwi ora apik+ lan marahi susah.
Kowé babar blas ora wedi karo Aku,’+ kandhané Gusti sing Mahakuwasa, Yéhuwah pemimpiné pasukan.
20 ’Mbiyèn Aku ngremuk kayu sing dipasang ing gulumu+ lan nguculi rantému.
Ning kowé kandha, ”Aku wegah nglayani Njenengan.”
21 Aku nandur kowé kaya wit anggur mérah pilihan+ sing thukul saka bibit unggul.
Ning, kok kowé isa berubah dadi tunas sing èlèk saka wit anggur liar?’+
22 ’Kesalahanmu kuwi parah banget, kaya noda sing ora isa ilang.
Senajan mbok kumbah nganggo soda lan sabun sing akèh, kuwi bakal tetep kétok,’+ kandhané Gusti sing Mahakuwasa Yéhuwah.
23 Kok isa-isané kowé kandha, ’Aku ora nggawé najis awakku.
Aku ora nyembah Baal’?
Deloken tumindakmu ing lembah.
Pikiren apa sing wis mbok tindakké.
Kowé kaya unta wédok enom sing lagi nafsu,
Sing mlayu mrana-mréné tanpa tujuan.
24 Kowé kaya keledai liar sing biasané urip ing padhang belantara,
Sing ngendhus-endhus nggolèki sing lanang merga nafsuné.
Sapa sing isa nahan pas keledai kuwi lagi nafsu?
Keledai lanang sing nggolèki dhèwèké ora perlu susah-susah,
Merga dhèwèké bakal gampang ditemokké pas musim kawin.
25 Sikilmu aja nganti kesel.
Tenggorokanmu aja nganti garing.
Ning kowé kandha, ’Wegah!+
Emoh! Aku wis kebacut seneng karo allah-allah palsu.*+
Kuwi sing bakal tak etutké.’+
26 Kaya maling sing kisinan merga konangan,
Wong Israèl wis digawé isin.
Wong-wong kuwi, raja-rajané, para pemimpiné,
Para imamé, lan para nabiné.+
27 Wong-wong kuwi kandha marang wit, ’Kowé bapakku,’+
Wong-wong kuwi ya kandha marang watu, ’Kowé ibuku.’
Ning, wong-wong kuwi malah nolak lan ngrèmèhké Aku.+
Wektu susah, wong-wong kuwi bakal kandha,
’Tulungana lan slametna aku.’+
28 Lha ing endi allah-allah sing mbok gawé?+
Nèk allah-allah kuwi isa nylametké pas kowé susah, ya bèn padha nulungi kowé
Merga allah-allahmu jumlahé padha akèhé kaya kutha-kuthamu, oh Yéhuda.+
29 ’Ngapa kok kowé terus mbantah Aku?
Ngapa kok kowé padha mbrontak nglawan Aku?’+ kandhané Yéhuwah.
30 Percuma Aku ngukum anak-anakmu.+
Wong-wong kuwi ora gelem diélikké.+
Pedhangmu dhéwé sing matèni nabi-nabimu,+
Kaya singa sing ngamuk.
31 Hé kowé sing urip ing jaman iki, gatèkna omongané Yéhuwah.
Apa Aku iki kaya padhang belantara kanggo wong Israèl?
Utawa apa Aku iki kaya dhaérah sing peteng ndhedhet?
Ngapa kok umat-Ku padha ngomong, ’Aku bébas arep lunga menyang endi-endi.
Aku wegah bali manèh marang Njenengan’?+
32 Apa prawan isa lali karo perhiasané?
Apa mantèn wédok isa lali karo sabuké?
Ning kèt mbiyèn, umat-Ku dhéwé malah wis lali karo Aku.+
33 Hé wong wédok, kowé pinter banget ngrayu wong bèn dadi kekasihmu.
Kowé ahli tumindak jahat.+
34 Malah, ing klambimu ana getihé wong-wong sing mlarat lan sing ora salah.+
Wong-wong kuwi dipatèni ora merga mbobol omahmu,
Ning Aku weruh getihé wong-wong kuwi ana ing klambimu.+
35 Ning kowé kandha, ’Aku ora salah. Gusti Allah mesthi wis ora nesu manèh karo aku.’
Saiki Aku arep ngukum kowé merga kowé kandha, ’Aku ora dosa.’
36 Ngapa kok kowé gampang banget ngubah pendirianmu?
Kowé ya mesthi bakal kisinan merga Mesir,+ kaya kowé kisinan merga Asiria.+
37 Kuwi sebabé kowé bakal lunga karo kisinan*+
Merga Yéhuwah wis nolak wong-wong sing wis mbok percaya.
Wong-wong kuwi ora bakal mbantu kowé.”