• Wilangan 14:18
    Kitab Suci Terjemahan Donya Anyar

    • 18 ’Yéhuwah sabar lan nduwé katresnan* sing gedhé banget,+ ngapura kesalahan lan pelanggaran, ning wong sing salah ora bakal bébas saka hukuman. Nèk ana wong sing salah, anak-anaké, putuné, lan buyuté* bakal mèlu nanggung kesalahané.’+

  • Néhémia 9:17
    Kitab Suci Terjemahan Donya Anyar

    • 17 Wong-wong kuwi ora gelem ngrungokké+ lan ora éling karo tumindaké Njenengan sing luar biasa ing antarané wong-wong kuwi. Wong-wong kuwi dadi ndableg lan milih pemimpin bèn isa bali dadi budhak manèh ing Mesir.+ Ning, Njenengan kuwi Gusti Allah sing siap ngapura, apikan, gampang mesakké, sabar, lan kebak katresnan sing langgeng,*+ mula Njenengan ora ninggalké wong-wong kuwi.+

  • Mazmur 106:44, 45
    Kitab Suci Terjemahan Donya Anyar

    • 44 Ning Gusti Allah ndelok pas wong-wong kuwi lagi susah+

      Lan gelem ngrungokké wektu wong-wong kuwi njaluk tulung.+

      45 Gusti Allah éling perjanjiané karo umaté.

      Dhèwèké ngrasa mesakké* merga sayang banget karo* wong-wong kuwi.+

  • Mikha 7:18, 19
    Kitab Suci Terjemahan Donya Anyar

    • 18 Apa ana Gusti Allah sing kaya Njenengan,

      Sing ngapura salah lan ora ngéling-éling pelanggarané+ wong Israèl sing isih urip?+

      Dhèwèké ora bakal nesu nganti saklawasé

      Merga Dhèwèké seneng nduduhké katresnan sing langgeng*+ marang umaté.

      19 Dhèwèké bakal mesakké manèh marang awaké dhéwé.+ Kesalahané awaké dhéwé bakal diidak-idak.

      Njenengan bakal nguncalké kabèh dosané wong-wong kuwi ing laut sing jero.+