2 Samuèl
22 Pas Yéhuwah nylametké Daud saka kabèh mungsuhé+ lan saka Saul,+ Daud nyanyi lagu iki+ kanggo Yéhuwah. 2 Daud kandha,
”Yéhuwah kuwi tebing watu lan bèntèngku,+ Dhèwèké sing nylametké aku.+
3 Gusti Allah kuwi gunung watuku,+ panggonanku nggolèk perlindungan,
Tamèngku+ lan sing nylametké aku,* panggonan berlindung* sing aman,+
Panggonanku ndhelik+ sing nylametké aku.+ Njenengan sing nylametké aku saka mungsuh sing kejem.
4 Aku njaluk tulung marang Yéhuwah sing pantes dipuji,
Lan aku bakal dislametké saka mungsuh-mungsuhku.
5 Aku kaya dikepung ombaké kematian.+
Kaya banjir bandhang, wong jahat sing akèh banget nggawé aku wedi.+
6 Taliné Kuburan* nggubed aku.+
Jerat kematian ana ing ngarepku.+
7 Pas aku lagi susah, aku sambat marang Yéhuwah.+
Aku terus njaluk tulung marang Gusti Allahku.
Saka baité, Dhèwèké ngrungokké swaraku.
Dhèwèké* ngrungokké aku wektu aku njaluk tulung.+
8 Buminé goncang lan goyang.+
9 Asap metu saka irungé,
Lan geni nyembur saka lambéné.+
Bara sing murub metu saka Dhèwèké.
11 Dhèwèké ana ing ndhuwuré kerub+ lan mabur.
Dhèwèké kétok ing ndhuwur sayapé malaékat.*+
12 Terus, Dhèwèké nggawé peteng ing sekitaré dadi kémahé,+
Mendhung sing kandel lan peteng ndhedhet.
13 Saka cahaya sing padhang ing ngarepé, geniné bara sing murub nyamber.
14 Yéhuwah nggawé bledhèg saka langit.+
Sing Mahakuwasa nggawé wong-wong krungu swarané.+
15 Dhèwèké manahké panah-panahé+ lan nggawé mungsuh-mungsuhku kocar-kacir.
Nganggo kilaté, Dhèwèké nggawé wong-wong kuwi bingung.+
16 Dhasaré laut padha kétok.+
Dhasaré bumi kebukak merga digetak Yéhuwah
Nganggo napas saka irung-Mu sing banter banget.+
17 Dhèwèké ngulurké tangané saka ndhuwur.
Dhèwèké nyekel lan narik tanganku saka banyu sing jero.+
18 Dhèwèké nylametké aku saka mungsuhku sing kuwat,+
Saka wong-wong sing sengit karo aku, sing luwih kuwat timbang aku.
19 Wong-wong kuwi nglawan aku wektu aku kena bencana,+
Ning Yéhuwah ndhukung aku.
20 Dhèwèké nggawa aku ing panggonan sing aman.*+
Dhèwèké nylametké aku merga seneng karo aku.+
21 Yéhuwah mberkahi aku sesuai karo tumindakku sing bener.+
Dhèwèké ngupahi aku merga aku ora salah.*+
22 Aku terus manut karo préntahé Yéhuwah,
Lan aku ora ninggalké Gusti Allahku merga kuwi tumindak sing jahat.
23 Kabèh préntahé+ terus tak éling-éling.
Peraturané ora bakal tak langgar.+
26 Njenengan setya karo wong sing setya.+
Njenengan tumindak adil marang wong sing ora salah.+
28 Njenengan nylametké wong sing rendah hati,+
Ning Njenengan ora seneng lan ngrendhahké wong sing sombong.+
29 Njenengan sing madhangi aku, oh Yéhuwah.+
Yéhuwah kuwi sing nggawé peteng ing sekitarku dadi padhang.+
30 Aku isa nyerang grombolan perampok merga dibantu Njenengan.
Aku isa nglumpati témbok nganggo kuwasané Gusti Allah.+
31 Kabèh sing ditindakké Gusti Allah sing bener kuwi apik.*+
Omongané Yéhuwah kuwi murni.+
Dhèwèké dadi tamèng kanggo kabèh wong sing nggolèk perlindungan marang Dhèwèké.+
32 Apa ana Gusti Allah sakliyané Yéhuwah?+
Apa ana gunung watu sakliyané Gusti Allahé awaké dhéwé?+
33 Gusti Allah sing bener kuwi bèntèngku sing kuwat,+
Lan Dhèwèké bakal nggawé kabèh sing tak tindakké berhasil.*+
34 Dhèwèké nggawé sikilku gesit kaya sikilé kidang
Bèn aku kuwat ngadeg ing lèrèng gunung.+
35 Dhèwèké nglatih aku perang.
Tanganku nyiapké* busur tembaga.
36 Njenengan kaya tamèng sing nglindhungi aku.
Aku diunggulké merga Njenengan rendah hati.+
37 Njenengan nyingkirké kabèh sing ngalangi aku*
38 Aku bakal ngoyak* lan matèni mungsuh-mungsuhku.
Aku ora bakal bali sakdurungé wong-wong kuwi mati.
39 Wong-wong kuwi bakal tak antemi* lan tak patèni bèn ora isa tangi manèh.+
Wong-wong kuwi bakal tak kalahké.
40 Njenengan bakal mènèhi aku kekuwatan kanggo perang.+
Njenengan bakal ngalahké mungsuh-mungsuhku ing ngarepku.+
41 Njenengan bakal nggawé mungsuh-mungsuhku mlayu saka ngarepku.+
Aku bakal matèni wong-wong sing sengit karo aku.+
42 Wong-wong kuwi njaluk tulung, tapi ora ana sing nulungi.
Wong-wong kuwi sambat karo Yéhuwah, tapi Dhèwèké ora gelem ngrungokké.+
43 Wong-wong kuwi bakal tak remuk nganti lembut kaya debu.
Wong-wong kuwi bakal tak remuk nganti lembut banget lan tak idak-idak kaya lumpur ing dalan.
44 Njenengan bakal nylametké aku saka wong sing seneng nggolèk kesalahanku.+
Njenengan bakal nglindhungi aku supaya aku isa dadi pemimpiné bangsa-bangsa.+
Bangsa sing ora tak kenal bakal ngabdi marang aku.+
45 Wong asing bakal mbungkuk ing ngarepku merga wedi.+
Wektu krungu soal aku, wong-wong kuwi bakal manut karo aku.
46 Wong asing bakal wedi banget.
Wong-wong kuwi bakal ndredheg pas metu saka bèntèngé.
47 Yéhuwah kuwi urip. Muga-muga Gunung Watuku dipuji.+
Muga-muga Gusti Allah, gunung watu sing nylametké aku, diluhurké.+
48 Gusti Allah sing bener mbales mungsuh-mungsuhku.+
Dhèwèké nggawé bangsa-bangsa manut karo aku.+
49 Dhèwèké nylametké aku saka mungsuh-mungsuhku.
Njenengan ngangkat aku+ menyang panggonan sing dhuwur, adoh saka wong sing nyerang aku.
Njenengan nylametké aku saka wong sing kejem.+
50 Kuwi sebabé, oh Yéhuwah, aku bakal ngucap syukur marang Njenengan ing antarané bangsa-bangsa.+
Aku bakal nyanyi pujian* kanggo jeneng-Mu.+
51 Dhèwèké nylametké rajané sing dipilih nganggo tumindak sing luar biasa.+