1 Babad
18 Suwé sakwisé kuwi, Daud nglawan lan ngalahké wong Filistin, terus dhèwèké ngrebut Gat+ lan kutha-kutha ing sekitaré saka tangané wong Filistin.+ 2 Daud ngalahké Moab,+ terus wong Moab dadi abdiné Daud lan mènèhi hadiah marang Daud.+
3 Daud ngalahké Hadadèzèr+ raja Zoba+ ing cedhak Hamat+ wektu Hadadèzèr lagi ing perjalanan kanggo nguwasani Kali Éfrat.+ 4 Saka Hadadèzèr, Daud ngrampas kréta 1.000, prajurit 7.000 sing numpak jaran, lan prajurit 20.000 sing mlaku.+ Terus, Daud nglumpuhké sikilé kabèh jaran sing narik kréta, kecuali 100 jaran.+ 5 Wektu wong Siria saka Damaskus teka kanggo ngéwangi Raja Hadadèzèr saka Zoba, Daud matèni 22.000 wong Siria.+ 6 Terus, Daud ngongkon pasukané manggon ing Siria ing Damaskus. Wong Siria dadi abdiné Daud lan mènèhi hadiah marang Daud. Yéhuwah mesthi nggawé Daud menang* ing endi waé Daud lunga.+ 7 Sakliyané kuwi, Daud ya njupuk tamèng-tamèng bunder saka emas duwèké para prajurité Hadadèzèr lan nggawa kuwi menyang Yérusalèm. 8 Daud nggawa tembaga akèh banget saka Tibhat lan Kun, kutha-kuthané Hadadèzèr, lan Salomo nggunakké kuwi kanggo nggawé Laut Tembaga,+ tugu-tugu, lan peralatan tembaga.+
9 Wektu Raja Tou saka Hamat krungu nèk Daud wis ngalahké kabèh pasukané Hadadèzèr+ raja Zoba,+ 10 dhèwèké langsung ngutus Hadoram anaké marang Raja Daud kanggo nakonké kabaré lan kanggo ngucapké slamet merga Daud wis menang nglawan Hadadèzèr (merga Hadadèzèr kerep perang nglawan Tou). Hadoram ya nggawa macem-macem barang saka pérak, emas, lan tembaga. 11 Raja Daud mènèhké* barang-barang kuwi kanggo Yéhuwah,+ padha kaya pas dhèwèké mènèhké pérak lan emas sing wis dijarah saka kabèh bangsa, yaiku Édom lan Moab, saka wong Amon,+ wong Filistin,+ lan wong Amalèk.+
12 Abisyai+ anaké Zéruya+ matèni 18.000 wong Édom ing Lembah Garam.+ 13 Daud ngongkon pasukané manggon ing Édom, lan kabèh wong Édom dadi abdiné Daud.+ Yéhuwah mesthi nggawé Daud menang* ing endi waé Daud lunga.+ 14 Daud terus mréntah kabèh wilayah Israèl,+ lan dhèwèké mastèkké nèk rakyaté terus ngrasakké keadilan lan apa sing bener.+ 15 Yoab anaké Zéruya kuwi pemimpiné prajurit,+ Yéhosyafat+ anaké Ahilud kuwi tukang nyathet, 16 Zadok anaké Ahitub lan Ahimèlèkh anaké Abiatar kuwi imam, lan Syawsya kuwi sekretaris. 17 Bénaya anaké Yéhoyada kuwi pemimpiné wong Khèrèti+ lan wong Pèlèti.*+ Anak-anaké lanang Daud kuwi nduwé kedudukan sing utama sakwisé Raja.