Mazmur
Lagu sing digawé Daud.
141 Oh Yéhuwah, aku ndonga marang Njenengan.+
Cepet tulungi aku.+
Gatèkna wektu aku njaluk tulung.+
2 Muga-muga Njenengan ngrungokké dongaku.*+
Dongaku kaya persembahan biji-bijian pas bengi.+
3 Oh Yéhuwah, bantu aku bèn isa ngendhalèni omonganku.
Bantu aku bèn ngati-ati wektu ngomong.+
4 Aja nganti aku péngin nindakké sing ora bener,+
Bèn aku ora mèlu-mèlu nindakké kejahatan bareng karo wong jahat.
Aku ora sudi mangan bareng karo wong-wong kuwi.
5 Nèk wong bener nggebug aku, kuwi bukti nèk dhèwèké sayang karo* aku.+
Nèk dhèwèké nyenèni aku, kuwi kaya ngesokké minyak ing sirahku.+
Kuwi mesthi bakal tak tampa.+
Wektu dhèwèké ngalami kesusahan, aku bakal terus ndongakké dhèwèké.
6 Senajan para pemimpiné wong-wong kuwi diuncalké saka tebing,
Wong-wong kuwi bakal tetep nggatèkké omonganku merga omonganku pénak dirungokké.
7 Balung-balungé awaké dhéwé kesebar ing Kuburan,*
Kaya lemah sing kesebar ing endi-endi merga bar dibajak.
8 Oh Yéhuwah Gusti sing Mahakuwasa, mung Njenengan sing tak endelké.+
Aku nggolèk perlindungan marang Njenengan.
Aja nganti aku mati.
9 Lindhungi aku saka wong sing péngin njebak aku,
Lan lindhungi aku saka rencanané wong jahat.
10 Wong-wong jahat bakal tiba ing jaring sing dhèwèké pasang kanggo wong liya.+
Ning, aku bakal lolos saka rencanané wong-wong kuwi.