Apa Pengaruhé Tèknologi Kanggo Hubungan Karo Wong Liya?
Tèknologi kuwi mémang bermanfaat. Merga ana tèknologi kaya SMS, chatting, e-mail, video call, lan média sosial, komunikasi dadi luwih gampang, bahkan awaké dhéwé isa komunikasi karo wong sing manggon ing negara liya.
Tapi, nèk komunikasi utawa bergaulé mung nganggo tèknologi, wong-wong isa dadi . . .
kurang perduli karo kancané.
kesepian lan ngrasa ora berharga.
égois.
SING PERLU DIPIKIRKÉ
PERDULI KARO WONG LIYA
Wong sing perduli seneng mikirké wong liya. Tapi, nèk terlalu sibuk SMS-an, chatting-an, utawa ndeloki média sosial, awaké dhéwé dadi ora nduwé wektu kanggo mikirké wong liya.
Nèk pesan masuké terlalu akèh, mbalesiné dadi mung asal-asalan, dadi ora isa bener-bener ngerti piyé keadaané kancané. Nèk wis ngono, dadi ora ngerti nèk ana kanca sing butuh bantuan.
COBA DIPIKIR: Nèk komunikasiné karo kanca-kanca nganggo perangkat èlèktronik, piyé carané bèn njenengan ”isa ngrasakké apa sing dirasakké wong liya”?—1 PÉTRUS 3:8.
NGRASA ORA BERHARGA
Menurut penelitian, bar ndelok postingané wong-wong ing média sosial, akèh sing ngrasa nèk uripé nelangsa. Jaréné bar ndeloki postingan ing média sosial, wong-wong kuwi dadi ”ngrasa nèk uripé mung ngono-ngono waé”.
Terus, ndeloki foto-fotoné wong liya sing diposting kuwi isa marahi iri. Mungkin ana sing ngrasa nèk uripé ora nyenengké, merga mbandhingké karo uripé wong liya sing kétoké luwih pénak.
COBA DIPIKIR: Wektu ndeloki postingané wong-wong ing média sosial, piyé carané bèn njenengan ora nganti iri karo wong liya?—GALATIA 6:4.
MIKIRKÉ KEPENTINGANÉ DHÉWÉ
Ana guru sing crita nèk murid-muridé ana sing égois lan gelem kancanan mung nèk ana untungé thok. Wong sing kaya ngono kuwi mung mikirké kepentingané dhéwé. Kanca-kancané dianggep kaya alat sing digolèki mung nèk pas dibutuhké thok.
COBA DIPIKIR: Nèk njenengan mèh posting sesuatu, apa tujuané mung kanggo pamèr lan saingan?—GALATIA 5:26.
SING PERLU DIUPAYAKKÉ
PIKIRNA APA PENGARUHÉ TÈKNOLOGI KANGGO NJENENGAN
Nèk nganggoné bener, tèknologi isa mbantu njenengan bèn luwih akrab karo kanca-kancané njenengan.
KANDHANÉ ALKITAB: ”Wong sing nduwé katresnan kuwi . . . ora mung mikirké kepentingané dhéwé.”—1 KORINTUS 13:4, 5.
Sing endi sing péngin njenengan coba? Njenengan ya isa nambahi dhéwé ing ngisoré.
Daripada mung SMS-an, chatting-an, utawa ngirim e-mail, mendhing ketemu langsung
Pas lagi ngobrol, HP-né disimpen sik (utawa disetèl mode diam)
Aja kerep-kerep ndeloki média sosial
Nèk ana sing ngomong, ya dirungokké tenanan
Nèk ngerti ana kanca sing lagi susah, ya coba dihubungi