Carané Suami Istri Isa Nguwatké Perkawinané

Abraham lan Sara kuwi conto pasangan sing apik. Wong loro kuwi padha-padha sayang lan ngajèni. (Pd 12:11-13; 1Ptr 3:6) Senajan ngono, perkawinané Abraham lan Sara ora sampurna. Wong loro kuwi kudu ngalami akèh tantangan. Suami istri isa sinau apa saka contoné Abraham lan Sara?

Kudu terus komunikasi. Wektu bojoné njenengan ngomong kasar merga akèh pikiran, aja lara ati. Njenengan kudu ngupaya ngertèni perasaané. (Pd 16:5, 6) Nggawéa rencana bèn ana kegiatan sing isa ditindakké wong loro. Liwat omongan lan tumindak, gawénen bojoné njenengan yakin nèk njenengan sayang dhèwèké. Sing paling penting, njenengan lan bojoné njenengan kudu terus sinau, ndonga, lan ngibadah bareng bèn isa tetep akrab karo Yéhuwah. (Ko 4:12) Perkawinan sing kuwat isa ngluhurké Yéhuwah, pribadi sing nggawé pengaturan sing suci iki.

DELOKEN VIDÉO CARANÉ NGUWATKÉ IKATAN PERKAWINAN, TERUS JAWABEN PITAKONAN-PITAKONAN IKI:

• Ing vidéo kuwi, apa sing nduduhké nèk Shaan lan Kiara mulai ora akrab?

• Apa sebabé komunikasi sing lancar kuwi penting ing perkawinan?

• Piyé contoné Abraham lan Sara mbantu Shaan lan Kiara?

• Apa waé sing ditindakké Shaan lan Kiara kanggo nguwatké perkawinané?

• Apa sebabé suami lan istri ora éntuk njaluk pasangané dadi sampurna?