Éntuk Manfaat saka Gambar-Gambar ing Publikasi

Ana akèh sing isa dipelajari saka gambar-gambar sing ana ing publikasi. Nah, bèn isa éntuk pelajarané, kudu piyé?

• Sakdurungé maca artikelé, deloken gambaré sik. Padha kaya ndelok panganan sing kétok énak, terus dadi péngin ngicipi, nèk ndelok gambaré sik, njenengan bakal dadi penasaran lan péngin ngerti isiné artikel kuwi. Dadi sakdurungé maca artikelé, pikirna, ’Iki gambar apa ya?’—Am. 7:​7, 8.

• Wektu maca artikelé, pikirna, ’Ngapa kok sing digunakké gambar iki?’ Wacanen keterangan gambar utawa penjelasan gambaré nèk ana. Bar kuwi, pikirna hubungané antarané gambar karo paragraf utawa isiné artikel kuwi. Terus, renungna piyé carané ngetrapké pelajarané.

• Bar maca artikelé, deloken manèh gambaré bèn kèlingan inti saka artikel kuwi. Bar kuwi, cobaa merem lan ngéling-éling gambaré karo pelajarané.

• Coba deloken manèh gambar-gambar ing majalah iki, terus coba éling-élingen apa waé sing wis njenengan pelajari saka gambar-gambar kuwi.