Piyé Carané Ngatasi Rasa Kesepian?

• ”Kira-kira setengah wong déwasa ing Amerika Serikat ngrasa kesepian, terutama cah-cah enom sing umuré 18 nganti 25 taun.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• ”[Organisasi Keséhatan Dunia] ngumumké nèk mbentuk kelompok sing tugasé riset soal kesepian sing saiki dadi masalah keséhatan. Meréka ya ditugasi kanggo nyemangati wong-wong bèn gelem bergaul lan nduwé kanca. Sakliyané kuwi meréka dikon nggolèk cara kanggo ngatasi kesepian ing kabèh negara, termasuk ing negara-negara sing miskin.”​—Organisasi Keséhatan Dunia, 15 November 2023.

Ing Alkitab ana naséhat soal carané nduwé kanca bèn awaké dhéwé ora ngrasa kesepian.

Naséhat ing Alkitab

Aja ngentèkké wektu dhèwèkan. Misalé kakèhan dolanan média sosial. Luwih apik wektuné dienggo bergaul, ketemu langsung, lan ngobrol karo wong liya bèn isa dadi kanca.

• Ayat: ”Kanca sejati kuwi terus nresnani lan dadi sedulur sing isa diendelké wektu ana kesusahan.”​—Wulang Bebasan 17:17.

Nggolèk cara kanggo mbantu wong liya. Mbantu wong liya ora mung nggawé awaké dhéwé akrab karo dhèwèké, tapi ya nggawé awaké dhéwé bahagia.

• Ayat: ”Mènèhi kuwi luwih bahagia timbang diwènèhi.”​—Kisah 20:35.

Bukaken bagéan liyané ing situs wèb iki bèn éntuk keterangan luwih akèh saka Alkitab soal carané nduwé kanca.