Ngapa Kok Awaké Dhéwé Diciptakké?

Jawaban ing Alkitab

Akèh sing mikir, ’Ngapa kok awaké dhéwé diciptakké? Apa urip iki mung kaya ngéné waé?’ Menurut Alkitab, awaké dhéwé diciptakké bèn isa cedhak karo Gusti Allah. Ana beberapa ayat ing Alkitab sing njelaské soal kuwi.

Sing Nyiptakké awaké dhéwé kuwi Gusti Allah. Ing Alkitab disebutké, ”[Gusti Allah] sing nyiptakké awaké dhéwé, lan awaké dhéwé kuwi duwèké.”—Mazmur 100:3; Wahyu 4:11.
Gusti Allah nduwé tujuan wektu nyiptakké awaké dhéwé lan kabèh ciptaan sing liyané.—Yésaya 5:18.
Awaké dhéwé butuh ”tuntunané Gusti Allah”. Mula, awaké dhéwé péngin ngerti ngapa kok awaké dhéwé diciptakké. (Matius 5:3) Gusti Allah mbantu bèn awaké dhéwé isa ngerti soal kuwi.—Mazmur 145:16.
Bèn isa éntuk tuntunané Gusti Allah, awaké dhéwé kudu nyedhak karo Gusti Allah. Ana sing mikir nèk awaké dhéwé ora mungkin isa cedhak karo Gusti Allah. Tapi ing Alkitab disebutké, ”Kowé kudu nyedhak marang Gusti Allah, lan Dhèwèké bakal nyedhak marang kowé.”—Yakobus 4:8; 2:23.
Bèn isa cedhak karo Gusti Allah, awaké dhéwé kudu manut karo Gusti Allah. Ing Pengkhotbah 12:13 disebutké, ”Wedia karo Gusti Allah sing bener lan manuta karo préntahé, merga iki kabèh kewajibané manungsa.”
Gusti Allah péngin bèn awaké dhéwé urip saklawasé lan ora susah. Sukmbèn, awaké dhéwé isa ngrasakké kuwi nèk terus cedhak karo Gusti Allah lan nyembah Dhèwèké.—Mazmur 37:10, 11.