Gusti Allah Isa Dadi Kanca Sing Paling Apik Kanggo Panjenengan

Dadi kancané Gusti Allah kuwi perkara sing paling aji kanggo panjenengan. Gusti Allah bakal mulang panjenengan carané urip seneng, merga mbantu panjenengan ngibadah manut karo kersané lan nindakké sing bener. Gusti Allah bakal mirengké donga panjenengan. Panjenengan uga bakal dibantu bèn isa urip ayem tentrem. (Jabur 71:5; 73:28) Gusti Allah bakal nulungi panjenengan pas ngadhepi masalah. (Jabur 18:19) Lan, Gusti Allah isa maringi urip saklawasé.​—Rum 6:23.

Saya suwé panjenengan dadi kancané Gusti Allah, panjenengan uga dadi saya cedhak karo kanca-kancané Gusti Allah. Kanca-kancané Gusti Allah uga bakal dadi kanca panjenengan. Malah isa dadi kaya seduluré dhéwé. Kanca-kancané Gusti Allah bakal mbantu panjenengan ngerti bab Gusti Allah lan bakal nggedhèkké ati panjenengan.

Awaké dhéwé ora padha drajaté karo Gusti Allah. Ana sing perlu dingertèni pas ngupaya dadi kancané Gusti Allah. Nduwé kanca Gusti Allah kuwi béda karo nduwé kanca manungsa. Gusti Allah luwih sepuh, luwih pinter, lan luwih kwasa timbang awaké dhéwé. Merga Gusti Allah sing nggawé manungsa, mung Gusti Allah sing nduwé wewenang ngatur manungsa. Mula, nèk awaké dhéwé arep dadi kancané, perlu manut lan nglakoni tuntunané. Kuwi kabèh ana paédahé kanggo uripé manungsa.​—Yésaya 48:18.