Berusaha Bèn Sedulur-Sedulur Ora Kena COVID Pas Ngibadah ing Balai

Awal Maret 2022 ing jw.org ana pengumuman sing nyenengké, ”Pengurus Pusat wis mutuské nèk mulai tanggal 1 April kabèh jemaat wis isa ngibadah langsung ing Balai Ibadah nèk ora larangan saka pamréntah.”a Pengaturan apa waé sing digawé bèn sing teka ing Balai Ibadah isa tetep aman? Sakwisé rong taun ora dienggo, Balai Ibadahé piyé?

Sakjané, beberapa bulan sakdurungé ana sedulur-sedulur sing wis nyiapké Balai Ibadah bèn isa dienggo ngibadah.

Kebutuhané Béda-Béda

Sasi April 2020 Departemèn Rancang/Bangun Sedunia (RBD) ing Warwick, New York, mulai mikirké piyé carané bèn Balai Ibadah isa tetep dienggo meskipun lagi pandemi.

Kebutuhan saben dhaérah kuwi béda-béda. Matthew De Sanctis sing kerja ing RBD ngomong, ”Ing beberapa dhaérah éntuk banyu kuwi angèl. Dadi kudu tuku banyu utawa njupuk saka kali utawa sumur. Terus, ing beberapa dhaérah liyané pamréntahé nggawé peraturan nèk sirkulasi udara ing ruangan kudu apik lan ngongkon masang pengingat soal kebersihan lan keséhatan.”

Piyé sedulur-sedulur ngatasi kuwi? Matthew crita, ”Ing akèh Balai Ibadah, cara ngatasiné kuwi murah lan sederhana.” Misalé, ing Papua Nugini sedulur-sedulur isa nganggo jèrigèn ukuran 20 liter lan keran. Dadi mung butuh dhuwit kira-kira 500.000 èwu rupiah. Organisasi ya tuku luwih saka 6.000 tempat cuci tangan sing apik kanggo Balai Ibadah ing Afrika.

Sirkulasi udara ya digawé dadi luwih apik. Misalé dipasangi kipas. Beberapa jemaat ya tuku tongkat mic bèn para sedulur sing arep koméntar ora perlu nyekel langsung mic-é. Terus, sing sering dicekel kaya pintu lan keran kudu sering disanitasi. Beberapa jemaat ya masang alat buka tutup keran otomatis. Setiap Balai Ibadah ing Cile butuh kira-kira 20 juta rupiah kanggo tuku peralatan bèn Balai Ibadahé isa aman dienggo selama pandemi.

Sedulur-sedulur ya berusaha bèn dhuwit sumbangané isa dihémat. Ing beberapa negara sedulur-sedulur ya nggunakké bantuan saka pamréntah kanggo tuku alat sanitasi lan tongkat mic. Kantor cabang ya berusaha menghémat dhuwit sumbangan. Carané, pas tuku barang sisan akèh bèn regané isa luwih murah. Kantor cabang lan Departemèn Pembelian Global nèk tuku langsung saka pabriké bèn regané isa luwih murah lan dikirimé isa luwih cepet.

”Aku Ngerti Nèk Iki Aman”

Merga pengaturan sing wis digawé, sedulur-sedulur dadi ora wedi ketularan virus pas teka ing Balai Ibadah. Sedulur Dulcine saka Peru crita, ”Awalé aku wedi teka ing Balai Ibadah, soalé aku wis tau kena COVID. Dadi aku wedi kena COVID manèh. Tapi pas aku teka ing Balai Ibadah, aku ngerti nèk iki aman. Soalé, ing Balai Ibadah ana hand sanitizer, nèk arep koméntar nganggo tongkat mic, terus sakdurungé lan sakwisé ngibadah Balainé ya disanitasi sik.”b

Sedulur Sara saka Zambia ngomong, ”Beberapa bulan lalu, bojoku mati merga COVID. Dadi aku wedi nèk kudu teka ing Balai Ibadah. Tapi pas teka, aku ngrasakké dhukungané para pinituwa lan sedulur-sedulur. Aku dadi yakin nèk Yéhuwah ora tau ninggalké aku.”

Seksi-Seksi Yéhuwah seneng lan bersyukur isa ngibadah manèh ing Balai Ibadah. Iki kabèh isa kelakon merga njenengan wis nyumbang liwat donate.jw.org. Maturnuwun merga njenengan wis murah hati.