Carané Bèn Pakumpulan Sakdurungé Nginjil Isa Bermanfaat

Kaya pakumpulan ibadah, pakumpulan sakdurungé nginjil (PSN) kuwi ya persediaan saka Yéhuwah sing tujuané bèn awaké dhéwé saya nresnani lan nindakké apa sing apik. (Ibr 10:24, 25) Pakumpulan sakdurungé nginjil kuduné mung lima nganti pitung menit, wis termasuk mbagi kelompok, mbagi dhaérah, lan donga penutup. (Nèk PSN-é bar ngibadah, kuduné luwih singkat manèh.) Sing mandhu kuduné wis nyiapké bahan sing bermanfaat dienggo nginjil dina kuwi. Contoné, pas dina Setu mungkin luwih apik nèk mbahas carané omong-omongan pas nginjil, merga akèh sing nginjilé mung akhir pekan. Apa manèh sing isa dibahas?

• Conto carané ngomong saka Urip lan Nginjilé Wong Kristen—Jadwal Kagiyatan

• Carané mulai omong-omongan nganggo berita utawa peristiwa sing lagi kelakon

• Carané nanggepi wong sing awalé ora gelem dijak omong-omongan

• Carané ngomong karo wong sing ora percaya Gusti Allah, percaya téori évolusi, nganggo basa liya, agamané Hindu, utawa Budha

• Carané nggunakké fitur-fitur ing jw.org, JW Library^®, utawa Alkitab

• Carané nggunakké Alat-Alat kanggo Mulang

• Carané nginjil nganggo télpon, nginjil nganggo surat, nginjil ing panggonan umum, marani manèh, utawa mandhu sinau Alkitab

• Ngélingké bèn ngati-ati wektu nginjil, ora kaku, sopan, sikapé apik, lan liya-liyané

• Mbahas pelajaran utawa vidéo saka brosur Carané Bèn Trampil Maca lan Mulang

• Carané mbantu lan nyemangati kanca nginjil

• Mbahas ayat sing ana hubungané karo nginjil utawa pengalaman nginjil sing menarik