ის წარსულს არ მისტიროდა

ᲘᲡ ᲗᲐᲕᲘᲡ საყვარელ მეუღლესთან ერთად შინარის მიწაზე მდინარე ევფრატის პირას გაშენებულ ქალაქ ურში ცხოვრობდა. ამ ხალხმრავალ ქალაქში კერპთაყვანისმცემლობა ყვაოდა, მაგრამ ის და მისი მეუღლე სრულიად განსხვავდებოდნენ გარშემო მცხოვრები ხალხისგან. ალბათ მიხვდით, რომ ჩვენ სარასა და აბრაამზე ვსაუბრობთ. ისინი ჭეშმარიტ ღმერთს, იეჰოვას, სცემდნენ თაყვანს. თუმცა ერთ დღესაც სარას რწმენა და გამბედაობა გამოიცადა.

აბრაამმა სარას უთხრა, რომ იეჰოვა დაელაპარაკა. თავიდან სარას ეს ამბავი აღაფრთოვანებდა, მაგრამ ის, რაც შემდეგ უთხრა, ალბათ შეაფიქრიანებდა კიდეც. იეჰოვას მითითებისამებრ მათ უნდა დაეტოვებინათ მშობლიური ქალაქი ური და შორეულ მიწაზე წასულიყვნენ კარვებში საცხოვრებლად. ურის დატოვება მათთვის მარტივი ნამდვილად არ იქნებოდა. ის ხომ საკმაოდ კეთილმოწყობილი და დაცული ქალაქი იყო. მას გარს დიდი გალავანი ერტყა და მცველებიც იცავდნენ. თანაც ქალაქში წყალგაყვანილობაც ჰქონდათ და არც რაიმეს ყიდვა წარმოადგენდა პრობლემას. ფაქტია, სარას წინ ბევრი სირთულე ელოდა, მაგრამ ამის გამო უკან არ დაუხევია. ის ბოლომდე მიენდო იეჰოვას, ჩაალაგა თავისი ნივთები, გამოემშვიდობა ნათესავებსა და მეგობრებს და აბრაამთან ერთად უცხო მიწისკენ მიმავალ გზას დაადგა.

სარამ სხვა მხრივაც გამოავლინა ნდობა და რწმენა. მოციქულმა პავლემ მასზე და აბრაამზე დაწერა: „თუკი იმ ადგილზე იფიქრებდნენ, საიდანაც წამოვიდნენ, უკან დასაბრუნებლად გზასაც გამონახავდნენ“ (ებრ. 11:15). სარა არ მისტიროდა ურში დატოვებულ სახლ-კარსა და უსაფრთხო გარემოს. მას მტკიცედ ჰქონდა გადაწყვეტილი, წარსულზე აღარ ეფიქრა.

ქანაანში ჩასული სარა მალევე მიხვდებოდა, რომ ეს გარემო სულაც არ ჰგავდა მის მშობლიურ ქალაქ ურს. იქ აღარსად იყო წყალუხვი ევფრატი, რომელსაც შორეული ქვეყნებიდან ჩამოსული ვაჭრები იყენებდნენ ათასგვარი სამრეწველო საქონლის ჩამოსატანად. Მოგვიანებით, როცა ქანაანში შიმშილობა ჩამოვარდა, აბრაამსა და სარას ისღა დარჩენოდათ, რომ სხვაგან გადასულიყვნენ. სარას ამ სიტუაციით არ უსარგებლია, რომ აბრაამი უკან დაბრუნებაზე დაეყოლიებინა. ნაცვლად ამისა, ქმართან ერთად ეგვიპტისკენ აიღო გეზი.

სარა ძალიან ლამაზი ქალი იყო. ამიტომ აბრაამს ეშინოდა, რომ მის თავს წაართმევდნენ, თავად კი მოკლავდნენ. ამის თავიდან ასარიდებლად ცოლს სთხოვა, ეთქვა, რომ მისი და იყო. მაგრამ ამ ტაქტიკამ ვერ გაამართლა. როცა ფარაონმა სარას სილამაზის შესახებ შეიტყო, თავის სასახლეში მიაყვანინა. იქ ცხოვრება, რაღა თქმა უნდა, უფრო კომფორტული იქნებოდა, ვიდრე მომთაბარეობა. მაგრამ სარას არც კი უფიქრია აბრაამის მიტოვება და ფარაონთან ერთად ფუფუნებაში ცხოვრება. მან მართლაც დიდი რწმენა და ერთგულება გამოავლინა. იეჰოვამაც მალევე იხსნა ის და ქმართან დააბრუნა.a

იეჰოვა აბრაამს დაჰპირდა, რომ მისგან დიდ ხალხს წარმოშობდა. მაგრამ სარას შვილი არ ჰყავდა, რაც მას ძალიან აწუხებდა. თუმცა ქანაანში მრავალწლიანი ცხოვრების შემდეგ იეჰოვამ ის ერთგულებისთვის დააჯილდოვა და სასწაული მოახდინა – 90 წლის ასაკში სანუკვარი სურვილი შეუსრულა და ვაჟი აჩუქა. ღვთის მითითებისამებრ მშობლებმა ბავშვს ისაკი დაარქვეს, რაც „სიცილს“ ნიშნავს. ამას თავისი მიზეზი ჰქონდა: როცა აბრაამმა და სარამ გაიგეს, რომ შვილი ეყოლებოდათ, გაეცინათ. სარა ფიქრობდა, რომ სხვებსაც გაეცინებოდათ, როცა მის ამბავს შეიტყობდნენ.

ისაკის დაბადების შემდეგ სარამ ოცდაათ წელზე მეტი იცოცხლა. მან გაბედულად დაიცვა თავისი ვაჟი, როცა ისმაელი დასცინოდა და ჩაგრავდა. მოგვიანებით კი საკუთარი თვალით იხილა, როგორ იქცა ის ღვთისმოსაწონ ადამიანად. სიცოცხლის ბოლო წუთამდე მას არ უნანია მიღებული გადაწყვეტილება, რომ თავის დროზე კომფორტულ ცხოვრებაზე უარი თქვა. ნაცვლად ამისა, მას მზერა მომავლისკენ ჰქონდა მიპყრობილი. სარას იმედი ნამდვილად არ გაუცრუვდება! მას და მის ოჯახს დიდ სიხარულს მიანიჭებთ იმის დანახვა, როგორ შეასრულებს იეჰოვა საბოლოოდ თავის განზრახვას.

წაიკითხეთ:

• დაბადება 12:1–20; 15:18; 16:1, 2; 17:3–8, 15–19; 18:9–15; 20:1–17; 21:1–13

• საქმეები 7:1–7

იმსჯელეთ:

რაში გამოჩნდა სარას რწმენა და გაბედულება?

გამოიკვლიეთ

1. 1) რამდენად გამართლებული იყო ის ფაქტი, რომ სარა თავის ნახევარძმას, აბრაამს, გაჰყვა ცოლად? (wp17.3 12 ¶5, სქ.)

   პასუხი:

2. 2) აღწერეთ, როგორი ცხოვრება ჰქონდა სარას ქალაქ ურში (wp17.3 13 ¶3–14 ¶2). სურათი 1

   პასუხი:

   

   Photograph taken by courtesy of the British Museum

3. 3) რატომ შეგვიძლია იმის თქმა, რომ აბრაამი ჭკვიანურად მოიქცა, როცა არ გაამხილა, რომ სარა მისი ცოლი იყო? (wp17.3 14 ¶6–15 ¶2)

   პასუხი:

4. 4) Მართალია, სარა აბრაამს ემორჩილებოდა, მაგრამ ნიშნავს ეს იმას, რომ მას საკუთარი აზრი არასდროს გამოუთქვამს? ახსენით (g 1/08 29 ¶4, 5). სურათი 2

   პასუხი:

   

რას სწავლობთ

• შეადარეთ სარა და ლოტის ცოლი.

  • რა მსგავსებას ხედავთ მათ შორის? (დაბ. 12:1; 13:5–7; 19:12, 15)

    პასუხი:

  • რით განსხვავდებოდნენ ერთმანეთისგან? (დაბ. 19:17, 26; ლუკ. 17:28–32)

    პასუხი:

  • რა შედეგი მოუტანა მათ თავიანთმა გადაწყვეტილებებმა და რას გვასწავლის ეს ჩვენ?

    პასუხი:

• სარა ლამაზი და მდიდარი ქალი იყო. როგორ დაეხმარება ქრისტიანს მისი მაგალითი, სწორი შეხედულება ჰქონდეს საკუთარ თავზე, თუ გარეგნობით გამოირჩევა ან მატერიალურად უზრუნველყოფილია? (იგავ. 31:30; 1 ტიმ. 6:17–19)

  პასუხი:

• როგორ შეგიძლიათ მიჰბაძოთ სარას რწმენასა და გაბედულებაში? სურათი 3

  პასუხი:

  

ფართოდ შეხედეთ საკითხს

• რას გასწავლით ეს ისტორია იეჰოვას შესახებ?

  პასუხი:

• როგორ უკავშირდება ეს ისტორია იეჰოვას განზრახვის შესრულებას?

  პასუხი:

• რას ჰკითხავთ მკვდრეთით აღმდგარ სარას?

  პასუხი:

გაიგეთ მეტი

როგორ ეხმარება სარას მაგალითი არა მარტო ცოლებს, არამედ ქმრებსაც?

„ისწავლეთ სარასგან“ (6:27)

გაიგეთ, როგორ გამოხატავდნენ სარა და აბრაამი ერთმანეთის მიმართ პატივისცემას.

„ნუ ჩააქრობთ „იაჰის ალს“ (w23.05 24, 25 ¶15–17)