სარგებლობა მიიღე 1999 წლის თეოკრატიული სამსახურის სკოლის პროგრამიდან

¹ იესო დიდებული მასწავლებელი იყო. ადამიანები „გაოცებულნი იყვნენ მისი მოძღვრებით“ (მარ. 1:22). თუმცა არც ერთ ჩვენგანს არ შეგვიძლია იესოს მსგავსად საუბარი და სწავლება, მაგრამ შეგვიძლია მივბაძოთ მას (საქ. 4:13). თეოკრატიული სამსახურის სკოლის პროგრამაში მონაწილეობა დაგვეხმარება ამ მიზნის მიღწევაში, რომ გავიუმჯობესოთ მეტყველება და სწავლების უნარი.

² 1999 წელს დავალება №1 ძირითადად დაფუძნებული იქნება 1997 წლის ჟურნალების, „საგუშაგო კოშკისა“ და „გამოიღვიძეთ!“-ის, სტატიებზე. სულიერ საკითხებს უფრო კარგად გავიგებთ, თუ წინასწარ წავიკითხავთ ამ ინფორმაციას და შემდეგ სკოლის პროგრამის დროს მოვისმენთ. ძმებმა, რომლებიც სასწავლო მოხსენებებს აკეთებენ, მასალა პრაქტიკული თვალსაზრისით უნდა წარადგინონ, გადასცენ საინტერესოდ და ცოცხლად. დავალებები №3 და №4 დაფუძნებული იქნება წიგნზე „ოჯახური ბედნიერება“ და „ბიბლიური თემები საუბრებისთვის“. დავალებების განაწილებამდე სკოლის ზედამხედველმა ყურადღება უნდა მიაქციოს მასალას. ყველა, ვინც წარადგენს მასალას წიგნიდან „ოჯახური ბედნიერება“, სამაგალითო უნდა იყოს ოჯახურ ცხოვრებაში.

³ მიიღე რჩევა და კარგად მოემზადე. ყველას შეუძლია გაიუმჯობესოს მეტყველება და სწავლების უნარი (1 ტიმ. 4:13). მაშასადამე, უნდა ვეძებოთ რჩევა და არასოდეს ჩავთვალოთ არასასურველად ის (იგავ. 12:15; 19:20). შეხვედრებზე და სამქადაგებლო მსახურებაში ჭეშმარიტების გადასაცემად უფრო მეტია საჭირო, ვიდრე მხოლოდ ფაქტების წარდგენა ან ბიბლიური მუხლების ზედაპირულად წაკითხვა. ჩვენ გულებს უნდა შევეხოთ და მსმენელები მოქმედებისკენ აღვძრათ. ამას იმ შემთხვევაში მივაღწევთ, თუ ჭეშმარიტების შესახებ მთელი გულით ვისაუბრებთ დამაჯერებლად (შეადარე საქმეები 2:37). სკოლაში მიღებული რჩევები კი დაგვეხმარება, რომ მივაღწიოთ ამ მიზანს.

⁴ დავალების მიღებისთანავე იფიქრე პუნქტებზე, რომლებზეც უნდა იმუშაო „სკოლის სახელმძღვანელოს“ დახმარებით. დაუკვირდი, თუ რის გაკეთება გესაჭიროება მიღებული რჩევის გასათვალისწინებლად. დაუფიქრდი თემას, თუ საჭიროა სიტუაციას და თუ როგორ გამოიყენებ ბიბლიურ მუხლებს, რომლებიც მასალაშია მოცემული. დაფიქრდი, საუკეთესოდ როგორ შეგიძლია გამოიყენო ინფორმაცია, რომ ასწავლო და მოქმედებისკენ აღძრა მსმენელი (1 ტიმ. 4:15, 16).

⁵ თუ სკოლაში ჩაწერის გეშინია, ილოცე და შენი გრძნობები სკოლის ზედამხედველს გაუზიარე. ყველას ვიწვევთ სრული სარგებლობა მიიღოს პროგრამიდან, რომელიც 1999 წელს თეოკრატიული სამსახურის სკოლაში იქნება წარმოდგენილი.