Ũndũ Ũtonya Kũtũmĩa Kavuku Kaa

Nthĩnĩ wa kavuku kaa nũkwona ĩandĩko ya kĩla mũthenya, na maelesyo ala mayĩkonetye. O na kau nũtonya kũsoma ĩandĩko na maelesyo saa ila ũkwenda, andũ aingĩ monaa wĩ ũseo kwĩka ũu kwakya. Meeka ũu, methĩawa matonya kũsũanĩa ĩũlũ wa ĩandĩko yĩu mũthenya wʼonthe. Ĩla andũ ma mũsyĩ masoma ĩandĩko me vamwe nĩmatethekaa mũno. Athũkũmi ma Mbetheli syonthe ĩũlũ wa nthĩ, mekaa ũu mbee wa kwĩtwʼa ĩta.

Maelesyo ala makonetye ĩandĩko maumĩtwʼe makasetinĩ ma Mũsyaĩĩsya (w) ma Mwei wa 4, 2015, nginya Mwei wa 3, 2016. Namba ila iatĩĩe matukũ ala monanĩtwʼe ma ĩkaseti ya Mũsyaĩĩsya syĩonanyʼa ilungu sya kwĩmanyĩsya, ila ivangĩtwe kwosana na ũndũ iatĩanĩe nthĩnĩ wa ĩkaseti yĩu (1, 2, 3, 4, kana 5). Nasyo namba ila iatĩĩe syĩonanyʼa tũlungu twa ĩkaseti ya Mũsyaĩĩsya vala maelesyo asu maumĩte. (Sisya ngelekanyʼo ĩno yĩ vaa ĩtheo.) Wenda kũkwata ũvoo mwingangĩ ĩũlũ wa kĩla kĩũneenewa nthĩnĩ wa ĩandĩko, soma kĩlungu kya ĩkaseti vala maelesyo maumĩtwʼe. Na nĩ kana ũmanye vala kĩla kĩlungu kyambĩlĩlye, sisya ĩthangũ ya mbee kana ya kelĩ ĩkasetinĩ yĩu ya Mũsyaĩĩsya.