Ũndũ Ũtonya Kũtũmĩa Kavuku Kaa

Nthĩnĩ wa kavuku kaa nũkwona ĩandĩko ya kĩla mũthenya na maelesyo ala mayĩkonetye. O na kau nũtonya kũsoma ĩandĩko na maelesyo saa ila ũkwenda, andũ aingĩ monaa wĩ ũseo kwĩka ũu kwakya. Meeka ũu, methĩawa matonya kũsũanĩa ĩũlũ wa ĩandĩko yĩu mũthenya w’onthe. Yĩla andũ ma mũsyĩ masoma ĩandĩko me vamwe nĩmatethekaa mũno. Athũkũmi ma Mbetheli syonthe ĩũlũ wa nthĩ mekaa ũu saa sya kwĩtw’a ĩta.

Maelesyo ala makonetye ĩandĩko maumĩtw’e makasetinĩ ma Mũsyaĩĩsya (w) ma Mwei wa 4, 2021, nginya Mwei wa 3, 2022. Namba sya mbee ila iatĩĩe matukũ ala monanĩtw’e ma ĩkaseti ya Mũsyaĩĩsya syĩonany’a namba ya ĩthangũ, nasyo namba sya kelĩ syĩonany’a tũlungu twa ĩsomo yĩla yumĩtw’e maelesyo. (Sisya ngelekany’o ĩno yĩ vaa ĩtheo.) Wenda kũkwata ũvoo mwingangĩ ĩũlũ wa kĩla kĩũneenewa nthĩnĩ wa ĩandĩko, soma kĩlungu kya ĩkaseti vala maelesyo maumĩtw’e.