Twĩ na Wĩkwatyo Wĩva Kwondũ wa Ala Makwie?

Kĩkwʼũ nĩkĩũmĩasya kĩla ũmwe witũ, ĩndĩ no twĩkũlye-ĩ, ‘Ve wĩkwatyo ĩtina wa kũkwʼa? Mũndũ akwʼa ũu wake wĩthĩawa wathela tene na tene? Twĩ na wĩkwatyo wĩva kwondũ wa ala makwie?’

SŨANĨA ŨNDŨ MBIVILIA YAASYA:

MŨNDŨ AKWʼA ŨU WAKE NDWĨTHĨAWA WATHELA

“Ala onthe me mbũanĩ . . . makauma.”—Yoana 5:28, 29.

Ngai nũlilikene andũ ala makwie, ala me kĩlilikanonĩ kyake makathayũũka.

VE ANDŨ MAKATHAYŨŨKWʼA MEKALE ĨŨLŨ WA NTHĨ

“Kũkeethĩwa na ũthayũũkyo wa ala alũngalu na ala mate alũngalu.”—Meko ma Atũmwa 24:15.

Andũ mbilioni mbingĩ makathayũũkwʼa me na wĩkwatyo wa kwĩkala tene na tene ĩũlũ wa nthĩ kwĩ mũuo.

VE KĨTUMI KĨSEO VYŨ KYA KŨĨKĨĨA ŨTHAYŨŨKYO

“[Ngai] nũtalaa ndata ũndũ syĩana; nũsyĩtaa syonthe na masyĩtwa masyo.”—Savuli 147:4.

Ethĩwa Ngai e na ũtonyi wa kwĩta ndata syonthe masyĩtwa, akalilikana andũ onthe ala ũkenda kũthayũũkya.