Syo Ngũsĩ sya Yeova nĩ Aklĩsto?

Ĩĩ. Twĩ Aklĩsto nũndũ wa itumi ii:

• Nĩtũtataa kũatĩĩa nesa momanyĩsyo ma Yesũ na kwĩka maũndũ ala weekaa.—1 Vetelo 2:21.

• Nĩtũĩkĩĩaa kana andũ makatangĩĩwa kwĩsĩla vala ve Yesũ e weka, na kana “kũti syĩtwa yĩngĩ ĩtheo wa ĩtu, yĩnengetwe andũ, yĩtwaĩle ithyĩ kũtangĩĩwa nayo.”—Meko ma Atũmwa 4:12.

• Ĩla andũ matwʼĩka Ngũsĩ sya Yeova nĩmavatisawa syĩtwanĩ ya Yesũ.—Mathayo 28:18, 19.

• Tũvoyaa ĩsyĩtwanĩ ya Yesũ.—Yoana 15:16.

• Tũĩkĩĩaa kana Yesũ nĩwe Mũtwe, kana nĩwe ũla ũnengetwe ũkũmũ ĩũlũ wa kĩla mũndũ.—1 Akolintho 11:3.

Ĩndĩ, ve o maũndũ matumaa twĩthĩwe twĩ kĩvathũkanyʼo na ndĩni ila ingĩ syĩtawa sya Kĩklĩsto. Kwa ngelekanyʼo, tũĩkĩĩaa kana Mbivilia ĩmanyĩasya Yesũ nĩ Mwana wa Ngai ĩndĩ ti Ũtatũ. (Maliko 12:29) Tũiĩkĩĩaa kana thayũ ndũkusaa, tũiĩkĩĩaa kana ve vandũ Mbivilia ĩwetete atĩ Ngai akavĩvĩsya andũ ĩiani ya mwaki tene na tene, na kana atongoi ma ndĩni nĩmaĩle kũnewa masyĩtwa manene ma ũtongoi.—Mũtavanʼya 9:5; Esekieli 18:4; Mathayo 23:8-10.