Syo Ngũsĩ sya Yeova Ninengae Ndĩni Ila Ingĩ Ndaĩa?

Ithyĩ tũatĩĩaa ũtao wĩ Mbivilianĩ ũla waĩtye, “Nengaei kĩla mũndũ ndaĩa,” na nĩtwĩkaa ũu tũteũkũlya mũndũ aĩkĩĩaa kyaũ. (1 Vetelo 2:17, The Holy Bible in Current Kikamba Language) Kwa ngelekanyʼo, nthĩ imwe kwĩ Ngũsĩ sya Yeova makili maana. O na vailyĩ ũu, tũitataa kũingĩĩsya andũ ma siasa kana ala maseũvasya mĩao masiĩĩe kana makũne maluvuku wĩa ũla ũtethawʼa nĩ ndĩni ila ingĩ. O na tũyĩkaa kambeini sya kũthingʼĩĩsya silikalĩ ĩvĩtũkĩthye kana andũ onthe maĩle kũatĩĩaa mĩao yitũ ya mwĩkalĩle, na momanyĩsyo maitũ. Vandũ va ũu, tũnengaa ala angĩ ndaĩa o tondũ o naitũ twendaa matũnenge ndaĩa.—Mathayo 7:12.