Yesũ Nĩwe Ngai Mwene Vinya Wʼonthe?

Ũndũ Mbivilia yaasya

Ala mamũleaa Yesũ mavangaa atĩ we aasya eanene na Ngai. (Yoana 5:18; 10:30-33) Ĩndĩ Yesũ ndaasya o na ĩmwe kana nĩwĩanene na Ngai Mwene Vinya Wʼonthe. Aisye: “Asa nĩ mũnene kwĩ nyie.”—Yoana 14:28.

Aatĩĩi ma Yesũ ma tene mayoonaa ta weanene na Ngai Mwene Vinya Wʼonthe. Kwa ngelekanyʼo, mũtũmwa Vaulo aandĩkie kana ĩtina wa Yesũ kũthayũũkwʼa, Ngai ‘nĩwamũnenevisye mũno.’ Kwoou, Vaulo ndaĩkĩĩaa kana Yesũ nĩ Ngai Mwene Vinya Wʼonthe. Yo Ngai aĩ atonya kũmũnenevya Yesũ ethĩwa ũ Yesũ aĩ Mwene Vinya Wʼonthe?—Avilivi 2:9.