Nĩ Ũthũku Kũtha Kalata?

Ũndũ Mbivilia ĩsũngĩĩte

O na kau Mbivilia ndĩneeneete kwa ũliku ĩũlũ wa kũtha kalata, myolooto ya Mbivilia nĩtũtetheeasya kũmanya kana Ngai onaa kũtha kalata ne naĩ.—Aeveso 5:17.a

• Andũ mothaa kalata nũndũ wa ĩtomo na Ngai nũmenete andũ me ĩtomo. (1 Akolintho 6:9, 10; Aeveso 5:3, 5) Ala mothaa kalata methĩawa mekwatĩtye kũkwata mbesa ila ala angĩ maĩtye, na Mbivilia nĩvatanĩte kwĩwʼĩa ĩtomo syĩndũ sya andũ ala angĩ.—Kuma 20:17; Alomi 7:7; 13:9, 10.

• Kũtha kalata o na ethĩwa wĩtũmĩa mbesa nini no kũamũkye wendi mũthũku vyũ wa mbesa.—1 Timotheo 6:9, 10.

• Mavinda maingĩ ala mothaa kalata methĩawa mekwatĩtye ĩvuso nĩ kana masinde. Ĩndĩ Ngai onaa mĩĩkĩĩo ta ĩsu ne ũthaithi wa mĩvwʼanano na ndesa kũmĩtĩkĩlya ũthaithinĩ wake.—Isaia 65:11.

• Mbivilia ĩtwĩkĩĩte vinya tũtethye wĩa na kĩthito vandũ va kwendeewʼa nĩ kũkwata syĩndũ tũtanoeye kana sya mana. (Mũtavanʼya 2:24; Aeveso 4:28) Ala maatĩĩaa ũtao wa Mbivilia maĩsaa “lĩu ũla mathũkũmĩe mo ene.”—2 Athesalonika 3:10, 12.

• Kũtha kalata no kũamũkye wendi mũthũku wa masindano, na Mbivilia nĩtũkanĩtye twĩvathane nawʼo.—Akalatia 5:26.