Andũ ma Mũika, Yeova Nĩwe Mũnyanya Wenyu Mũnene?

Nĩ nguma ta syĩva ũtonya kwenda mũnyanyau ethĩwe nasyo? No wende ethĩwe e mũĩkĩĩku, e ĩnee, na e mũlau. Yeova e nguma isu syonthe. (Kuma 34:6; Mek 14:17) Nĩwĩthukĩĩasya yĩla ũũmũvoya. Nũkũtetheeasya yĩla ũkwenda ũtethyo. (Sav 18:19, 35) O na nũkũekeaa naĩ syaku. (1Yo 1:9) Vate nzika, Yeova nĩ Mũnyanya mũseo takĩ!

Ũtonya ata kũtwʼĩka mũnyanya wa Yeova? Ĩmanyĩsye ĩũlũ wake kwa kũsoma Ndeto yake. Mũelesye kĩla kĩ ngoonĩ yaku. (Sav 62:8; 142:2) Osaa kwa ũito maũndũ ala Yeova wonaa me ma vata. Maũndũ asu nĩ ta Mwana wake, Ũsumbĩ wake, na mawatho make ma ĩvinda yũkĩte. Tavya angĩ ĩũlũ wake. (Kũt 32:3) Weethĩwa na ngwatanĩo nzeo na Yeova, akeethĩawa e Mũnyanyau tene na tene.​—Sav 73:25, 26, 28.

ĨLOELEI VITIO YĨ NA KYONGO, ANDŨ MA MŨIKA “SAMAI MŨSISYE KANA YEOVA NĨ MŨSEO,” NA ĨNDĨ MŨISŨNGĨA MAKŨLYO AA:

• 

  Ũtonya ata kwĩyũmbanĩsya kwĩyumya na kũvatiswa?

• 

  Ala angĩ kĩkundinĩ matonya ũkũtetheesya ata ũmũthũkũme Yeova?

• 

  Wĩa wa kũtavanyʼa ũtonya ata kũlũlũmĩĩlya ngwatanĩo yaku na Yeova?

• 

  Nĩ maũndũ angĩ meva ũtonya kwĩka ũthũkũminĩ wa Yeova?

• Nĩ kyaũ wendete ĩũlũ wa Yeova?