Ũndũ Ũtonya Kũtetheka Nĩ Maandĩko ala Makonanĩtye na Kĩla Ũũsoma

Mbivilia ya New World Translation of the Holy Scriptures nĩyĩthĩawa na kamwanya ke katĩkatĩ wa mĩsoa kana ũtee kala kethĩawa na maandĩko makonanĩtye na kĩla ũũsoma mũsoanĩ mũna, na methĩawa monanĩtye ũndũ mĩsoa ya Mbivilia ĩkwatĩanĩe. Nĩ kana ũmakwate, ve nthoo nini syĩthĩawa ũtee wa ndeto ya mũsoa mũna. Nthĩnĩ wa Mbivilia ĩla ĩtumbĩthĩtwʼe, mantha nthoo ĩla ĩvwʼanene na ĩla yĩ mũsoanĩ nthĩnĩ wa kamwanya kala ke katĩkatĩ wa mĩsoa kana ũtee nĩ kana wone mĩsoa ĩla ĩkwatĩanĩe na ũsu. Nthĩnĩ wa jw.org kana JW Library^® tina nthoo ĩsu nĩ kana wone maandĩko ala angĩ makwatĩanĩe na mũsoa ũla ũũsomaa.

Maandĩko asu no matume ũkwata maũndũ aa:

Ngewa ĩkwatĩanĩe na ĩla ũũsoma: Maandĩko asu no maũtetheesye kũkwata mĩsoa ĩngĩ ĩkwatĩanĩe na ngewa ĩla ũũsomaa. Kwa ngelekanyʼo, sisya 2 Samũeli 24:1 na 1 Mavinda 21:1.

Ndeto syumĩtwʼe vandũ vangĩ: Maandĩko asu no maũtetheesye kwona vala ndeto kana ũndũ mũna wawetiwe ya mbee. Kwa ngelekanyʼo, sisya Mathayo 4:4 na Kũtũngĩlĩĩlwa kwa Mĩao 8:3.

Wathani weanĩie: Maandĩko asu no maũtetheesye kwona wathani mũna na ũndũ weanĩie. Kwa ngelekanyʼo, sisya Mathayo 21:5 na Nzekalia 9:9.