Izaayii
55 Ɩkɔɔ, mɩ mba payɩ lɔkɔtʋ ɖɛ-mɩ yɔ,+ ɩkɔɔ lɩm cɔlɔ!+
Mɩ mba ɩfɛyɩnɩ liidiye yɔ, ɩkɔɔ, ɩya nɛ ɩtɔɔ!
Ɛɛɛ, ɩkɔɔ, ɩya vɛɛ nɛ naalɩm+ nɛ ɩɩhɛyɩɣ liidiye nɛ ɩɩhɛyɩɣ nabʋyʋ ɖɔɖɔ.+
2 Ɛbɛ yɔɔ ɩwɛɛ nɛ ɩhɛyɩɣ liidiye mbʋ pɩtɩkɛ tɔɔnaɣ* yɔ pɩ-yɔɔ,
Nɛ ɛbɛ yɔɔ ɩkpakɩɣ liidiye nɖɩ pɛhɛyɩɣ-mɩ yɔ* nɛ ɩyakɩnɩ mbʋ paahakɩ-pʋ yɔ?
Iwelisini-m camɩyɛ nɛ ɩtɔɔ mbʋ pɩwɛ ɖeu yɔ,+
Nɛ ɩkaɣ hiɣu* taa leleŋ siŋŋ mbʋ pɩwɛ ñɩm pɩdɩɩfɛyɩ yɔ* pɩ-yɔɔ.+
3 Ɩkʋ nɩŋgbaŋʋʋ nɛ ɩkɔɔ mɔn-cɔlɔ.+
Iwelisi, ɖɩnɛ ɛlɛ ɩkaɣ wɛʋ* wezuu,
Nɛ pɩtʋʋ fɛyɩ se mankaɣ-mɩ ɖʋnʋʋ tamtam ɛgbɛyɛ+
Nɛ pɩla nɔɔ kʋɖʋmaɣ nɛ sɔɔlɩm siɣsiɣ ñɩmbʋ mbʋ pɩ-tamaɣ maalabɩ Daviid yɔ, ŋga pataɣ-kɛ liu yɔ.*+
5 Na! Ŋkaɣ yaʋ ɛjaɖɛ nɖɩ ŋŋsɩŋ-ɖɩ yɔ,
Nɛ ɛjaɖɛ nɖɩ ɖɩ-taa ñɩma tɩtɩlɩ-ŋ yɔ, pakaɣ seu nɛ pɔkɔɔ ñɔ-cɔlɔ
Ñɛ-Ɛsɔ Yehowa,+ Izrayɛɛlɩ tɛ Kiɖeɖeu yɔɔ,
Mbʋ pʋyɔɔ yɔ ɛkaɣ-ŋ sam.+
6 Ɩñɩnɩ Yehowa alɩwaatʋ ndʋ papɩzɩɣ nɛ pana-ɩ yɔ.+
Ɩyaa-ɩ alɩwaatʋ ndʋ ɛwɛ pɩ-cɔlɔ yɔ.+
Ɛyʋ kɩdɛkɛdʋ eyele ɛ-lɩmaɣza,
Ɛpɩsɩ Yehowa cɔlɔ, nɛ ɛlɛ kaɣ naʋ ɛ-pʋtɔdɩyɛ,+
8 «Mbʋ pʋyɔɔ yɔ ma-lɩmaɣza tɩkɛ mɩ-lɩmaɣza,+
Nɛ mɩ-nʋmɔŋ tɩkɛ ma-nʋmɔŋ,» Yehowa yɔɔdʋʋna.
9 «Mbʋ pʋyɔɔ yɔ, ɛzɩ ɛsɔdaa kʋyʋʋ nɛ pɩkɩlɩ tɛtʋ yɔ,
Mbʋ ɖɔɖɔ ma-nʋmɔŋ kpaɖɩ mɩ-nʋmɔŋ
Nɛ ma-lɩmaɣza kpaɖɩ mɩ-lɩmaɣza.+
10 Mbʋ pʋyɔɔ yɔ, ɛzɩ tɛʋ nɩʋ nɛ ɖɔmbɛɛ tɔlʋʋnɩ ɛsɔdaa
Nɛ pɩɩpɩsɩɣ ɛsɔdaa ye tɛtʋ ɛtɩhaɣ lɩm nɛ tɩ-yɔɔ pee ñɔ nɛ pɩlʋlɩ,
Nɛ pɩha ɖomaɣ weyi eɖuu yɔ nɛ pɩha tɔɔnaɣ weyi ɛtɔkɩ-kɛ yɔ,
11 Mbʋ ɖɔɖɔ tɔm ndʋ tɩlɩɣnɩ mɔ-nɔɔ taa yɔ tɩkaɣ wɛʋ.+
Tɩɩkaɣ pɩsʋʋ mɔn-cɔlɔ kpɛɖɛ,+
Ɛlɛ paa pɩɩla ɛzɩma yɔ, tɩkaɣ labʋ mbʋ payɩ pɩkɛdɩnɩ-m yɔ;*+
Nɛ tɩkaɣ labʋ ɖeyi ɖeyi mbʋ mentiyi-tʋ se tɩla yɔ.
Pʋŋ nɛ piyisi pakaɣ wɛʋ laŋhʋlʋmɩyɛ taa mɩ-ɛsɩndaa nɛ pamakɩ taa leleŋ kubusi,+
Nɛ ñɩtʋ taa tɩŋ kpeekpe kaɣ kpalʋʋ i-nesi taa.+
13 Jenevriyee tɩʋ kaɣ ñɔʋ sɔɔ cɔka lone taa,+
Nɛ mirɩtɩ tɩʋ kaɣ ñɔʋ sɔɔ tɩʋ lone taa.
Nɛ pɩkaɣ ɖʋʋ Yehowa hɩɖɛ,+
Nɛ pɩpɩsɩ tamtam yʋsaɣ ŋga kaakaɣ mʋʋʋ kaaʋ yɔ.»