KEƔSI

1 Koboyaɣ tʋ lɛ ɛyʋ weyi ɛɛɖɔŋ kañatʋ tɩnaa lɔŋ tasʋʋ yɔɔ yɔ,

nɛ ɛɛsɩŋɩɣ kɩdɛkɛdɩm laɖaa nʋmɔʋ taa yɔ+

nɛ ɛɛcakɩ ɛyaa woŋiyaa ɖɩjaɣyɛ taa yɔ.+

 2 Ɛlɛ ɛnɩɣ leleŋ Yehowa paɣtʋ taa,+

nɛ ɛkalɩɣ Ɛ-paɣtʋ e-liu tɛɛ* wɩsɩ nɛ ɖoo.+

 3 Ɛkaɣ wɛʋ ɛzɩ tɩʋ ŋgʋ pɔsɔ-kʋ lɩm nɔɔ yɔ,

tɩʋ ŋgʋ kɩlʋlʋʋ pee alɩwaatʋ yɔɔ yɔ,

ŋgʋ kɩ-hatʋ iilou yɔ.

 4 Kañatʋ tɩnaa fɛyɩ mbʋ;

pɛwɛ ɛzɩ lɔtʋ ndʋ helim kpakɩɣ nɛ pɩɖɛɣna yɔ.

 5 Pʋyɔɔ kañatʋ tɩnaa ɩɩkaɣ pɩzʋʋ nɛ pasɩŋ alɩwaatʋ ndʋ pahʋʋnɩ-wɛ tɔm yɔ;+

nɛ kɩdɛkɛdɩm laɖaa ɖɔɖɔ ɩɩkaɣ pɩzʋʋ nɛ pasɩŋ siɣsiɣ tɩnaa ɖigbeɣliye taa.+

 6 Mbʋ pʋyɔɔ yɔ Yehowa sɩm siɣsiɣ tɩnaa nʋmɔʋ,+

ɛlɛ kañatʋ tɩnaa nʋmɔʋ kaɣ ɖɩm.+

2 Ɛbɛ yɔɔ ajɛɛ peendiɣ

nɛ ɛyaa samasɩ midiɣ tɔm ndʋ tɩɩwazɩɣ pʋyʋ yɔ?*+

 2 Tɛtʋ yɔɔ awiya kʋyaa

nɛ kaɖɩsɩ sɔsɔsɩ kpeɣli* ɛzɩ ɛyʋ kʋɖʋm yɔ+

se pakaɖɩnɩ Yehowa nɛ pakaɖɩnɩ ɖɔɖɔ ɛ-tɛ patam num.*+

 3 Pɔyɔɔdʋʋ se: «Ðɩcɛ pa-kpasɩ

nɛ ɖɩhɔzɩ pe-nimee!»

 4 Weyi ɛwɛ kewiyaɣ kpelaɣ yɔɔ ɛsɔdaa yɔ, ɛkaɣ woŋuu;

Yehowa kaɣ-wɛ woŋuu.

 5 Alɩwaatʋ ndʋ tɩ-taa, ɛkaɣ-wɛ yɔɔdɩnʋʋ ɛ-pana taa

nɛ ɛɖʋ-wɛ sɔɔndʋ ɛ-pana sɔsɔna taa,

 6 nɛ ɛyɔɔdɩ se: «Ma-maɣmaɣ mansɩ me-wiyaʋ+

man-pʋʋ kiɖeɖeu Siyɔŋ yɔɔ.»+

 7 Mankaɣ susuu Yehowa paɣtʋ;

eheyi-m se: «Ŋkɛ man-pɩyalʋ;+

sɔnɔ, manpɩsɩ ña-caa.+

 8 Pɔzɩ-m, nɛ mɛncɛlɩ-ŋ ajɛɛ nɛ apɩsɩ ña-ñɩm,

nɛ mɛncɛlɩ-ŋ tɛtʋ kamasɩ nɛ sɩpɩsɩ ña-pʋyʋ.+

 9 Ŋkaɣ-wɛ pɛlʋʋ nɛ ñɩɣtʋ kewiyaɣ ɖaʋ,+

nɛ ŋkaɣ-wɛ yɔkʋʋ ɛzɩ cʋʋ wonuu nakʋyʋ yɔ.»+

10 Pʋyɔɔ lɛ lɛɛlɛɛyɔ, mɩ awiya, ɩwɛɛ lɛɣtʋ;

mɩ tɛtʋ yɔɔ tɔm hʋyaa, itisi nɛ ɩmʋ lɔŋ tasʋʋ.*

11 Ɩsɛɛ Yehowa nɛ sɔɔndʋ,

nɛ ɩmɛyɩnɩ ñamtʋ sɔsɔtʋ.

12 Ɩɖʋ pɩyalʋ hɩɖɛ,*+ pɩtɩkɛ mbʋ yɔ, Ɛsɔ taa* kaɣ wɩʋ

nɛ ɛkaɣ-mɩ ɖɩzʋʋ nɛ ɩɩtasɩɣ wɛʋ nʋmɔʋ taa,+

mbʋ pʋyɔɔ yɔ Ɛ-pana ɛɛlaɣzɩɣ kpaʋ.

 3 Ɛlɛ ña, Oo Yehowa, ŋkɛ kpayʋʋ ŋgʋ kɩcɔ-m nɛ kɩta yɔ,+

ŋkɛ man-samtʋ+ nɛ Weyi ɛkpazɩɣ ma-ñʋʋ yɔ.+

 4 Mankaɣ yaʋ Yehowa nɛ nɔɔ kɩkʋyaɣ,

nɛ ɛkaɣ-m cosuu nɛ ɛ-pʋʋ kiɖeɖeu taa.+ (Sɛɛla)

 5 Mankaɣ hɩnʋʋ nɛ monɖoo;

nɛ mankaɣ fem pɛɛyɛ taa,

mbʋ pʋyɔɔ yɔ Yehowa tiyebi-m sɩnʋʋ.+

 6 Maaseɣ sɔɔndʋ ɛyaa kudokiŋ hiŋ sakɩyɛ

mba papɩlaa nɛ pɔcɔ-m nɛ pata nɛ pakaɖɩɣnɩ-m yɔ.+

Mbʋ pʋyɔɔ yɔ ŋkaɣ mabʋ mon-koyindinaa tɩŋa tamaɣ yɔɔ;

ŋkaɣ pɛlʋʋ kañatʋ tɩnaa kela.+

 3 Ɩtɩlɩ se Yehowa kaɣ labʋ ŋgee camɩyɛ lakasɩ ɛyʋ weyi ɛwɛ siɣsiɣ ɛ-ɛsɩndaa yɔ;*

alɩwaatʋ ndʋ mayaɣ Yehowa yɔ, ɛkaɣ nɩʋ.

 5 Ɩlaa siɣsiɣ wɛtʋ kɩlaŋ,

nɛ ɩtaa Yehowa liu.+

 7 Ŋhaɣzɩ ma-laŋɩyɛ taa leleŋ sɔsɔŋ

nɛ pɩkɩlɩ mba pɛwɛnɩ tɔɔnaɣ pee sakɩyɛ nɛ vɛɛ kɩfalʋʋ sakɩyɛ yɔ.

 8 Mankaɣ hɩnʋʋ nɛ monɖoo laŋhɛzɩyɛ taa,+

mbʋ pʋyɔɔ yɔ, Oo Yehowa, ñe-ɖeke ñalakɩna nɛ mɛwɛɣ pɛɛyɛ taa.+

5 Hayɩ Yehowa, welisi mɔn-tɔm;+

nɩɩ ma-amuza.

 2 Welisi kubusi nzɩ mamakɩ se ŋsɩnɩ-m yɔ,

hayɩ me-Wiyaʋ nɛ mɛ-Ɛsɔ, mbʋ pʋyɔɔ yɔ ña mantɩmɩɣna.

 3 Hayɩ Yehowa, ŋkaɣ nɩʋ mɔ-nɔɔ tanaŋ tɛɛ;+

mankaɣ-ŋ heyuu man-kɩcɛyɩm tanaŋ tɛɛ+ nɛ manɖaŋɩ-ŋ kpam.

 4 Mbʋ pʋyɔɔ yɔ ŋtɩkɛ Ɛsɔ weyi ɛ-taa lakɩ leleŋ nɛ kañatʋ lakasɩ yɔ;+

ɛyʋ kɩdɛkɛdʋ nɔɔyʋ ɛɛpɩzɩɣ nɛ ɛcaɣ ñɔ-cɔlɔ.+

Ŋpaɖɩɣ mba payɩ palakɩ kañatʋ lakasɩ yɔ;+

 6 ŋkaɣ ɖɩzʋʋ mba pɔyɔɔdʋʋ cɛtɩm tɔm yɔ.+

 7 Ɛlɛ ñɔ-sɔɔlɩm siɣsiɣ ñɩmbʋ sɔsɔm yɔɔ lɛ,+ mankaɣ kɔm ña-ɖɩɣa taa;+

mankaɣ luŋuu nɛ manpa ɛsa nɛ ñe-templo kiɖeɖeu* nɛ mawɩlɩ se menseɣ-ŋ sɔɔndʋ siŋŋ.+

 8 Hayɩ Yehowa, mon-koyindinaa yɔɔ lɛ, ɖiyi-m ñe-siɣsiɣ wɛtʋ taa;

hazɩ-m ña-nʋmɔʋ taa nɛ mɔnɖɔ nɛ pitaatuuli-m.+

 9 Mbʋ pʋyɔɔ yɔ paapɩzɩɣ nɛ pataa pɔ-tɔm natʋyʋ liu;

lɩmaɣza kɩdɛkɛda ɖeke suni pa-taa;

pe-likiyuu kɛ pɩlaʋ ŋgʋ kɩha nɔɔ haaa yɔ;

pepeɣziɣni pa-nzʋlʋmɩyɛ.*+

10 Ɛlɛ Ɛsɔ kaɣ pɔ-tɔm kʋʋ;

mbʋ pa-maɣmaɣ pɛkpɛyɩɣ yɔ, pɩkaɣ labʋ nɛ pɔtɔlɩ.+

Tɛtɛ nɛ pa-kɩwɛɛkɩm sakɩyɛ yɔɔ lɛ, pɔɖɔɔnɩ-wɛ,

mbʋ pʋyɔɔ yɔ pakaɖɩnɩ-ŋ.

11 Ɛlɛ mba payɩ paɖʋʋ-ŋ kʋyʋʋ yɔ, pakaɣ mɛyʋʋ;+

pakaɣ mabʋ taa leleŋ kubusi paa ɛzɩmtaa.

Ŋkaɣ ɖɩɣʋ nʋmɔʋ se nɔɔyʋ ɛtaañɔtɩnɩ-wɛ,

nɛ mba pɔsɔɔlɩ ña-hɩɖɛ yɔ, ñɔ-yɔɔ lɛ, pakaɣ mɛyʋʋ.

12 Mbʋ pʋyɔɔ yɔ, Oo Yehowa, ŋkaɣ wazʋʋ mba payɩ pɛwɛ siɣsiɣ yɔ;

pɔ-tɔm kaɣ-ŋ kɛdɩnʋʋ. Ŋkaɣ pɔ-yɔɔ kandɩyʋʋ ɛzɩ kpayʋʋ sɔsɔʋ yɔ.+

6 Hayɩ Yehowa, taakalɩ-m ña-pana taa,

nɛ taahɔ ma-nɩŋgbaŋʋʋ ñɔ-hɔpɩsɩyɛ taa.+

 3 Ɛɛɛ, pisidi ma-ñʋʋ taa siŋŋ,+

hayɩ Yehowa, mɔnpɔzʋʋ-ŋ se: Pɩwɛɣ mbʋ nɛ pɩkɔɔ nɛ pɩsɩɩnɩ ɖooye?+

 4 Hayɩ Yehowa, pɩsɩ ŋkɔɔ nɛ ŋholi-m;*+

ñɔ-sɔɔlɩm siɣsiɣ ñɩmbʋ yɔɔ lɛ, ya ma-ñʋʋ.+

 5 Mbʋ pʋyɔɔ yɔ nɔɔyʋ ɛɛyaɣ ña-hɩɖɛ* sɩm taa;

akaɣ-ŋ sam Pɩlaʋ* taa?+

 6 Amuza nɩ-m;+

ɖoo kpeekpe, mɛ-ɛsɩtɛɣlɩm yeba nɛ man-kaɖʋ sɩ* lɩm;

mewiwa nɛ mɛ-ɛsɩtɛɣlɩm wadɩ ma-ñalʋʋ yɔɔ.+

 7 Laŋwɛɛkɩyɛ yeba nɛ mɛ-ɛsɩyɛ ɛɛtasɩɣ naʋ camɩyɛ;+

mba payɩ pacaɣ-m tɔm yɔ pɔ-yɔɔ lɛ, mɛ-ɛsɩyɛ camaa.*

 8 Ɩɖɛɛ mɔ-yɔɔ, mɩ mba payɩ ɩlakɩ kañatʋ lakasɩ yɔ,

mbʋ pʋyɔɔ yɔ Yehowa kaɣ nɩʋ me-wiluu taŋ.+

 9 Yehowa kaɣ nɩʋ adɩma wena malakɩ se ɛna man-pʋtɔdɩyɛ yɔ;+

Yehowa kaɣ mʋʋ ma-adɩma.

10 Pakaɣ ɖʋʋ mon-koyindinaa kpeekpe fɛyɛ nɛ sɔɔndʋ kaɣ-wɛ kpaʋ;

fɛyɛ kaɣ-wɛ kpaʋ tuda nɛ papɩsɩ kiŋgiɖe.+

 2 Pɩtɩkɛ mbʋ yɔ, pakaɣ-m cɩyʋʋ* nanʋʋ nanʋʋ ɛzɩ mʋʋzʋʋ cɩyʋʋ ɛyʋ yɔ+

nɛ pakpaɣ-m nɛ pɛɖɛna nɛ nɔɔyʋ ɛɛyakɩ ma-ñʋʋ.

 3 Hayɩ mɛ-Ɛsɔ Yehowa, ye pɩyʋsɩnɩ-m pʋnɛ pɩ-taa yɔ,

ye malabɩ mbʋ pɩfɛyɩ siɣsiɣ yɔ,

 4 ye malabɩ kɩdɛkɛdɩm weyi ɛlakɩ-m kɩbandʋ yɔ,+

yaa ye menkpizi mon-koyindu nesi tɛɛ ŋgʋ ɛtɩla nabʋyʋ yɔ,*

 5 ɖɩnɛ ɛlɛ, koyindu nɔɔyʋ ɛɖʋ ma-wayɩ* nɛ ehiɣ-m;

ehu-m tataa nɛ ɛfɛyɩ-m*

nɛ eyele nɛ samtʋ ndʋ pahaɣ-m yɔ tɩtɛŋɩlɩ puuyuu taa. (Sɛɛla)

 6 Hayɩ Yehowa, kʋyɩ ña-pana taa;

kʋyɩ nɛ ŋkaɖɩnɩ mon-koyindinaa pana sɔsɔna;+

fe nɛ ŋsɩnɩ-m, nɛ ŋɖʋ paɣtʋ se pahʋʋ tɔm siɣsiɣ.+

 7 Yele nɛ ajɛɛ cɔ-ŋ nɛ ata;

nɛ ŋkaɣ-yɛ kaɖɩnʋʋ nɛ ɛsɔdaa.

Hayɩ Yehowa, hʋʋ mɔn-tɔm ɛzɩ men-siɣsiɣ wɛtʋ pɔzʋʋ yɔ

nɛ ɛzɩ man-cɩŋgɩlɩm wɛtʋ pɔzʋʋ yɔ.+

Ɛlɛ caɣzɩ camɩyɛ siɣsiɣ tɩnaa,+

mbʋ pʋyɔɔ yɔ ŋkɛ Ɛsɔ siɣsiɣ tʋ+ weyi ɛtazɩɣ laŋa taa+ nɛ ɛsɩm ɛzɩma pɩlakɩ ɛyʋ ɖooo ɛ-taa yɔ.*+

11 Ɛsɔ kɛ tɔm hʋyʋ weyi ɛwɛ siɣsiɣ yɔ,+

nɛ Ɛsɔ susuu ɛ-tɔm hʋʋ paa ɖooye.

12 Ye nɔɔyʋ ekizaa se eekpiɖiɣ yɔ,+ Ɛsɔ sayɩɣ ɛ-laɣɖɛ;+

ɛhɔŋ ɛ-tɔʋ nɛ ɛɖaŋ kpam.+

13 Ɛñɔɔzʋʋ e-you wondu ndʋ tɩkʋʋ yɔ;

ɛñɔɔzʋʋ ɛ-tɔʋ ñɩma wena a-yɔɔ wɛ miŋ yɔ.+

14 Cɔnɩ weyi ɛhaɣ kañatʋ hoɣa yɔ;

ɛhaɣ kʋñɔŋ hoɣa nɛ ɛlʋlɩ cɛtɩm.+

15 Ehuyi pɔʋ sɔsɔʋ nɛ kilimi,

ɛlɛ ɛ-maɣmaɣ ɛtɔlʋʋnɩ pɔʋ ŋgʋ ehuyaa yɔ kɩ-taa.+

16 Kʋñɔŋ ŋgʋ ɛkɔŋna yɔ, ɛ-maɣmaɣ ɛ-ñʋʋ taa kɩkaɣ pɩsʋʋ;+

ɛ-kañatʋ lakasɩ kaɣ tɔlʋʋ ɛ-ñʋdaka taa.

17 Mankaɣ sam Yehowa e-siɣsiɣ wɛtʋ yɔɔ;+

mankaɣ samtʋ hendu teu* Kɩlɩm+ Yehowa hɩɖɛ.+

8 Oo ɖa-Kɩbaɣlʋ Yehowa, ña-hɩɖɛ sɛ tɛtʋ kpeekpe yɔɔ mbʋ suwe;

ŋkpazɩ ñe-keɖeɣa nɛ halɩ kakʋyɩ nɛ pɩkɩlɩ ɛsɔdaa!*+

 2 Mba pakaɖɩɣnɩ-ŋ yɔ pɔ-yɔɔ lɛ,

ŋtɩŋnɩ piya nɛ piya nzɩ siɖiɣni mʋzʋʋ yɔ+ sɩ-nɔsɩ taa tɔm yɔɔ nɛ ŋwɩlɩ ño-ɖoŋ

se ŋsuli koyindu nɛ kɩmɩyɛ kpayʋ nɔɔ.

 3 Alɩwaatʋ ndʋ manaɣ ɛsɔdaa, ñe-nesi tɛɛ tʋma,

fenaɣ nɛ tɩɩnzɩ nzɩ ŋlɩzaa yɔ lɛ,+

 4 mɔnpɔzʋʋ man-tɩ se: Ɛyʋ kɛ we nɛ ŋtɔzʋʋ ɛ-yɔɔ?

 5 Ŋlabɩ-ɩ nɛ mba pɛwɛ ɛzɩ Ɛsɔ yɔ pakɩlɩ-ɩ* pazɩ,

ŋpamɩ-ɩ samtʋ nɛ keɖeɣa.

 6 Ŋha-ɩ ɖoŋ ñe-nesi tɛɛ tʋma yɔɔ;+

ŋsɩ pɩtɩŋa ɛ-nɩŋgbanzɩ tɛɛ:

 7 Heŋ, pʋŋ nɛ naŋ tɩŋa,

pɩkpɛndɩnɩ tɛtɛgbɩna,*+

 8 ɛsɔdaa sumasɩ nɛ teŋgu taa kpakpasɩ,

mbʋ payɩ pɩɖɔŋ teŋgunaa taa yɔ.

9 Oo Yehowa, mankaɣ-ŋ sam nɛ ma-laŋɩyɛ kpeekpe;

mankaɣ yɔɔdʋʋ ñe-piti tʋma kpeekpe tɔm.+

 2 Ñɔ-yɔɔ lɛ, mankaɣ wɛʋ laŋhʋlʋmɩyɛ taa nɛ mɛmɛyɩ amɛya;

Oo Kɩlɩm, mankaɣ teu ña-hɩɖɛ samtʋ hendu.*+

 3 Mon-koyindinaa seɣ nɛ papɩsɩɣ lɛ,+

pɩkaɣ-wɛ tuuluu nɛ pɛtɛŋɩlɩ ñɛ-ɛsɩndaa.

 4 Mbʋ pʋyɔɔ yɔ ŋlʋkɩ mɔn-tɔm ndʋ tiɖewa yɔ tɩ-yɔɔ;

ŋcaɣ ñe-kewiyaɣ kpelaɣ yɔɔ nɛ ŋhʋʋ tɔm siɣsiɣ.+

 5 Ŋkalɩ ajɛɛ+ nɛ ŋɖɩzɩ kañatʋ tɩnaa,

ŋhɩzɩ pa-hɩla tamtam hɩzʋʋ.

 6 Koyindinaa tɔm tɛm kpaagbaa tɛm;

ŋkpɛzɩ pɛ-tɛtʋ,

nɛ nɔɔyʋ ɛɛkaɣ tasʋʋ tɔzʋʋ pɔ-yɔɔ.+

 7 Ɛlɛ Yehowa cakɩ kewiyaɣ kpelaɣ yɔɔ tam;+

ɛcaɣzɩ e-kewiyaɣ kpelaɣ cɩŋ cɩŋ se ɛhʋʋ tɔm siɣsiɣ.+

 8 Ɛkaɣ hʋʋ tɛtʋ yɔɔ ɛyaa tɔm siɣsiɣ;+

ɛkaɣ hʋʋ ajɛɛ tɔm siɣsiɣ.+

 9 Weyi panazɩɣ-ɩ yɔ, Yehowa kaɣ kɛʋ ɛ-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-ɩ yɔ,+

ɖɩjɔzɩyɛ nɖɩ ɖɩ-taa kaɖɛ naɖɩyɛ ɛɛtalɩɣ-ɩ kʋñɔŋ alɩwaatʋ taa yɔ.+

10 Mba pasɩm ña-hɩɖɛ yɔ, pakaɣ-ŋ taʋ liu;+

Oo Yehowa, ŋŋkaɣ yebu mba pañɩnɩɣ-ŋ yɔ kpa.+

11 Itee samtʋ hendu Yehowa, ɛnʋ weyi ɛwɛ Siyɔŋ yɔ;

iyele nɛ patɩlɩ ɛ-tʋma ɛyaa samasɩ taa.+

12 Mbʋ pʋyɔɔ yɔ Weyi ɛkpaɣ pa-calɩm kɩmɩyɛ yɔ,+ ɛtɔzʋʋ pɔ-yɔɔ;

ɛɛkaɣ sɔʋ mba pɔtɔkɩ kʋñɔŋ yɔ po-kubusi yɔɔ.+

13 Hayɩ Yehowa, na man-pʋtɔdɩyɛ; na kʋñɔŋ ŋgʋ mba papaɖɩɣ-m yɔ pawɩlɩɣ-m yɔ,

ña weyi ŋkʋsʋʋ-m nɛ sɩm nɔnɔsɩ taa yɔ,+

14 se pɩsa nɛ monsusi ña-tʋma wena amʋnɩ samtʋ yɔ a-tɔm Siyɔŋ pɛlɛ nɔnɔsɩ taa,+

nɛ manɩɩ leleŋ ña-ñʋʋ yabʋ tʋma yɔɔ.+

15 Ajɛɛ tɔlɩ pɔʋ ŋgʋ ahuyaa yɔ kɩ-taa;

piyuu ŋgʋ amɛsaa yɔ, kɩkpa a-maɣmaɣ a-nɩŋgbanzɩ.+

17 Kañatʋ tɩnaa kaɣ seu nɛ powobini Pɩlaʋ* taa kiŋ,

ajɛɛ wena payɩ asɔʋ Ɛsɔ yɔɔ yɔ.

18 Ɛlɛ paakaɣ kʋñɔndɩnaa yɔɔ sɔʋ tam;+

nɛ hɛɛɛ tɩnaa lidaʋ ɛɛkaɣ ɖɔɖɔ lɩm ɖʋʋ kpa.+

20 Hayɩ Yehowa, yele nɛ sɔɔndʋ kpa-yɛ,+

yele nɛ ajɛɛ ana a-taa mba tɩlɩ se ɛyaa yemwaa pɛkɛnaa. (Sɛɛla)

 2 Kañatʋ tʋ ɖʋʋ weyi ɛfɛyɩnɩ ɖoŋ nɩɩyɩ yɔ ɛ-wayɩ nɛ tɩ kpazʋʋ,+

ɛlɛ tamasɩ kɩdɛkɛdɩsɩ nzɩ ɛtaŋ yɔ, sɩkaɣ kpaʋ ɛ-maɣmaɣ.+

 3 Mbʋ pʋyɔɔ yɔ kañatʋ tʋ kʋndʋʋ ɛ-maɣmaɣ e-liu sɔɔlɩm yɔɔ*+

nɛ ɛwazɩɣ ɛsa naɣ naɣ tʋ;*

נ [Nuuni]

 4 Tɩ kpazʋʋ yɔɔ lɛ, kañatʋ tʋ ɛɛtazɩɣ se ɛna;

ɛ-lɩmaɣza tɩŋa lɛ se: «Ɛsɔ fɛyɩ.»+

 5 Pɩɖɔŋnɩ-ɩ camɩyɛ ɛ-nʋmɔŋ taa,+

ɛlɛ ɛɛpɩzɩɣ nɛ ɛnɩɩ ñɔ-tɔm hʋʋ taa;+

ewoŋuu mba pakaɖɩɣnɩ-ɩ yɔ pa-tɩŋa.*

 6 Ɛyɔɔdʋʋ ɛ-laŋɩyɛ taa se: «Pɩɩkaɣ-m ñamsʋʋ* kpa;

asɛyʋʋ ɛɛkaɣ-m talʋʋ kpa,+

kpaɣ kpaɖʋʋ nɛ piwolo kpaɖʋʋ.»

 7 Nɔɔ kɩdɛkɛdaɣ lɔʋ, cɛtɩm nɛ sɔɔndʋ ɖʋʋ tɔm su ɛ-nɔɔ taa;+

ɛ-nzʋlʋmɩyɛ tɛɛ nɛ kʋñɔŋ nɛ tɔm ndʋ tɩɖʋʋ heŋ yɔ.+

 8 Ɛpabɩɣ tɛtʋ cikpetu cɔlɔ nɛ ɛɖaŋ;

ɛwɛɣ ɛ-ɖɩmɛlɩyɛ taa nɛ ɛkʋ weyi ɛtɩɖɔɔ wɛɛ yɔ.+

ע [Ayin]

Ɛ-ɛsa cɔŋʋʋ weyi ɛ-ñʋʋ sɩba yɔ.+

10 Ɛkpaɣ weyi yɔ, ɛtɔyɩtʋʋ-ɩ nɛ ɛpɛɖɩ-ɩ tataa;

mba pa-ñʋʋ sɩba yɔ, pɔtɔlʋʋ ɛ-cɩkpaŋ* tɛɛ.

Weyi ɛ-ñʋʋ sɩba yɔ, ñɔ-yɔɔ ɛpɩsɩɣna;+

ñɛkɛnɩ pɩɣa ŋga kɛfɛyɩ caa yɔ* ka-sɩnɩyʋ.+

15 Pɛlɩ ɛyʋ weyi ɛkɛ kañatʋ tʋ nɛ kɩdɛkɛdʋ yɔ e-nesi,+

se pɩsa nɛ alɩwaatʋ ndʋ ŋñɩnɩɣ ɛ-kañatʋ lakasɩ yɔ,

ŋtaatasɩ-sɩ naʋ.

18 Ŋkaɣ hʋʋ weyi ɛfɛyɩ caa yɔ nɛ mba pɔtɔyɩtʋʋ-wɛ yɔ pɔ-tɔm siɣsiɣ,+

se pɩsa nɛ tɛtʋ yɔɔ ɛyʋ nɔɔyʋ ɛtaatasɩ-wɛ ɖʋʋ sɔɔndʋ.+

 2 Na ɛzɩma kañatʋ tɩnaa kotuu tɔʋ yɔ;

paɖʋʋ pɔ-tɔʋ ñɩmɩyɛ tɔʋ nimiye yɔɔ,

se pɛwɛɛ cɩkpɛndʋʋ taa nɛ pɔtɔ-ɖɩ mba pa-laŋa wɛ siɣsiɣ yɔ.

 3 Alɩwaatʋ ndʋ pɔyɔkʋʋ tigila* yɔ,

ɛbɛ ɛyʋ siɣsiɣ tʋ pɩzɩɣ nɛ ɛla?»

 5 Yehowa tazɩɣ ɛyʋ siɣsiɣ tʋ nɛ kañatʋ tʋ pa-taa;+

ɛpaɖɩɣ* mba payɩ pɔsɔɔlɩ puuyaɣ lakasɩ yɔ.+

 6 Ɛkaɣ yebu nɛ kpacanaa* tii kañatʋ tɩnaa yɔɔ ɛzɩ tɛʋ yɔ;

miŋ, tɩm+ nɛ helim miŋ ñɩmbʋ pakaɣ ñɔʋ.*

12 Hayɩ Yehowa, ya ma-ñʋʋ, mbʋ pʋyɔɔ yɔ ɛyʋ siɣsiɣ tʋ tɩtasɩ wɛʋ;

Ɛyaa siɣsiɣ tɩnaa mʋʋ yem ɛyaa hɛkʋ taa.

 2 Pɛcɛtɩɣ ɖama;

pepeɣziɣni po-ndomee* nɛ pɛcɛtɩɣ ɛyaa.*+

 3 Yehowa kaɣ sɛtʋʋ ndomee wena apeɣziɣ yɔ a-tɩŋa

nɛ nzʋlʋmɩyɛ nɖɩ ɖɩkʋndʋʋ siŋŋ yɔ,+

Ðɩyɔɔdʋʋnɩ ɖo-ndomee ɛzɩ ɖɩsɔɔlʋʋ yɔ;

akaɣ kɛʋ ɖa-ñʋʋdʋ?»+

 5 Yehowa yɔɔdʋʋ se: «Panazɩɣ mba pɛwɛ kʋñɔŋ taa yɔ,

nɛ kʋñɔndɩnaa muzuu,+

pʋyɔɔ lɛ, mankaɣ kʋyʋʋ nɛ mala nabʋyʋ.

 6 Yehowa tɔm wɛ kele kele;+

tɩwɛ ɛzɩ liidiye ñɩɣtʋ ndʋ pekelisi-tʋ miŋ kpou ŋgʋ pamanɩ tɛtʋ yɔ* kɩ-taa yɔ, ndʋ pekelisi-tʋ tam 7 yɔ.

 7 Hayɩ Yehowa, ŋkaɣ pɔ-yɔɔ ɖaŋʋʋ;+

ŋkaɣ kandɩyʋʋ pa-taa paa weyi lɛ ɛ-yɔɔ tam se ɛtaatɔlɩ kpaɖʋʋ kʋnɛ ki-nesi taa.

 8 Kañatʋ tɩnaa yɛlɩɣ paa le yem,

mbʋ pʋyɔɔ yɔ ɛyaa pɩyalaa seɣtiɣ wezuu kɩdɛkɛdʋʋ caɣʋ.+

 2 Mɛwɛɣ nɛ manɩɣzɩɣ,*

nɛ ma-laŋɩyɛ wɛɛ wɩzasɩ taa paa evemiye nɖɩ nɛ pɩkɔɔ nɛ pɩsɩɩnɩ ɖooye?

Ha mɛ-ɛsa ñalɩmɩyɛ nɛ mantaaɖoo sɩm taa,

 4 se pɩsa nɛ mon-koyindu ɛtaayɔɔdɩ se: «Mawabɩ-ɩ!»

 5 Ma lɛ, mantaɣ ñɔ-sɔɔlɩm siɣsiɣ ñɩmbʋ liu;+

ma-laŋɩyɛ kaɣ nɩʋ leleŋ nɛ ña-ñʋʋ yabʋ tʋma.+

Pa-lakasɩ kɛ kɩdɛkɛdɩsɩ, nɛ mbʋ palakɩ yɔ pɩwɛ kʋzɔɔtʋ;

nɔɔyʋ ɛɛlakɩ mbʋ pɩwɛ ɖeu yɔ.+

 2 Ɛlɛ Yehowa wɛ ɛsɔdaa nɛ ɛcɔŋnɩ ɛyaa pɩyalaa

se ɛna se pa-taa nɔɔyʋ wɛnɩ lɛɣtʋ yaa we, se ɛna se pa-taa nɔɔyʋ ñɩnɩɣ Yehowa yaa we.+

 3 Pa-tɩŋa poposini nʋmɔʋ kɩbaŋʋ;+

pe-kpeekpe pɛkɛ ɛyaa kɩdɛkɛdaa.

Nɔɔyʋ ɛɛlakɩ mbʋ pɩwɛ ɖeu yɔ,

paa ɛyʋ kʋɖʋm maɣmaɣ.

 5 Ɛlɛ sɔɔndʋ sɔsɔtʋ natʋyʋ kaɣ-wɛ kpaʋ,+

mbʋ pʋyɔɔ yɔ Yehowa wɛ ɛyaa siɣsiɣ tɩnaa kpaɖʋʋ cɔlɔ.

 6 Mɩ kɩwɛɛkɩm laɖaa, ɩñakɩ pana se ɩwɛɛkɩ ɛjam tamasɩ,

ɛlɛ Yehowa kɛnɩ ɛ-ɖɩjɔzɩyɛ.+

Alɩwaatʋ ndʋ Yehowa pɩsɩɣnɩ ɛ-samaɣ nɛ yomiye taa yɔ,

Yakɔɔb ɛwɛɛ laŋhʋlʋmɩyɛ taa, Izrayɛɛlɩ taa ɛla leleŋ.

 2 Ɛyʋ weyi kɩwɛɛkɩtʋ natʋyʋ fɛyɩ* ɛ-ɖɔnɛ taa yɔ,+

weyi ɛlakɩ mbʋ pɩtʋʋzaa+

 3 Ɛɛwɛɛkɩɣ nɔɔyʋ hɩɖɛ nɛ ɛ-nzʋlʋmɩyɛ,+

ɛɛlakɩ ɛyʋ lɛlʋ mbʋ pɩfɛyɩ ɖeu yɔ,+

nɛ ɛɛyɔɔdʋʋ tɔm kɩdɛkɛdɩtʋ ɛ-taabalaa yɔɔ.*+

 4 Ɛ nɛ kɩdɛkɛdɩm laɖʋ paacakɩ,+

ɛlɛ ɛɖʋʋ hɩɖɛ mba peseɣ Yehowa sɔɔndʋ yɔ.

 5 Ɛɛkɩndɩɣ e-liidiye se paahɛyɩ-ɩ nɛ kɛzɛɣa,+

ɛɛmʋʋ kʋjɔʋ se emuli weyi ɛtɩɖɔɔ wɛɛ yɔ.+

 3 Nɛ tɛtʋ yɔɔ ɛyaa kiɖeɖema,

mba pa-hɩla sɛwa yɔ, pahaɣ-m taa leleŋ sɔsɔŋ.»+

Maakaɣ lizuu pa-calɩm kilizasɩ kpa,

nɛ mo-ndomee ɖɔɖɔ ɩɩkaɣ pa-hɩla yaʋ.+

Taa leleŋ tɔyɩ yem ñɔ-cɔlɔ;*+

koboyaɣ* wɛ ñe-nesi kɩbanzɩ yɔɔ tam.

welisi kubusi nzɩ mamakɩ se ŋsɩnɩ-m yɔ;

Welisi ma-adɩma wena a-taa fɛyɩ cɛtɩm yɔ.+

 2 Hʋʋ tɔm siɣsiɣ nɛ ŋɖezi mɔn-tɔm;+

ñɛ-ɛsa ɩna mbʋ pɩtʋʋzaa yɔ.

 3 Ŋtazɩ ma-laŋɩyɛ taa, ŋwili-m ɖoo taa;+

ŋkelisi-m;+

ŋkaɣ naʋ se mantɩta tamaɣ kɩdɛkɛdaɣ nakɛyɛ,

nɛ mɔ-nɔɔ tɩla kɩwɛɛkɩm nabʋyʋ.

 4 Ɛyaa lakasɩ hɔɔlʋʋ taa lɛ,

ñɔ-nɔɔ taa tɔm yɔɔ lɛ, menkizi mɩlʋ nʋmɔŋ.+

 5 Yele nɛ ma-naataŋ wɛɛ ña-nʋmɔŋ taa

se pɩsa nɛ pitaatuuli-m.+

 7 Wɩlɩ ñɔ-sɔɔlɩm siɣsiɣ ñɩmbʋ nɛ pɩwɛɛ piti kpem,+

ñɛkɛnɩ mba pɔkɔŋ nɛ paɖʋʋ kʋyʋʋ ñe-nesi kɩbanzɩ yɔɔ yɔ pa-Ñʋʋ Yaɖʋ,

ñalɩzɩɣnɩ-wɛ mba pakaɖɩɣnɩ-ŋ yɔ pe-nesi tɛɛ.

 9 Kandɩyɩ mɔ-yɔɔ nɛ kañatʋ tɩnaa mba poyouni-m yɔ pataahiɣ-m,

kandɩyɩ mɔ-yɔɔ nɛ mon-koyindinaa mba pɔcɔ-m nɛ pata nɛ pañɩnɩɣ se pakʋ-m yɔ* pataahiɣ-m.+

10 Papɩsɩ mba pa-laŋa sʋ kpɩzɩŋ yɔ;*

pɔyɔɔdʋʋnɩ tɩ kpazʋʋ;

11 lɛɛlɛɛyɔ, pɔcɔ-ɖʋ nɛ pata;+

pañɩnɩɣ waɖɛ se pala nɛ ɖɩtɔlɩ.*

12 Pa-taa paa weyi wɛ ɛzɩ mʋʋzʋʋ ŋgʋ pɩɩlakɩ-kʋ lɔŋ se kɩcɩyɩ mbʋ kɩkpawa yɔ,

ɛzɩ mʋʋzʋʋ* ŋgʋ kɩpabɩ nabʋyʋ yɔ.

13 Hayɩ Yehowa, kʋyɩ nɛ ŋlʋbɩnɩ-ɩ+ nɛ ŋhu-i;

holi-m* kañatʋ tʋ nesi tɛɛ nɛ ña-laɣɖɛ;

14 hayɩ Yehowa, holi-m nɛ ñe-nesi

ɛjaɖɛ* ɖɩnɛ ɖɩ-ɛyaa nesi tɛɛ, mba pe-ɖeɖe wɛ wezuu kʋnɛ kɩ-taa yɔ,+

mba ŋhaɣzɩɣ-wɛ wondu kɩbandʋ ndʋ ŋhaɣ yɔ+

nɛ peyekini pa-pɩyalaa sakɩyɛ ñɩm yɔ.

15 Ɛlɛ ma lɛ, siɣsiɣ wɛtʋ taa mankaɣ naʋ ñɛ-ɛsɩndaa;

menfeŋ ñɛ-ɛsɩndaa* lɛ, pɩkɛdɩɣnɩ-m.+

Mɛ-Ɛsɔ kɛnɩ man-kaaʋ,+ ɛnʋ manɖʋʋ kʋyʋʋ,

man-kpayʋʋ nɛ ma-ñʋʋ yabʋ hɩlʋʋ,* man-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ.+

 3 Mayaɣ Yehowa, ɛnʋ weyi ɛmʋnɩ samtʋ yɔ;

nɛ ɛkaɣ yabʋ ma-ñʋʋ mon-koyindinaa nesi tɛɛ.+

 4 Sɩm nimee kaacɔ-m nɛ ata;+

ɛyaa mba paawazɩɣ pʋyʋ yɔ, pawadɩ mɔ-yɔɔ tuda nɛ paɖʋ-m sɔɔndʋ.+

 5 Pɩlaʋ* nimee cɔ-m nɛ ata;

sɩm kpacanaa lʋbɩnɩ-m.+

 6 Man-kʋñɔŋ taa, maya Yehowa,

maawɛɛ nɛ mamakɩ kubusi nɛ mɛ-Ɛsɔ cɔlɔ kiŋ se ɛsɩnɩ-m.

Ɛnɩ mɔ-nɔɔ nɛ e-templo taa,+

nɛ kubusi nzɩ mamaba se ɛsɩnɩ-m yɔ, sɩsʋ ɛ-nɩŋgbaaŋ taa.+

 7 Nɛ tɛtʋ paɣzɩ ñamsʋʋ nɛ ticiɣdiɣ;+

pʋŋ tigila selaa

nɛ pɩcɛŋɛsɩ-yɛ, mbʋ pʋyɔɔ yɔ paaɖʋ-ɩ ɖɩwɩzɩyɛ.+

 8 Ñɔsɩ lɩnɩ ɛ-mɔɔŋ tɛɛ nɛ sɩkpa,

nɛ miŋ weyi ɛɖɩzɩɣ wondu caɣ caɣ yɔ ɛlɩnɩ ɛ-nɔɔ taa;+

miŋ mamala cɩɩɩ mʋʋ ɛ-ɛsɩndaa.

 9 Ɛlaba nɛ ɛsɔdaa koti alɩwaatʋ ndʋ etikaɣ yɔ,+

nɛ cɩkpɛndʋʋ sɔsɔʋ kaawɛ ɛ-nɩŋgbanzɩ tɛɛ.+

11 Ðɩnɛ ɛlɛ ehu ɛ-yɔɔ cɩkpɛndʋʋ,+

tɛʋ ŋgʋ kipiyi kpiɖi kpiɖi yɔ nɛ ɛsɔmɩndʋ sɔsɔtʋ

cɔ-ɩ nɛ pɩta ɛzɩ ɖɩjɔzɩyɛ yɔ.+

12 Ñalɩmɩyɛ nɖɩ ɖɩwɛ ɛ-ɛsɩndaa yɔ,

ɖɩ-taa ɖɔmbɛɛ nɛ miŋ mamala wena asɛ cɩɩɩ yɔ alɩɣna nɛ atɛzɩɣ mɩndʋ.

13 Nɛ Yehowa la nɛ pɩnazɩ ɛsɔdaa;+

kɩlɩm tɩŋnɩ ɖɔmbɛɛ nɛ miŋ mamala wena asɛ cɩɩɩ yɔ a-yɔɔ

nɛ eyele nɛ panɩɩ ɛ-nɔɔ.+

14 Ɛtɔ ɛ-tɔʋ ñɩma nɛ ɛmɩzɩ mon-koyindinaa;+

etiyini ɛ-tɛʋ ñɩlɩsʋʋ nɛ eyele nɛ pisidi-wɛ.+

15 Pɩna lɩm cukaŋ tɛɛ;*+

Oo Yehowa, tɛtʋ tigila yɔɔ kuli alɩwaatʋ ndʋ ŋkalaa yɔ,

alɩwaatʋ ndʋ ŋlɩzɩ helim nɛ ñɔ-mɔɔŋ tɛɛ yɔ.+

16 Etisi e-nesi nɛ ɛsɔdaa;

ɛɖɔkɩ-m nɛ ɛhɔmɩ-m nɛ lɩm cukaŋ ñɩmbʋ tɛɛ nɛ ɛlɩzɩ.+

17 Eholi-m mon-koyindu ɖoŋ tʋ nesi tɛɛ,+

eholi-m mba papaɖaɣ-m nɛ paakɩlɩ-m ɖoŋ yɔ pe-nesi tɛɛ.+

18 Paalʋbɩnɩ-m man-kʋñɔŋ kɩyakʋ wiye,+

ɛlɛ Yehowa kaakɛnɩ man-sɩnɩyʋ.

19 Ɛlɩzɩ-m nɛ ewoni-m ɖenɖe kaɖɛ naɖɩyɛ ɛɛpɩzɩɣ nɛ ɖɩtalɩ-m yɔ;*

eholi-m mbʋ pʋyɔɔ yɔ mɔn-tɔm kaakɛdɩnɩ-ɩ.+

20 Yehowa hɛyɩɣ-m nɛ pɩlakɩ nɔɔ kʋɖʋmaɣ nɛ men-siɣsiɣ wɛtʋ;+

ɛhɛyɩɣ-m mbʋ pʋyɔɔ yɔ me-nesi tɩɖɔɔ wɛɛ.*+

21 Mbʋ pʋyɔɔ yɔ mɔnɖɔkɩ Yehowa nʋmɔŋ,

nɛ mantɩla kañatʋ lakasɩ nɛ maha mɛ-Ɛsɔ siɣye.

22 Ɛ-tɔm hʋʋ kpeekpe wɛ mɛ-ɛsɩndaa;

maakaɣ nim ɛ-paɣtʋ.

23 Mankaɣ ɖɔkʋʋ man-cɩŋgɩlɩm wɛtʋ ɛ-ɛsɩndaa,+

nɛ mankaɣ man-tɩ ɖɔkʋʋ se mantaala kɩwɛɛkɩm.+

24 Tɛtɛ nɛ Yehowa hɛyɩ-m nɛ pɩla nɔɔ kʋɖʋmaɣ nɛ men-siɣsiɣ wɛtʋ,+

tɛtɛ nɛ ɛhɛyɩ-m, mbʋ pʋyɔɔ yɔ me-nesi tɩɖɔɔ wɛɛ ɛ-ɛsɩndaa.+

25 Weyi ɛwɛ siɣsiɣ yɔ, ŋlakɩ-ɩ mbʋ pɩwɛ siɣsiɣ yɔ;+

weyi ɛwɛ cɩŋgɩlɩm yɔ, ŋwɩlɩɣ-ɩ ña-cɩŋgɩlɩm wɛtʋ;+

26 weyi ɛwɛ kele kele yɔ, ŋwɩlɩɣ-ɩ se ŋwɛ kele kele,+

ɛlɛ weyi ɛkɛ pɩ-tɛɛ nɛ pɩ-yɔɔ tʋ yɔ, ŋwɩlɩɣ-ɩ se ŋwɛ lɛɣtʋ.+

27 Mbʋ pʋyɔɔ yɔ ŋyakɩ ajamaa* ñʋʋ+

ɛlɛ ŋluzuu tɩ kpazɩyaa.*+

28 Mbʋ pʋyɔɔ yɔ, Oo Yehowa, ñɔsɔkɩnɩ man-kanɖʋ,

ñɛkɛnɩ mɛ-Ɛsɔ weyi ɛñandɩɣ man-cɩkpɛndʋʋ yɔ.+

29 Ñakaɣnɩ-m sɩnʋʋ nɛ moyooni mɩlaa;*+

Ɛsɔ ɖoŋ taa lɛ, manpɩzɩɣ nɛ mamaa koloŋa nɛ ka-wayɩ.+

30 Ɛsɔ toovenim tʋ nʋmɔʋ talɩ pilim;+

Yehowa tɔm wɛ kele kele.+

32 Ɛsɔ toovenim tʋ lɛ weyi esuu-m ɖoŋ yɔ,+

nɛ ɛkaɣ labʋ nɛ ma-nʋmɔʋ tʋʋzɩ.+

33 Ɛlakɩ nɛ ma-nɩŋgbanzɩ wɛɣ ɛzɩ hɩŋ ñɔɔɔ tʋ* nɩŋgbanzɩ yɔ;

ɛlakɩ nɛ mansɩŋɩɣ lona wena akʋyaa yɔ a-taa.+

34 Ɛfalɩsɩɣ me-nesi se sɩla you;

me-nesi pɩzɩɣ nɛ sikoti tɔʋ ŋgʋ palabɩnɩ ñɩɣyʋʋ kɩsɛɛmʋʋ yɔ.

35 Ŋhaɣ-m ña-kpayʋʋ ŋgʋ kɩyakɩ ma-ñʋʋ yɔ,+

ñe-nesi kɩbanzɩ ɖɔkʋʋ-m,*

nɛ ña-tɩ luzuu yeki nɛ manpɩsɩɣ sɔsɔ.+

36 Ŋwalɩsɩɣ ma-nʋmɔʋ;

pɩɩkaɣ tuu ma-nɩŋgbanzɩ.*+

37 Mankaɣ ɖʋʋ mon-koyindinaa wayɩ nɛ mehiɣ-wɛ;

maakaɣ pɩsʋʋ nɛ mantɩɖɩzɩ-wɛ.

38 Mankaɣ-wɛ tɔyɩtʋʋ nɛ paapɩzɩɣ nɛ pakʋyɩ;+

pakaɣ tɔlʋʋ ma-nɩŋgbanzɩ tɛɛ.

39 Ŋkaɣ-m haʋ ɖoŋ nɛ mala you;

ŋkaɣ labʋ nɛ mon-koyindinaa tɔlɩ mɛn-tɛɛ.+

40 Ŋkaɣ labʋ nɛ mon-koyindinaa se mɛ-ɛsɩndaa,*

nɛ mankaɣ ɖɩzʋʋ mba papaɖɩɣ-m yɔ.*+

41 Pamakɩ kubusi se pasɩnɩ-wɛ, ɛlɛ nɔɔyʋ fɛyɩ se ɛya pa-ñʋʋ;

halɩ pamakɩ kubusi nɛ Yehowa cɔlɔ kiŋ, ɛlɛ eecosuu-wɛ.

42 Mankaɣ-wɛ sɔbʋ nɛ pakpɩzɩ ɛzɩ mʋzʋʋ ŋgʋ helim kpakɩɣ yɔ;

mankaɣ-wɛ lɔʋ ɛzɩ habɛɛ yɔɔ ahɔya yɔ.

44 Kañɩtɩɣ nɛ kanɩɩ mɔ-yɔɔ tɔm lɛ, kakaɣ-m ñam;

agɔma kaɣ kɔm nɛ poluŋ mɛn-tɛɛ nɛ sɔɔndʋ.+

45 Agɔma kaɣ lesuu abalɩtʋ;*

pakaɣ lɩnʋʋ pe-tilima ɖoŋ ñɩna taa nɛ peseliɣ kɔm yɔɔ.

47 Ɛsɔ toovenim tʋ kpaɣ man-kɩmɩyɛ;+

eluzuu samasɩ mɛn-tɛɛ.

48 Eholuu-m mon-koyindinaa mba pɔkɔ pana yɔ pe-nesi tɛɛ;

ŋkpazɩɣ-m mba poyouni-m yɔ pa-ñʋʋ yɔɔ;+

ŋyakɩ ma-ñʋʋ puuyaɣ tʋ nesi tɛɛ.

49 Pʋyɔɔ lɛ, Oo Yehowa, mankaɣ-ŋ sam ajɛɛ hɛkʋ taa,+

nɛ mankaɣ teu ña-hɩɖɛ samtʋ hendu.*+

50 Ɛlakɩ tʋma sɔsɔna se ɛya e-wiyaʋ ñʋʋ;*+

ɛwɩlɩɣ sɔɔlɩm siɣsiɣ ñɩmbʋ ɛ-tɛ patam num,+

19 Ɛsɔdaa susuu Ɛsɔ samtʋ+

nɛ kɩyɔɔdʋʋ* e-nesi tɛɛ tʋmɩyɛ tɔm.+

 2 Paa evemiye nɖɩ, kɩ-yɔɔdaɣ yabɩtɩɣ ɛzɩ lɩm yɔ,

nɛ paa ɖoo wena, kikuluu sɩmtʋ yɔɔ nɛ kɩwɩlɩɣ.

 3 Kɩɩyɔɔdʋʋ, tɔm pee naayɛ ɩɩlɩɣ;

paanɩɣ kɩ-nɔɔ.

 4 Ɛlɛ panɩ kɩ-taŋ* tɛtʋ kpeekpe yɔɔ,

nɛ kɩ-tɔm talɩ tɛtʋ kamasɩ kpeekpe yɔɔ.+

Esiɣ wɩsɩ kizinziku ɛsɔdaa;

 5 sɩwɛ ɛzɩ asɛyʋ walʋ weyi ɛlɩnɩ e-kuduyuu tɛɛ yɔ;

sɩmɛyɩɣ ɛzɩ abalʋ ɖoŋ tʋ weyi eseɣ nʋmɔʋ taa yɔ.

 6 Sɩlɩɣnɩ ɛsɔdaa kamaɣ yɔɔ,

nɛ sɩɖɛɣ* nɛ sɩtalɩɣ kamaɣ lɛɛka yɔɔ;+

nɛ nabʋyʋ fɛyɩ se siisoŋuu-pʋ.

Tɔm ndʋ Yehowa tɔzʋʋ ɛ-samaɣ yɔ tɩmʋnaa se pataa-tʋ liu,+

tɩpɩsɩɣ ɛyʋ weyi ɛfɛyɩnɩ lɔŋsɩnɖɛ yɔ lɔŋsɩnɖʋ.+

 8 Paɣtʋ ndʋ Yehowa ɖʋʋ yɔ tɩwɛ siɣsiɣ, tɩlakɩ nɛ laŋɩyɛ nɩɣ leleŋ;+

Yehowa paɣtʋ wɛ kele kele, tɩlakɩ nɛ ɛsa ñɩlɩsɩɣ.+

10 Pɩtɩŋa pɩmʋ ñɩm nɛ pɩkɩlɩ sika,

pɩmʋ ñɩm nɛ pɩkɩlɩ sika kɩbaŋa* sakɩyɛ,+

nɛ pɩwɛ leleŋ nɛ pɩkɩlɩ tʋŋ num,+ tʋŋ num mbʋ pitosuuni sɛŋɛlɛtʋ taa yɔ.

11 Paɣtʋ ndʋ papaɣnɩ ña-lɩmɖʋyʋ;+

ɛyʋ ɛɖɔŋ tɩ-yɔɔ yɔ, ehikiɣ kɩhɛyʋʋ sɔsɔʋ.+

13 Kpa ña-lɩmɖʋyʋ nɛ ɛtaala tɩ kpazʋʋ lakasɩ;+

taayele nɛ sɩwabɩ-m.+

Ðɩnɛ ɛlɛ mankaɣ wɛʋ pilim,+

nɛ maalakɩ kɩdɛkɛdɩm sɔsɔm.*

14 Hayɩ Yehowa, man-Kaaʋ+ nɛ ma-Ñʋʋ Yaɖʋ,+

tɛtɛ nɛ mɔ-nɔɔ taa tɔm nɛ ndʋ ma-laŋɩyɛ maɣzɩɣ yɔ tɩkɛdɩnɩ-ŋ.+

 2 Tɛtɛ nɛ etiyini-ŋ sɩnʋʋ nɛ lone kiɖeɖeye taa+

nɛ ɛɖʋ-ŋ nesi nɛ Siyɔŋ taa.+

 3 Tɛtɛ nɛ ɛtɔzɩ ña-kɩlaŋ kpeekpe yɔɔ;

etisi nɛ ɛmʋ ña-kɩlaʋ kɩñaɣzʋʋ.* (Sɛɛla)

 4 Tɛtɛ nɛ ɛha-ŋ mbʋ ña-laŋɩyɛ sɔɔlaa yɔ+

nɛ eyele nɛ pɩɖɔmnɩ-ŋ camɩyɛ ña-tamasɩ* kpeekpe taa.

 5 Ðɩkaɣ mabʋ taa leleŋ kubusi ña-ñʋʋ yabʋ tʋma yɔɔ;+

ɖɩkaɣ kpazʋʋ ɖa-wabɩtʋ yʋsasɩ ɖɛ-Ɛsɔ hɩɖɛ taa.+

Ɛtɩŋɩɣnɩ ɛ-nɩwaŋ ñʋʋ yabɩtʋ* sɔsɔtʋ yɔɔ+

nɛ ecosuu-i nɛ ɛsɔdaa, e-lone kiɖeɖeye taa.

 7 Nabɛyɛ taɣ you kɛɛkɛɛnaa liu nɛ lalaa ñataɣ kpaŋnaŋ liu,+

ɛlɛ ɖa lɛ, ɖɛ-Ɛsɔ Yehowa hɩɖɛ ɖɩyaɣ.+

 8 Paɖaba, pɔtɔlaa,

ɛlɛ ɖa lɛ, ɖɩkʋyaa nɛ ɖɩpɩsɩ ɖe-ɖeɖe.+

21 Oo Yehowa, ño-ɖoŋ yɔɔ wiyaʋ nɩɣ leleŋ;+

ɛnɩɣ leleŋ siŋŋ nɛ ña-ñʋʋ yabʋ tʋma mbʋ suwe!+

 2 Ŋha-ɩ mbʋ ɛ-laŋɩyɛ sɔɔlaa yɔ,+

nɛ ŋtikizini-i mbʋ e-ndomee pɔzaa yɔ. (Sɛɛla)

 3 Mbʋ pʋyɔɔ yɔ ŋkpaɣ wazasɩ sakɩyɛ nɛ ŋkatɩɣnɩ-ɩ;

ŋpam ɛ-ñʋʋ taa sika kɩbaŋa* awiya hulaɣ.+

 4 Ɛpɔzɩ-ŋ wezuu nɛ ŋha-ɩ kʋ,+

wezuu kɩɖaɣlʋʋ,* tamtam wezuu.

 6 Ŋyeki se pawazɩ-ɩ tam;+

ŋyeki nɛ ɛ-taa lakɩ leleŋ mbʋ pʋyɔɔ yɔ ŋwɛ ɛ-cɔlɔ.+

 7 Mbʋ pʋyɔɔ yɔ wiyaʋ taɣ liu Yehowa;+

kɩlɩm sɔɔlɩm siɣsiɣ ñɩmbʋ yɔɔ lɛ, pɩɩkaɣ-ɩ ñamsʋʋ* kpa.+

 8 Ñe-nesi kaɣ hiɣu ño-koyindinaa tɩŋa;

ñe-nesi kɩbanzɩ kaɣ hiɣu mba papaɖɩɣ-ŋ yɔ.

10 Ŋkaɣ pa-lʋlʋʋ taa mba* ɖɩzʋʋ tɛtʋ yɔɔ,

ŋkaɣ pa-lʋlʋʋ taa mba ɖɩzʋʋ ɛyaa pɩyalaa taa.

11 Mbʋ pʋyɔɔ yɔ paɖʋwa se palakɩ-ŋ mbʋ pɩfɛyɩ ɖeu yɔ;+

patam tamasɩ kɩdɛkɛdɩsɩ nzɩ sɩkaɣ ɖʋʋ lɩm yɔ.+

12 Mbʋ pʋyɔɔ yɔ ŋkaɣ-wɛ* tʋʋzɩnʋʋ ñɔ-tɔʋ*

nɛ pese ñɛ-ɛsɩndaa.+

 2 Mɛ-Ɛsɔ, mɛwɛ-ŋ yaʋ yɔɔ wɩsɩ taa, ɛlɛ ŋŋcosuu;+

nɛ ɖoo taa ɖɔɖɔ maasuŋ tamɩyɛ.

 3 Ɛlɛ ŋkɛ kiɖeɖeu,+

Izrayɛɛlɩ samtʋ cɔ-ŋ nɛ tɩta.*

 4 Ña ɖa-caanaa ta liu;+

pata-ŋ liu, nɛ ŋtiyele yabʋ pa-ñʋʋ.+

 5 Ña pokowa nɛ payaa nɛ ŋya pa-ñʋʋ;

pata-ŋ liu, nɛ pe-lidaʋ tɩɖʋ lɩm.*+

 6 Ɛlɛ acaanika mɛnkɛnaa, pɩtɩkɛ ɛyʋ,

ɛyaa niŋi-m* nɛ samaɣ ɛɛkpakɩɣ-m nɛ kayaɣ nabʋyʋ.+

 7 Mba payɩ panaɣ-m yɔ powoŋuu-m;+

powoŋuu nɛ pekpiɣyiɣ ñʋŋ nɛ nimtu nɛ pɔtɔŋ se:+

 9 Ñalɩzɩnɩ-m nɛ mon-ɖoo lotu taa,+

ñaayebina nɛ mɛwɛɛ pɛɛyɛ taa mon-ɖoo nɔkɔyʋʋ taa.

10 Kpaɣnɩ alɩwaatʋ ndʋ palʋlɩ-m yɔ, paɖʋzɩ-m ñe-nesi tɛɛ se ŋcɔnɩ mɔ-yɔɔ;*

ŋkɛ mɛ-Ɛsɔ, kpaɣnɩ mon-ɖoo lotu taa.

11 Taaposini-m, mbʋ pʋyɔɔ yɔ kʋñɔŋ ñɔtaa+

nɛ mantɩtasɩ wɛnʋʋ sɩnɩyʋ nɔɔyʋ.+

12 Naŋ abalɩñɩŋ sakɩyɛ cɔ-m nɛ ɩta;+

Basaanɩ naŋ abalɩñɩŋ weyi ɩwɛ ɖoŋ yɔ ɩcɔ-m nɛ ɩta.+

13 Ɩha ɩ-nɔsɩ haaa mɔ-yɔɔ,+

ɛzɩ mʋʋzʋʋ ŋgʋ kiɖiɣni mʋdʋʋ nɛ kɩcɩyɩɣ mbʋ kɩkpawa yɔ nanʋʋ nanʋʋ yɔ.+

14 Papɩyɩ-m ɛzɩ lɩm yɔ;

mɔ-mɔɔ tɩŋa tu a-ɖɩgbɛndɩyɛ taa.

Ma-laŋɩyɛ pɩsɩ ɛzɩ sɛŋɛlɛtʋ yɔ;+

ɖiyoluu ɖooo man-taa.+

15 Mon-ɖoŋ tɛma, mɛwɛ ɛzɩ cʋʋ wonuu hɔɔlaɣ nakɛyɛ yɔ;+

ma-nzʋlʋmɩyɛ taaɖɩnɩ men-kenandʋ;+

ŋtisiɣ-m sɩm mʋzʋʋ taa.+

16 Mbʋ pʋyɔɔ yɔ mon-koyindinaa cɔ-m nɛ pata ɛzɩ hasɩ yɔ;+

sɩñɔtʋʋnɩ-m ɛzɩ kɩwɛɛkɩm laɖaa canɖaʋ yɔ,+

sɩñasɩɣ me-nesi nɛ ma-nɩŋgbanzɩ ɛzɩ mʋʋzʋʋ yɔ.+

18 Patayɩ ɖama mo-wondu kususutu,

nɛ pɔtɔ piye mon-tokonaa yɔɔ.+

20 Holi-m* laɣɖɛ nesi tɛɛ,

holi me-wezuu ŋgʋ kɩmʋ ñɩm yɔ* hasɩ cɩkpaŋ* tɛɛ;+

21 holi-m mʋʋzʋʋ nɔɔ taa+ nɛ tɛyɛ naŋ abalɩñɩŋ hɩŋ nesi tɛɛ.

22 Mankaɣ susuu mon-koobiya ña-hɩɖɛ;+

mankaɣ-ŋ sam samaɣ hɛkʋ taa.+

24 Mbʋ pʋyɔɔ yɔ etihuuzi ɛsa weyi panazɩɣ-ɩ yɔ ɛ-kʋñɔŋ yɔɔ* nɛ kɩtɩcaɣ-ɩ kiniŋ ɖɔɖɔ;+

etikizi se ɛtaana ɛ-ɛsɩndaa.*+

25 Mankaɣ-ŋ sam samaɣ sɔsɔɔ taa;+

mankaɣ ɖɔm mon-ɖuutu yɔɔ mba peseɣ-i sɔɔndʋ yɔ pɛ-ɛsɩndaa.

26 Hɛɛɛ tɩnaa kaɣ tɔɔʋ nɛ pahaɣ;+

mba pañɩnɩɣ Yehowa yɔ pakaɣ-ɩ sam.

28 Mbʋ pʋyɔɔ yɔ Yehowa tɩnɩ kewiyitu tɔɔʋ;+

ɛtɔkɩ kewiyitu ajɛɛ yɔɔ.

29 Tɛtʋ yɔɔ ñɩma mba payɩ pɩɖɔŋnɩ-wɛ camɩyɛ yɔ,* pakaɣ tɔɔʋ nɛ poluŋ;

mba payɩ petiki puuyuu taa yɔ, pakaɣ luŋuu pa-nʋmbɔla yɔɔ ɛ-ɛsɩndaa;

pa-taa nɔɔyʋ ɛɛpɩzɩɣ nɛ ɛya e-wezuu* ñʋʋ.

30 Pa-lʋlʋʋ taa mba* kaɣ-ɩ sɛʋ;

kpaɖʋʋ ŋgʋ kɩkɔŋ yɔ, pakaɣ-kʋ kɛdʋʋ Yehowa tɔm.

 2 Ɛlakɩ nɛ mahɩnɩɣ kpɩna ñɩtʋ ɖɩdɔɔyɛ taa ɖenɖe ñɩtʋ tɔyaa yɔ;

eɖiyiɣ-m nɛ ewokini ɖɩhɛzɩyɛ taa ɖenɖe lɩm tɔyaa yɔ.*+

 4 Paa mɔnɖɔŋ cɩkpɛndʋʋ sɔsɔʋ fɛɛʋ taa yɔ,+

sɔɔndʋ ɛɛkpaɣ-m se kɩdɛkɛdɩm nabʋyʋ kaatalɩ-m,+

mbʋ pʋyɔɔ yɔ ŋwɛ mɔn-cɔlɔ;+

ña-ɖaʋ* hɛzɩɣ ma-laŋɩyɛ.*

 6 Toovenim taa lɛ, kɩbandʋ nɛ sɔɔlɩm siɣsiɣ ñɩmbʋ kaɣ-m tɩŋʋʋ me-wezuu kɩyakɩŋ kpeekpe,+

nɛ mankaɣ caɣʋ Yehowa ɖɩɣa taa me-wezuu kɩyakɩŋ kpeekpe.+

24 Yehowa tɩnɩ tɛtʋ nɛ mbʋ payɩ pɩwɛ tɩ-yɔɔ yɔ,+

ɛnʋ tɩnɩ kedeŋa nɛ mba pɛwɛ kɔ-yɔɔ yɔ.

 2 Mbʋ pʋyɔɔ yɔ ɛkam tɛtʋ cɩŋ cɩŋ teŋgunaa yɔɔ+

nɛ ɛcaɣzɩ-tʋ camɩyɛ pɔsɩ yɔɔ.

 4 Weyi e-nesi tɩɖɔɔ wɛɛ, nɛ ɛ-laŋɩyɛ wɛ kele kele yɔ,+

weyi etiɖuuni Me-wezuu* cɛtɩm ɖuutu yɔ,

 5 Ɛkaɣ mʋʋ wazasɩ Yehowa cɔlɔ+

nɛ ɛmʋ siɣsiɣ wɛtʋ Ɛsɔ weyi ɛyakɩ ɛ-ñʋʋ yɔ ɛ-cɔlɔ.+

 6 Mba pañɩnɩɣ-ɩ yɔ pa-kpaɖʋʋ lɛ,

Oo Yakɔɔb tɛ Ɛsɔ, mba pañɩnɩɣ se pana ñɛ-ɛsɩndaa yɔ pa-kpaɖʋʋ. (Sɛɛla)

 7 Mɩ nɔnɔsɩ, ɩkpazɩ mɩ-ñʋŋ;+

mɩ caanaʋ taa pɔɔyɩŋ, ɩtʋlɩ mɩ-tɩ,*

nɛ samtʋ Wiyaʋ sʋʋ!+

Yehowa, hoɖe tʋ nɛ ɖoŋ tʋ,+

Yehowa, weyi ɛwɛ ɖoŋ you taa yɔ.+

 9 Mɩ nɔnɔsɩ, ɩkpazɩ mɩ-ñʋŋ;+

mɩ caanaʋ taa pɔɔyɩŋ, ɩtʋlɩ mɩ-tɩ,

nɛ samtʋ Wiyaʋ sʋʋ!

 2 Mɛ-Ɛsɔ, mantaɣ-ŋ liu;+

taayele nɛ fɛyɛ kpa-m.+

 3 Toovenim taa lɛ, fɛyɛ ɛɛkaɣ kpaʋ mba pataɣ-ŋ liu yɔ pa-taa nɔɔyʋ,+

ɛlɛ fɛyɛ ɖaŋnɩ mba palɩɣ lalaa wayɩ ɖulum yɔ.+

 4 Hayɩ Yehowa, yele nɛ mantɩlɩ ña-nʋmɔŋ;+

wɩlɩ-m ña-nʋmɔŋ.+

 5 Yele nɛ mɔnɖɔ ño-toovenim taa nɛ ŋwɩlɩ-m tɔm,+

mbʋ pʋyɔɔ yɔ ñɛkɛnɩ Ɛsɔ weyi ɛyakɩ ma-ñʋʋ yɔ,

ו [Vav]

 6 Hayɩ Yehowa, tɔzɩ ña-pʋtɔdɩyɛ naʋ nɛ ñɔ-sɔɔlɩm siɣsiɣ ñɩmbʋ yɔɔ,+

mbʋ ŋwɩlɩ tam yɔ.*+

Tɔzɩ mɔ-yɔɔ ñɔ-sɔɔlɩm siɣsiɣ ñɩmbʋ yɔɔ,+

ña-kɩbandʋ yɔɔ, hayɩ Yehowa.+

 9 Ɛkaɣ ɖiyuu hɛɛɛ tɩnaa mbʋ pɩtʋʋzaa yɔ pɩ-taa,*+

nɛ ɛkaɣ wɩlʋʋ hɛɛɛ tɩnaa ɛ-nʋmɔʋ.+

10 Mba pɔɖɔkʋʋ Yehowa ɛgbɛyɛ+ nɛ pɔɖɔŋ tɔm ndʋ ɛtɔzʋʋ-wɛ yɔ tɩ-yɔɔ yɔ,+

pɛ-ɛsɩndaa lɛ, ɛ-nʋmɔŋ kpeekpe kɛ sɔɔlɩm siɣsiɣ ñɩmbʋ nɛ siɣsiɣ wɛtʋ.

11 Hayɩ Yehowa, ña-hɩɖɛ yɔɔ lɛ,+

kpeɣ-m man-kɩwɛɛkɩm, paa pɩpaɣlaa yɔ.

13 Ɛkaɣ* hiɣu mbʋ pɩwɛ ɖeu yɔ,+

nɛ tɛtʋ kaɣ pɩsʋʋ ɛ-lʋlʋʋ taa mba* ñɩm.+

14 Mba peseɣ Yehowa sɔɔndʋ yɔ, taabalɩyɛ kɩbanɖɛ wɛɣ ɛ nɛ wɛ pɛ-hɛkʋ taa,+

nɛ eyeki nɛ patɩlɩɣ ɛ-ɛgbɛyɛ.+

15 Mɛ-ɛsa cɔŋnɩ Yehowa paa ɛzɩmtaa,+

mbʋ pʋyɔɔ yɔ ɛkaɣ lɩzʋʋ ma-nɩŋgbanzɩ piyuu taa.+

16 Kɛzɩ ñɛ-ɛsa nɛ mɔ-yɔɔ kiŋ nɛ ŋna man-pʋtɔdɩyɛ,

mbʋ pʋyɔɔ yɔ mɛwɛ men-ɖeke nɛ mɛnfɛyɩnɩ ɖoŋ nɩɩyɩ.

17 Ma-laŋɩyɛ taa wɩzasɩ ɖɔwa;+

lɩzɩ-m men-siziŋ taa.

18 Na men-siziŋ nɛ man-kʋñɔŋ,+

nɛ ŋkpeɣ-m man-kɩwɛɛkɩm tɩŋa.+

19 Na ɛzɩma mon-koyindinaa ɖɔwa yɔ

nɛ ɛzɩma papaɖɩɣ-m tɛtɛ paɖʋʋ yɔ.

21 Cɩŋgɩlɩm wɛtʋ nɛ siɣsiɣ wɛtʋ ɩkandɩyɩ mɔ-yɔɔ,+

mbʋ pʋyɔɔ yɔ ña mantaɣ liu.+

26 Oo Yehowa, hʋʋ mɔn-tɔm, mbʋ pʋyɔɔ yɔ mɔnɖɔm man-cɩŋgɩlɩm wɛtʋ taa;+

manta Yehowa liu, nɛ mantiyebi-i liu taʋ kaaʋ.+

 2 Oo Yehowa, wili-m nɛ ŋtakɩ-m;

la nɛ ma-lɩmaɣza cukaŋ ñɩna* nɛ ma-laŋɩyɛ wɛɛ kele kele.*+

 3 Mbʋ pʋyɔɔ yɔ ñɔ-sɔɔlɩm siɣsiɣ ñɩmbʋ wɛ mɛ-ɛsɩndaa paa ɛzɩmtaa,

nɛ mɔnɖɔŋ ño-toovenim taa.+

 4 Maaɖʋʋ taabalɩyɛ nɛ cɛtɩyaa,*+

nɛ menseɣ mba pɛmɛsɩɣ mbʋ pɛkɛnaa yɔ.*

 5 Manpaɖɩɣ ɛyaa kɩdɛkɛdaa ɛgbaɣdɩyɛ,+

nɛ menkizaa se maaɖʋʋ taabalɩyɛ nɛ kañatʋ tɩnaa.*+

 6 Mankaɣ saŋʋʋ me-nesi nɛ pɩwɩlɩ se mantɩɖɔɔ wɛɛ,

Oo Yehowa, mankaɣ ɖɔm nɛ mɔncɔɔ ña-altaaru,

 7 se meyele nɛ panɩɩ mɛ-ɛsɩmɩyɛ wɩlʋʋ taŋ+

nɛ monsusi ñe-piti tʋma tɩŋa tɔm.

 8 Yehowa, mɔnsɔɔlɩ ɖɩɣa ŋga ka-taa ŋwɛɛ yɔ,+

lone nɖɩ ɖɩ-taa ña-samtʋ wɛɛ yɔ.+

 9 Taahazɩ kɩwɛɛkɩm laɖaa nɛ ŋkpɛndɩnɩ-m*+

nɛ taalɩzɩ puuyaɣ tɩnaa* wezuu nɛ ŋkpɛndɩnɩ ma-ñɩŋgʋ,

10 mba pe-nesi lakɩ fɛyɛ lakasɩ yɔ,

nɛ mba pe-nesi kɩbanzɩ sɔɔlɩ mʋʋ kʋjɔŋ se pomuli lalaa yɔ.*

12 Ma-nɩŋgbaŋaɣ sɩŋ lone landamm ñɩnɖɛ taa;+

mankaɣ sam Yehowa samaɣ sɔsɔɔ taa.*+

 2 Alɩwaatʋ ndʋ kɩwɛɛkɩm laɖaa kʋyɩ mɔ-yɔɔ se pacɩyɩɣ-m yɔ,+

mba pakaɖɩɣnɩ-m yɔ nɛ mon-koyindinaa pituulaa nɛ pɔtɔlɩ.

 3 Paa sɔɔjanaa tikaɣ ɛcɔ-m nɛ kata yɔ,

ma-laŋɩyɛ ɛɛkaɣ lɩʋ.+

Paa you ɛlɩ mɔ-yɔɔ yɔ,

pʋbʋ taa ɖɔɖɔ, sɔɔndʋ ɛɛkaɣ-m kpaʋ.

 4 Pʋyʋ kʋɖʋm koŋ mɔnpɔzɩ Yehowa

—mbʋ mankaɣ ñɩnʋʋ—

mbʋ lɛ se mancaɣ Yehowa ɖɩɣa taa me-wezuu kɩyakɩŋ kpeekpe,+

nɛ manaɣ Yehowa keɖeɣa

nɛ mɔncɔŋnɩ e-templo* nɛ taa leleŋ.*+

 5 Mbʋ pʋyɔɔ yɔ ɛkaɣ-m mɛsʋʋ ɛ-ɖɩjɔzɩyɛ taa asɛyʋʋ wiye;+

ɛkaɣ-m mɛsʋʋ mɛsaɣ tɛɛ lone taa, e-kizinziku tɛɛ;+

ɖooo ɛwaɣ ñʋʋ taa ɛkaɣ-m sɩʋ.+

 6 Lɛɛlɛɛyɔ, ma-ñʋʋ kʋyɩ kpem nɛ pɩkɩlɩ mon-koyindinaa mba pɔcɔ-m nɛ pata yɔ;

mankaɣ laʋ kɩlaŋ e-kizinziku tɛɛ nɛ taa leleŋ kogoye;

mankaɣ samtʋ hendu teu* Yehowa.

 7 Hayɩ Yehowa, welisini-m alɩwaatʋ ndʋ mamakɩ kubusi yɔ;+

na man-pʋtɔdɩyɛ nɛ ŋcosi-m.+

Ñɛkɛnɩ man-sɩnɩyʋ;+

ma-ñʋʋ yabʋ tɛ Ɛsɔ, taayebi-m nɛ taaha-m siɣye.

10 Paa man-caa nɛ mon-ɖoo pɔlɔ-m yɔ,+

Yehowa maɣmaɣ kaɣ-m mʋʋ.+

11 Hayɩ Yehowa, wɩlɩ-m ña-nʋmɔʋ,+

mon-koyindinaa yɔɔ lɛ, ɖiyi-m siɣsiɣ wɛtʋ nʋmɔʋ taa.

12 Taaɖʋzɩ-m mba pakaɖɩɣnɩ-m yɔ pe-nesi tɛɛ,*+

mbʋ pʋyɔɔ yɔ aseɣɖe tɩnaa cɛtɩyaa kʋyɩ mɔ-yɔɔ,+

nɛ pɛkpɛzɩɣ-m nɛ puuyaɣ lakasɩ.

13 Le manpɩzaɣ se mɛwɛɛ ye mantaawɛɛnɩ tisuu

se mankaɣ naʋ Yehowa kɩbandʋ ɛsadɩnaa ɛjaɖɛ taa yɔ?*+

14 Taa Yehowa liu;+

wɛɛ abalɩtʋ, nɛ ŋwɛɛ ɖoŋ.+

28 Hayɩ Yehowa, man-Kaaʋ,+ ña mɛwɛ yaʋ yɔɔ;

taaɖɩɣ ña-nɩŋgbaŋʋʋ.

Ye ŋsum tamɩyɛ nɛ ŋŋcosuu-m yɔ,

mankaɣ wɛʋ ɛzɩ mba petiki pɔʋ* taa yɔ.+

 2 Welisi ma-adɩma alɩwaatʋ ndʋ mamakɩ kubusi se ŋsɩnɩ-m yɔ,

alɩwaatʋ ndʋ mankpazɩɣ me-nesi nɛ ɖooo pɩ-taa kuduyuu ŋgʋ kɩwɛ ño-kooka kiɖeɖeɣa taa yɔ, kɩ-cɔlɔ kiŋ yɔ.+

 3 Taahazɩ kañatʋ tɩnaa nɛ ŋkpɛndɩnɩ-m, taahazɩ mba palakɩ lalaa kɩdɛkɛdɩm yɔ nɛ ŋkpɛndɩnɩ-m,+

mba peheyiɣ lalaa laŋhɛzɩyɛ tɔm ŋgʋ kɩdɛkɛdɩm wɛnɩ pa-laŋa taa yɔ.+

 4 Hɛyɩ-wɛ pa-lakasɩ yɔɔ,+

nɛ pɩla nɔɔ kʋɖʋmaɣ nɛ pa-lakasɩ kɩdɛkɛdɩsɩ.

Hɛyɩ-wɛ pe-nesi tɛɛ tʋmɩyɛ yɔɔ,

nɛ pɩla nɔɔ kʋɖʋmaɣ nɛ mbʋ palaba yɔ.+

 5 Mbʋ pʋyɔɔ yɔ paakeŋni Yehowa tʋma,+

nɛ paakeŋni ɖɔɖɔ mbʋ e-nesi laba yɔ.+

 6 Pasa Yehowa,

mbʋ pʋyɔɔ yɔ ɛnɩ adɩma wena malaba se ɛsɩnɩ-m yɔ.

 7 Yehowa kɛnɩ mon-ɖoŋ+ nɛ man-kpayʋʋ;+

ɛnʋ ma-laŋɩyɛ taɣ liu.+

Ɛsɩnɩ-m, nɛ ma-laŋɩyɛ nɩɣ leleŋ,

pʋyɔɔ lɛ, mankaɣ-ɩ sam nɛ me-hendu.

 8 Yehowa kɛnɩ ɛ-samaɣ ɖoŋ;

ɛkɛ tilimiye ɖoŋ ñɩnɖɛ, ɛkɔŋnɩ ñʋʋ yabʋ sɔsɔm ɛ-tɛ patam num.+

 3 Panɩ Yehowa nɔɔ lɩm yɔɔ;

Ɛsɔ samtʋ tʋ nɔɔ tiliɣ.+

 4 Yehowa nɔɔ wɛ ɖoŋ;+

Yehowa nɔɔ wɛ kajʋka.

 5 Yehowa nɔɔ pɛlɩɣ sɛɛdrɩ tɩŋ;

ɛɛɛ, Yehowa pʋʋtʋʋ Libaŋ sɛɛdrɩ tɩŋ.+

 6 Ɛlakɩ nɛ Libaŋ* mɛyɩɣ ɛzɩ neɣye yɔ,

nɛ Siriyɔɔnɩ+ mɛyɩɣ ɛzɩ tɛyɛ neɣye abalɩñɩnɖɛ yɔ.

 7 Yehowa nɔɔ tɔʋ miŋ nzʋlʋma;+

 8 Yehowa nɔɔ lakɩ nɛ kañɩmbusuu seliɣ;+

Yehowa lakɩ nɛ Kadɛɛsɩ kañɩmbusuu+ seliɣ.

 9 Yehowa nɔɔ lakɩ nɛ nam seliɣ nɛ ɛlʋlʋʋ,

kalakɩ nɛ laŋ wɛɣ ndaakpasɩ.+

10 Yehowa caɣ lɩm mbʋ pɩwadɩɣ yɔ pɩ-yɔɔ* e-kewiyaɣ kpelaɣ yɔɔ;+

Yehowa kɛ Wiyaʋ kewiyaɣ kpelaɣ yɔɔ tam.+

 4 Mɩ mba ɩwɛ siɣsiɣ Yehowa ɛsɩndaa yɔ, itee-i samtʋ hendu,*+

ɩsa ɛ-hɩɖɛ kiɖeɖeye;+

 5 mbʋ pʋyɔɔ yɔ ye ɛ-taa ɛwɩnɩ nɔɔyʋ yɔ piileɖiɣ,+

ɛlɛ ɛ-pʋtɔdɩyɛ naʋ* ñeleɖiɣ ɛyʋ wezuu kpeekpe.+

 8 Hayɩ Yehowa, ña maawɛ yaʋ yɔɔ;+

nɛ ña Yehowa maawɛ tenduu yɔɔ se ŋna man-pʋtɔdɩyɛ.

11 Ŋlaba nɛ man-kʋñɔwiye pɩsɩ payɛ;

ŋhɔzɩ mɔ-yɔɔ fɔlɔtɔ, nɛ ŋsu-m laŋhʋlʋmɩyɛ,

12 se pɩsa nɛ mentee* ña-samtʋ hendu nɛ mantaasu tamɩyɛ.

Pɩsɩ pʋʋ ŋgʋ kɩ-tɛɛ manɖʋʋ kʋyʋʋ yɔ,

pɩsɩ lone ɖoŋ ñɩnɖɛ nɖɩ ɖɩyakɩ ma-ñʋʋ yɔ.+

 3 Mbʋ pʋyɔɔ yɔ ŋkɛ man-kaaʋ nɛ men-tilimiye ɖoŋ ñɩnɖɛ;+

ña-hɩɖɛ yɔɔ lɛ,+ ŋkaɣ-m ɖiyuu nɛ ŋwɩlɩ-m nʋmɔʋ.+

 4 Ŋkaɣ-m lɩzʋʋ piyuu ŋgʋ pañɩbɩ-m mɛsaɣ tɛɛ yɔ kɩ-taa,+

mbʋ pʋyɔɔ yɔ ŋkɛ man-ɖɩjɔzɩyɛ.*+

 6 Manpaɖɩɣ mba paha pa-tɩ falaa sɩʋ kpelisi yɔ, nzɩ sɩɩwazɩɣ pʋyʋ yɔ,

ɛlɛ ma lɛ, Yehowa mantaɣ liu.

 7 Ñɔ-sɔɔlɩm siɣsiɣ ñɩmbʋ yɔɔ lɛ, mankaɣ wɛʋ laŋhʋlʋmɩyɛ sɔsɔɖɛ taa,

mbʋ pʋyɔɔ yɔ ŋna man-kʋñɔŋ;+

ŋsɩm men-siziŋ sɔsɔŋ.*

 8 Ŋtɩɖʋzɩ-m koyindu nesi tɛɛ,

ɛlɛ ŋyeba nɛ mansɩŋ lone nɖɩ ɖɩ-taa kaɖɛ naɖɩyɛ ɛɛtalɩɣ-m yɔ.*

10 Laŋwɛɛkɩyɛ yeba nɛ me-wezuu tɛŋ,+

nɛ mɔla yeba nɛ man-pɩnzɩ tɛŋ.+

Man-kɩwɛɛkɩm yɔɔ lɛ, mon-ɖoŋ wɛɛ nɛ ɛpasɩɣ;

mɔ-mɔɔ pʋkɩ.+

11 Mon-koyindinaa tɩŋa niŋi-m,+

kɔzɩ kɔzɩ mɔn-cɔlɔ ñɩma.

Nɛ mɛ-ɛyɩsɩmaa seɣ-m sɔɔndʋ;

panaɣ-m samaɣ taa lɛ peseɣ-m.+

12 Palɩzɩ-m pa-laŋa* taa nɛ pɔsɔɔ mɔ-yɔɔ, ɛzɩ mansɩbɩ kɩsɩbʋ yɔ;

mɛwɛ ɛzɩ ŋgbɔʋ ŋgʋ kɩyɔkaa yɔ.

13 Ɛyaa yɔɔdɩ mɔ-yɔɔ tɔm kɩdɛkɛdɩtʋ sakɩyɛ nɛ manɩɩ;

sɔɔndʋ sɔsɔtʋ cɔ-m nɛ tɩta.+

Alɩwaatʋ ndʋ pekpeɣliɣ ɛzɩ ɛyʋ kʋɖʋm yɔ se pakaɖɩnɩ-m lɛ,

pɛkpɛyɩɣ mɔ-tɔm se palɩzɩ me-wezuu.*+

Fɛyɛ ɛkpa kañatʋ tɩnaa;+

posu tamɩyɛ Pɩlaʋ* taa.+

18 Tɛtɛ nɛ ndomee wena acɛtɩɣ yɔ apɩsɩ kaayɔɔdasɩ,+

ndomee wena ayɔɔdʋʋnɩ tɩ kpazʋʋ nɛ akaɖɩɣnɩ siɣsiɣ tʋ yɔ, wena ayɔɔdʋʋnɩ agʋnda nɛ nimtu yɔ.

Ŋñɔɔzɩ-tʋ nɛ ŋsɩɩ mba peseɣ-ŋ sɔɔndʋ yɔ,+

nɛ ŋwɩlɩ-tʋ mba paɖʋʋ-ŋ kʋyʋʋ yɔ, ɛyaa kpeekpe ɛsɩndaa.+

20 Ŋkaɣ-wɛ mɛsʋʋ ñɛ-ɛsɩndaa mɛsaɣ tɛɛ lone taa+

se mba pataŋ tamasɩ kɩdɛkɛdɩsɩ pɔ-yɔɔ yɔ pataahiɣ-wɛ;

ŋkaɣ-wɛ mɛsʋʋ ña-ɖɩjɔzɩyɛ taa

se ɛyaa kɩdɛkɛdaa itaahiɣ-wɛ.*+

21 Pasa Yehowa,

mbʋ pʋyɔɔ yɔ ɛwɩlɩ-m ɛ-sɔɔlɩm siɣsiɣ ñɩmbʋ wɩlʋʋ mbʋ tɛtʋ ndʋ koyindinaa cɔ-tʋ nɛ pata yɔ tɩ-taa yɔ,+ pɩwɛ piti kpem.+

Yehowa kandɩyɩɣ siɣsiɣ tɩnaa yɔɔ,+

ɛlɛ mba payɩ pakpazɩɣ pa-tɩ yɔ, ɛkpaɣ-wɛ kɩmɩyɛ nɛ ɛsɔzɩ pɩ-yɔɔ.+

24 Mɩ mba payɩ ɩɖaŋ Yehowa yɔ,+

ɩwɛɛ abalɩtʋ, nɛ ɩwɛɛ ɖoŋ.+

 2 Koboyaɣ tʋ lɛ ɛyʋ weyi Yehowa ɛɛkʋʋ ɛ-tɔm se ɛlabɩ kɩwɛɛkɩm yɔ,+

weyi cɛtɩm nabʋyʋ fɛyɩ ɛ-lɩmaɣza taa yɔ.

 5 Pɩtɛmnaa se monkuli man-kɩdɛkɛdɩm yɔɔ nɛ meheyi-ŋ;

mantihuuzi man-kɩwɛɛkɩm yɔɔ.+

 6 Pʋyɔɔ paa ɛyʋ siɣsiɣ tʋ weyi lɛ, ɛkaɣ-ŋ tɩmnʋʋ+

alɩwaatʋ ndʋ papɩzɩɣ nɛ pana-ŋ yɔ.+

 7 ŋkɛ-m ɖɩmɛlɩyɛ;

Ŋkaɣ mɔ-yɔɔ kandɩyʋʋ se kʋñɔŋ ɛtaatalɩ-m.+

 9 Taawɛɛ ɛzɩ kpaŋnʋ yaa kpaŋaɣ yɔ, kpɩna ana afɛyɩnɩ lɛɣtʋ,+

pʋcɔ nɛ ŋwɛɛnɩ ɖoŋ a-yɔɔ nɛ añɔtɩnɩ-ŋ lɛ,

10 Kañatʋ tʋ wɩzasɩ ɖɔwa;

ɛlɛ weyi ɛtaɣ Yehowa liu yɔ, Ɛ-sɔɔlɩm siɣsiɣ ñɩmbʋ cɔʋ-ɩ nɛ pɩta.+

11 Mɩ mba ɩwɛ siɣsiɣ yɔ, Yehowa yɔɔ lɛ, ɩwɛɛ laŋhʋlʋmɩyɛ taa, ɩwɛɛ taa leleŋ taa;

mɩ mba payɩ mɩ-laŋa wɛ siɣsiɣ yɔ, ikoo taa leleŋ kogoye.

 2 Ɩma cɩmʋʋ nɛ ɩsɛɛnɩ Yehowa se ɛlabaɣ lɛ;

ɩtɩŋnɩ cɩmʋʋ wonuu ŋgʋ kɩ-yɔɔ wɛ nimasɩ 10 yɔ kɩ-yɔɔ nɛ itee-i samtʋ hendu.*

 3 Itee-i hendu kɩfatʋ;+

ɩmabɩ-ɩ cɩmʋʋ camɩyɛ nɛ taa leleŋ kogoye.

 4 Mbʋ pʋyɔɔ yɔ Yehowa tɔm tʋʋzaa,+

nɛ mbʋ payɩ ɛlakɩ yɔ, papɩzɩɣ nɛ pataa-pʋ liu.

 6 Yehowa tɩŋnɩ ɛ-tɔm yɔɔ nɛ ɛlɩzɩ ɛsɔdaa,+

nɛ ɛtɩŋnɩ ɛ-nɔɔ taa fezuu yɔɔ nɛ ɛlɩzɩ mbʋ payɩ pɩwɛ kɩ-taa yɔ.*

 7 Ɛkpaɣ teŋgu taa lɩm ɛzɩ koloŋa ɛkpanɩ-pʋ yɔ;+

ɛsɩɣ lɩm hola sɔsɔna wondu ɖɩzɩyɛ taa.

 9 Mbʋ pʋyɔɔ yɔ ɛyɔɔdaa, nɛ pɩla mbʋ;+

ɛɖʋ paɣtʋ, nɛ pɩsɩŋ camɩyɛ.+

10 Yehowa laba nɛ tɔm ndʋ ajɛɛ kpɛyaa yɔ* tɩɖʋ lɩm;+

ɛwɛɛkɩ ɛyaa samasɩ ɖʋtʋ.*+

11 Ɛlɛ lɩmaɣza wena Yehowa kpakɩɣ yɔ,* akaɣ wɛʋ tam;+

ɛ-laŋɩyɛ taa lɩmaɣza wɛ kpaɣ kpaɖʋʋ nɛ piwolo kpaɖʋʋ.

12 Samaɣ ŋga Yehowa kɛ kɛ-Ɛsɔ yɔ, kanɩ leleŋ,+

samaɣ ŋga ɛlɩzaa se kɛkɛ ɛ-maɣmaɣ ɛ-ñɩm yɔ.+

13 Yehowa wɛ ɛsɔdaa nɛ ɛcɔŋnɩ hadɛ;

ɛnaɣ ɛyaa pɩyalaa tɩŋa.+

14 Ɛwɛ ɛ-ɖɩjaɣyɛ taa,

nɛ ɛcɔŋnɩ tɛtʋ yɔɔ ɛyaa.

15 Ɛnʋ maɣnɩ ɛyaa tɩŋa laŋa;

ɛtazɩɣ pa-tʋma tɩŋa taa.+

16 Sɔɔjanaa sakɩyɛ ɩɩyakɩ wiyaʋ ñʋʋ;+

ɛyʋ ɖoŋ tʋ ɖoŋ sɔsɔŋ ɛɛyakɩ ɛ-ñʋʋ.+

17 Ye nɔɔyʋ ɛtaɣ kpaŋnʋ liu se ehiɣ ñʋʋ yabʋ* yɔ, pɩkɛnɩ cɛtɩm lidaʋ;+

kpaŋnʋ ɖoŋ sɔsɔŋ ɛɛwɩlɩɣ se paa pɩɩkpawa nɛ pitii yɔ, ɛkaɣ ɛyʋ ñʋʋ yabʋ.

18 Na! Yehowa ɛsɩyɛ wɛ mba peseɣ-i sɔɔndʋ yɔ pɔ-yɔɔ,+

mba paɖaŋ ɛ-sɔɔlɩm siɣsiɣ ñɩmbʋ yɔ,

19 se eholi-wɛ* sɩm nesi tɛɛ

nɛ eyele nɛ pɛwɛɛ wezuu ñɔɔsɩ alɩwaatʋ taa.+

21 Ɛ-yɔɔ lɛ, ɖa-laŋa nɩɣ leleŋ,

mbʋ pʋyɔɔ yɔ ɖɩtaɣ ɛ-hɩɖɛ kiɖeɖeye liu.+

22 Hayɩ Yehowa, ñɔ-sɔɔlɩm siɣsiɣ ñɩmbʋ ɛwɛɛ ɖɔ-yɔɔ,+

alɩwaatʋ ndʋ ɖɩwɛɛ nɛ ɖɩɖaŋɩɣ-ŋ yɔ.+

34 Mankaɣ sam Yehowa alɩwaatʋ kpeekpe;

ɛ-samtʋ kaɣ wɛʋ mo-ndomee yɔɔ paa ɛzɩmtaa.

 2 Yehowa yɔɔ lɛ, mankaɣ* kʋndʋʋ;+

hɛɛɛ tɩnaa kaɣ nɩʋ nɛ pɛwɛɛ laŋhʋlʋmɩyɛ taa.

 3 Ɩkpɛndɩ mɔ-yɔɔ nɛ ɖɩsa Yehowa;+

ɖɩkpɛndɩ nɛ ɖɩñɔkɩ ɛ-hɩɖɛ.

 5 Mba pataɣ-ɩ liu yɔ pɛ-ɛsɩndaa ñɩlɩsɩɣ;

paapɩzɩɣ nɛ paɖʋ-wɛ fɛyɛ.

 7 Mba peseɣ Yehowa sɔɔndʋ yɔ, e-tiyiyu ɖɔŋ nɛ ɛcɔʋ-wɛ kpɛɛɛ,+

nɛ eholuu-wɛ.+

 8 Ɩɖɩŋ nɛ ɩna se Yehowa wɛ ɖeu;+

koboyaɣ tʋ lɛ ɛyʋ weyi ɛɖʋʋ-ɩ kʋyʋʋ yɔ.

 9 Ise Yehowa sɔɔndʋ, mɩ e-kiɖeɖema tɩŋa,

mbʋ pʋyɔɔ yɔ mba peseɣ-i sɔɔndʋ yɔ paatɛɖɩɣ nabʋyʋ.+

10 Halɩ ñɔɔsɩ wɩ mʋʋzɩŋ* ɖoŋ ñɩŋ,

ɛlɛ mba pañɩnɩɣ Yehowa yɔ, paakaɣ tɛɖʋʋ pʋyʋ kɩbanʋ nɔɔyʋ.+

11 Man-pɩyalaa, ɩkɔɔ, iwelisini-m;

mankaɣ-mɩ kpɛlɩkʋʋ Yehowa sɔɔndʋ seu.+

12 Mɩ-taa anɩ sɔɔlɩ wezuu

nɛ ɛsɔɔlɩ se ɛna kɩyakɩŋ kɩbaŋ sakɩyɛ?+

13 Ye mbʋ, kpa ña-nzʋlʋmɩyɛ nɛ mbʋ pɩfɛyɩ ɖeu yɔ,+

nɛ ŋkpa ño-ndomee nɛ pɔbɔtʋ tɔm yɔɔdʋʋ.+

14 Ha siɣye mbʋ pɩfɛyɩ ɖeu yɔ nɛ ŋla mbʋ pɩwɛ ɖeu yɔ;+

ñɩnɩ laŋhɛzɩyɛ nɛ ŋse ɖɩ-wayɩ.+

15 Yehowa ɛsa wɛ siɣsiɣ tɩnaa yɔɔ,+

nɛ ɛ-nɩŋgbaaŋ welisiɣ kubusi nzɩ pamakɩ se pasɩnɩ-wɛ yɔ.+

16 Ɛlɛ Yehowa paŋ ɛsa nɛ mba palakɩ mbʋ pɩfɛyɩ ɖeu yɔ,

se ɛla nɛ pataatasɩ pɔ-yɔɔ tɔzʋʋ tɛtʋ yɔɔ.+

17 Pamabɩ kubusi, nɛ Yehowa nɩɩ;+

eholi-wɛ pa-kʋñɔmɩŋ kpeekpe taa.+

18 Yehowa ñɔtɩnɩ mba pa-laŋa pʋʋtaa yɔ;+

ɛyakɩ mba pɛwɛ laŋwɛɛkɩyɛ taa yɔ* pa-ñʋʋ.+

19 Ɛyʋ siɣsiɣ tʋ kʋñɔmɩŋ* ɖɔwa,+

ɛlɛ Yehowa holuu-i ɩ-tɩŋa ɩ-taa.+

20 Ɛcɔŋnɩ ɛ-mɔɔ tɩŋa yɔɔ;

patɩpɛlɩ a-taa naɖɩyɛ.+

21 Asɛyʋʋ kaɣ kʋʋ kañatʋ tʋ;

mba papaɖɩɣ siɣsiɣ tʋ yɔ, pakaɣ pɔ-tɔm kʋʋ.

22 Yehowa yakɩ ɛ-lɩmɖʋyaa ñʋʋ;*

mba paɖʋʋ-ɩ kʋyʋʋ yɔ, paakaɣ kʋʋ pa-taa nɔɔyʋ tɔm.+

35 Hayɩ Yehowa, lʋ mɔ-yɔɔ nɛ mba pakaɖɩɣnɩ-m yɔ pataawabɩ-m;+

yooni mba poyouni-m yɔ.+

 2 Kpaɣ ña-kpayʋʋ cikpeluu* nɛ ña-kpayʋʋ sɔsɔʋ,+

nɛ ŋkʋyɩ nɛ ŋlʋ mɔ-yɔɔ.+

 5 Tɛtɛ nɛ pɛwɛɛ ɛzɩ lɔtʋ ndʋ helim kpakɩɣ yɔ;

Yehowa tiyiyu ɛɖɔɔnɩ-wɛ.+

 6 Pa-nʋmɔʋ eyu cɩkpɛndʋʋ nɛ kɩ-taa ɛwɛɛ sotu

alɩwaatʋ ndʋ Yehowa tiyiyu ɖʋʋ pa-wayɩ yɔ.

 7 Mbʋ pʋyɔɔ yɔ pañɩbɩ piyuu se pakpa-m, ŋgʋ mantɩlabɩ-wɛ nabʋyʋ;

pohuyi pɔʋ se mɔntɔlɩ kɩ-taa nɛ pakpa-m,* ŋgʋ mantɩlabɩ-wɛ nabʋyʋ.

 8 Asɛyʋʋ etudi-wɛ;

tɛtɛ nɛ piyuu ŋgʋ pañɩba yɔ, kɩkpa pa-maɣmaɣ;

tɛtɛ nɛ pɔtɔlɩ kɩ-taa nɛ pɔ-tɔm tɛ.+

 9 Ɛlɛ Yehowa yɔɔ lɛ, mankaɣ* wɛʋ laŋhʋlʋmɩyɛ taa;

mankaɣ wɛʋ taa leleŋ taa ɛ-ñʋʋ yabʋ tʋma yɔɔ.

ŋholuu weyi ɛfɛyɩnɩ ɖoŋ nɩɩyɩ yɔ, mba pakɩlɩ-ɩ ɖoŋ yɔ pe-nesi tɛɛ;+

Ŋholuu weyi ɛfɛyɩnɩ ɖoŋ nɩɩyɩ yɔ nɛ kʋñɔndʋ, mba pamɩlɩɣ pa-ñɩm yɔ pe-nesi tɛɛ.»+

12 Pɛhɛyɩɣ-m kɩdɛkɛdɩm kɩbandʋ lone taa,+

nɛ piyeki nɛ mɛwɛɣ* kʋñɔwiye taa.

13 Ɛlɛ alɩwaatʋ ndʋ pɩwɩɣaɣ-wɛ yɔ, monsuwaɣ fɔlɔtɔ;

mɔhɔkaɣ nɔɔ nɛ manɖʋʋnɩ man-tɩ* kʋñɔŋ,

nɛ alɩwaatʋ ndʋ ma-adɩma pɩsaɣ mɔn-cɔlɔ nɛ paticosi a-yɔɔ yɔ,*

14 moyotaɣ kʋñɔwiye taa ɛzɩ man-taabalʋ yaa mon-koobu yɔɔ mɛwɛ kʋñɔwiye taa yɔ;

moluŋaɣ laŋwɛɛkɩyɛ taa, ɛzɩ ɛyʋ cakʋʋ kʋñɔwiye e-ɖoo yɔɔ yɔ.

15 Ɛlɛ pituuli-m lɛ, pa-taa la leleŋ nɛ pekpeɣli ɖama;

pekpeɣli ɖama se papabɩ-m nɛ pamabɩ-m nɛ pɛpɛɖɩ;

pacɩyɩ-m nanʋʋ nanʋʋ nɛ patisu tamɩyɛ.

16 Mba paañaŋ Ɛsɔ yɔ, powoŋuu-m nɛ peniŋi-m,*

mɔ-yɔɔ lɛ, pasalɩɣ pe-kela.+

Holi-m* pe-nesi tɛɛ nɛ pataakʋ-m,+

holi me-wezuu ŋgʋ kɩmʋ ñɩm yɔ* mʋʋzɩŋ* cɩkpaŋ tɛɛ.+

18 Ðɩnɛ ɛlɛ mankaɣ-ŋ wɩlʋʋ mɛ-ɛsɩmɩyɛ* samaɣ sɔsɔɔ taa;+

mankaɣ-ŋ sam ɛyaa samasɩ taa.

19 Taayele nɛ mba pɛkɛ mon-koyindinaa ŋgʋ mantɩlabɩ-wɛ nabʋyʋ yɔ, pa-taa la leleŋ nɛ man-kʋñɔŋ;

taayele nɛ mba papaɖɩɣ-m ŋgʋ mantɩlabɩ-wɛ nabʋyʋ yɔ,+ poɖozuu ɛsa nɛ lɩmaɣza kɩdɛkɛda.+

20 Mbʋ pʋyɔɔ yɔ paayɔɔdʋʋ laŋhɛzɩyɛ tɔm,

ɛlɛ pɛkpɛyɩɣ cɛtɩm tɔm ɛjaɖɛ taa laŋhɛzɩyɛ tɩnaa yɔɔ.+

21 Pahaɣ pɔ-nɔsɩ haaa se pakʋ mɔn-tɔm,

nɛ pɔtɔŋ se: «Ahaaŋ! Ahaaŋ! Ðɛ-ɛsa na-pʋ.»

23 Fe nɛ ŋkʋyɩ nɛ ŋlʋ mɔ-yɔɔ,

mɛ-Ɛsɔ, Yehowa, lʋ mɔ-yɔɔ tɔm hʋʋ taa;

24 hayɩ mɛ-Ɛsɔ Yehowa, hʋʋ mɔn-tɔm nɛ pɩla nɔɔ kʋɖʋmaɣ nɛ ñe-siɣsiɣ wɛtʋ;+

taayele nɛ pa-taa la leleŋ nɛ man-kʋñɔŋ.

26 Fɛyɛ ɛkpa pa-tɩŋa, fɛyɛ ɛkpa-wɛ kʋɖɩɩɩ,

mba pa-taa lakɩ leleŋ nɛ ma-asɛyʋʋ yɔ.

27 Ɛlɛ mba pa-taa lakɩ leleŋ nɛ men-siɣsiɣ wɛtʋ yɔ, pama taa leleŋ kubusi;

tɛtɛ nɛ pɔyɔɔdʋʋ paa ɛzɩmtaa se:

36 Kɩwɛɛkɩm yɔɔdʋʋnɩ kañatʋ tʋ ɖooo ɛ-laŋɩyɛ taa;

Ɛsɔ sɔɔndʋ seu fɛyɩ ɛ-ɛsɩndaa.+

 2 Mbʋ pʋyɔɔ yɔ epeɣziɣ ɛ-tɩ siŋŋ

nɛ halɩ eeɖiɣziɣni ɛ-kɩwɛɛkɩm se ɛpaɖɩ-pʋ.+

 3 Ɛ-nɔɔ taa tɔm ɖʋʋ ɖɩwɩzɩyɛ nɛ tɩkɛ cɛtɩm tɔm;

ɛfɛyɩnɩ lɛɣtʋ se ɛla mbʋ pɩwɛ ɖeu yɔ.

Ɛwɛ nʋmɔʋ ŋgʋ kɩfɛyɩ ɖeu yɔ kɩ-taa;

eekiziɣ mbʋ pɩfɛyɩ ɖeu yɔ pɩ-labʋ.

 5 Oo Yehowa, ñɔ-sɔɔlɩm siɣsiɣ ñɩmbʋ talɩ ɛsɔdaa,+

ñe-siɣsiɣ wɛtʋ talɩ ɖooo mɩndʋ taa.

 6 Ñe-siɣsiɣ wɛtʋ wɛ ɛzɩ pʋŋ sɔsɔŋ yɔ;*+

ñɔ-tɔm hʋʋ wɛ ɛzɩ lɩm sɔsɔm mbʋ pɩwɛ cukaŋ yɔ.+

 8 Pɔñɔ ña-ɖɩɣa taa ñɩm mbʋ pɩwɛ sakɩyɛ yɔ* nɛ pañɩɣzɩ,+

ŋyeba nɛ pɔñɔɔ ñe-leleŋ weyi ekpeŋ ɛzɩ pɔɔ yɔ.+

 9 Ñɔ-cɔlɔ wezuu hiɖe wɛɛ;+

ña-ñalɩmɩyɛ yɔɔ ɖɩnaɣ ñalɩmɩyɛ.+

10 Taayele wɩlʋʋ mba pasɩmɩ-ŋ yɔ ñɔ-sɔɔlɩm siɣsiɣ ñɩmbʋ,+

nɛ ñe-siɣsiɣ wɛtʋ mba pa-laŋa wɛ siɣsiɣ yɔ.+

11 Taayele nɛ weyi ɛkpazɩɣ ɛ-tɩ yɔ ɛfɛyɩ-m,

nɛ taayele nɛ kañatʋ tʋ nesi ɖɔɔnɩ-m.

12 Peeɖe kɩwɛɛkɩm laɖaa tɔlaa;

potuzi-wɛ nɛ pɛpɛɖɩ nɛ paapɩzɩɣ nɛ patasɩ kʋyʋʋ.+

37 Ña-taa ɛtaawɩɩ* ɛyaa kɩdɛkɛdaa yɔɔ

nɛ taaɖʋ ɛsɩyɛ kɩdɛkɛdɩm laɖaa yɔɔ.+

 2 Pakaɣ lou lɛɛ lɛɛ ɛzɩ ñɩyʋʋ yɔ+

nɛ pawɩlɩ ɛzɩ ñɩyʋʋ lɛŋ ñɩŋgʋ yɔ.

 3 Taa Yehowa liu nɛ ŋla mbʋ pɩwɛ ɖeu yɔ;+

caɣ tɛtʋ* yɔɔ, nɛ ŋla mbʋ pɩwɛ siɣsiɣ yɔ.+

 4 Yehowa yɔɔ lɛ, nɩɩ leleŋ sɔsɔŋ,*

nɛ ɛkaɣ-ŋ haʋ mbʋ ña-laŋɩyɛ sɔɔlaa yɔ.

 5 Ðʋzɩ ña-nʋmɔʋ Yehowa nesi tɛɛ;*+

taa-ɩ liu, nɛ ɛkaɣ labʋ mbʋ pɩwazɩɣ-ŋ yɔ.+

 6 Ɛkaɣ labʋ nɛ ñe-siɣsiɣ wɛtʋ ñandɩ ɛzɩ tanaŋ tɛɛ ñalɩmɩyɛ yɔ,

nɛ ɛla nɛ ñe-siɣsiɣ tɔm ñandɩ ɛzɩ wɩsɩ kaalaŋa yɔ.

 7 Su tamɩyɛ Yehowa ɛsɩndaa+

nɛ ŋɖaŋɩ-ɩ kpam.

 8 Yele pana nɛ ŋlɔ hɔpɩsɩyɛ;+

Ña-taa ɛtaawɩɩ nɛ piyele nɛ ŋla kɩdɛkɛdɩm.*

 9 Mbʋ pʋyɔɔ yɔ pakaɣ ɖɩzʋʋ ɛyaa kɩdɛkɛdaa,+

ɛlɛ mba pataɣ Yehowa liu yɔ, tɛtʋ kaɣ pɩsʋʋ pa-ñɩm.+

10 Pɩkazɩ alɩwaatʋ pazɩ yem, kañatʋ tɩnaa ɩɩkaɣ tasʋʋ wɛʋ;+

ŋkaɣ cɔnʋʋ ɖenɖe paawɛɛ yɔ,

11 Ɛlɛ tɛtʋ kaɣ pɩsʋʋ hɛɛɛ tɩnaa ñɩm,+

nɛ pa-taa kaɣ labʋ leleŋ siŋŋ, mbʋ pʋyɔɔ yɔ laŋhɛzɩyɛ tɔyʋʋ.+

12 Kañatʋ tʋ taŋ tamasɩ kɩdɛkɛdɩsɩ ɛyʋ siɣsiɣ tʋ yɔɔ;+

ɛ-yɔɔ lɛ, ɛsalɩɣ e-kela.

13 Ɛlɛ Yehowa kaɣ-ɩ woŋuu,

mbʋ pʋyɔɔ yɔ ɛnawa se kañatʋ tʋ kɩyakʋ kaɣ talʋʋ.+

14 Kañatʋ tɩnaa kpɛɣ pa-laɣla nɛ pokotuu pɔ-tɔŋ*

se pala nɛ weyi ɛfɛyɩnɩ ɖoŋ nɩɩyɩ yɔ nɛ kʋñɔndʋ pɔtɔlɩ,

se pakʋ mba pa-nʋmɔʋ tʋʋzaa yɔ.

15 Ɛlɛ pa-laɣla kaɣ tʋlʋʋ pa-maɣmaɣ pa-laŋa;+

pɔ-tɔŋ kaɣ pɛlʋʋ.

16 Mbʋ siɣsiɣ tʋ wɛnɩ pazɩ yɔ,

pɩwɛ ɖeu nɛ pɩkpaɖɩ wondu sakɩyɛ ndʋ kañatʋ tɩnaa sakɩyɛ wɛna yɔ.+

17 Mbʋ pʋyɔɔ yɔ kañatʋ tɩnaa nesi kaɣ pɛlʋʋ,

ɛlɛ Yehowa kaɣ sɩnʋʋ siɣsiɣ tɩnaa.

18 Yehowa sɩm kaɖɛ nɖɩ ɛyaa mba pɛfɛyɩnɩ kɩwɛɛkɩtʋ natʋyʋ yɔ pakatɩɣ yɔ,*

nɛ pa-ñɩm kaɣ wɛʋ tam.+

19 Fɛyɛ ɛɛkaɣ-wɛ kpaʋ asɛyʋʋ alɩwaatʋ taa;

pakaɣ wɛnʋʋ tɔɔnaɣ sakɩyɛ ñɔɔsɩ alɩwaatʋ taa.

20 Ɛlɛ kañatʋ tɩnaa kaɣ tɛŋɩlʋʋ;+

Yehowa koyindinaa kaɣ mʋʋʋ ɛzɩ kpɩna ñɩtʋ ɖɩdɔɔyɛ lona wena anɛɣdɩ camɩyɛ yɔ;

pakaɣ mʋʋʋ ɛzɩ ñɔsɩ yɔ.

21 Kañatʋ tʋ kɩndɩɣ nɛ ɛɛpɩsɩɣna,

ɛlɛ ɛyʋ siɣsiɣ tʋ wɛ kʋjɔʋ* nɛ ɛhaɣ.+

22 Mba Ɛsɔ wazɩɣ-wɛ yɔ, tɛtʋ kaɣ pɩsʋʋ pa-ñɩm,

ɛlɛ mba pɔ-yɔɔ ɛlɔʋ nɔɔ kɩdɛkɛdaɣ yɔ, pakaɣ-wɛ ɖɩzʋʋ.+

23 Yehowa ɖiyiɣ ɛyʋ nɩŋgbanzɩ*+

alɩwaatʋ ndʋ ɛlɛ nʋmɔʋ kɛdɩnɩ-ɩ yɔ.+

24 Paa pituuli-i yɔ, ɛɛkaɣ tɔlʋʋ kpʋʋʋ,+

mbʋ pʋyɔɔ yɔ Yehowa ɖɔkʋʋ e-nesi.*+

25 Maakɛ evebu nɛ lɛɛlɛɛyɔ mankpadɩyaa,

ɛlɛ wiɖiyi mantɩna pɔlɔ ɛyʋ siɣsiɣ tʋ nɔɔyʋ,+

nɛ mantɩna ɖɔɖɔ e-piya ñɩnɩɣ tɔɔnaɣ.*+

26 Paa ɛzɩmtaa lɛ, ɛkɩndɩɣ ɛyaa faaa,+

nɛ wazaɣ ɖaŋ e-piya.

27 Ha siɣye kɩdɛkɛdɩm nɛ ŋla mbʋ pɩwɛ ɖeu yɔ,+

nɛ ŋkaɣ wɛʋ tam.

28 Mbʋ pʋyɔɔ yɔ Yehowa sɔɔlɩ siɣsiɣ wɛtʋ,

nɛ ɛɛkaɣ lɔʋ mba pɛwɛ siɣsiɣ ɛ-ɛsɩndaa yɔ.+

Ɛkaɣ pɔ-yɔɔ kandɩyʋʋ paa ɛzɩmtaa;+

ɛlɛ ɛkaɣ ɖɩzʋʋ kañatʋ tɩnaa lʋlʋʋ taa mba.+

29 Tɛtʋ kaɣ pɩsʋʋ ɛyaa siɣsiɣ tɩnaa ñɩm,+

nɛ pakaɣ caɣʋ tɩ-yɔɔ tam.+

30 Ɛyʋ siɣsiɣ tʋ nɔɔ haɣ lɔŋsɩnɖɛ,*

nɛ ɛ-nzʋlʋmɩyɛ yɔɔdʋʋ siɣsiɣ wɛtʋ tɔm.+

31 Ɛ-Ɛsɔ paɣtʋ wɛ ɛ-laŋɩyɛ taa;+

pɩɩkaɣ ɛ-nɩŋgbanzɩ tuu.+

32 Kañatʋ tʋ cɔŋʋʋ ɛyʋ siɣsiɣ tʋ

nɛ ɛñɩnɩɣ se ɛkʋ-ɩ.

33 Ɛlɛ Yehowa ɛɛkaɣ-ɩ yebu ɛlɛ nesi tɛɛ+

nɛ ɛɛkaɣ kʋʋ ɛ-tɔm alɩwaatʋ ndʋ ɛhʋʋ ɛ-tɔm yɔ.+

34 Taa Yehowa liu nɛ ŋtɩŋ ɛ-nʋmɔʋ,

nɛ ɛkaɣ-ŋ kpazʋʋ se tɛtʋ ɛpɩsɩ ña-ñɩm.

35 Mana kañaɣ, ɛyʋ kɩdɛkɛdʋ,

ɛyɛzaɣ ɛzɩ tɩʋ ŋgʋ kɩwɛ hatʋ camɩyɛ kɩ-tɛtʋ yɔɔ yɔ.+

36 Ɛlɛ ɛmʋʋ tuda yem nɛ ɛtɩtasɩ wɛʋ;+

maawɛ-ɩ ñɩnʋʋ yɔɔ, ɛlɛ mantɩna-ɩ.+

37 Cɔnɩ ɛyʋ weyi ɛfɛyɩnɩ kɩwɛɛkɩtʋ natʋyʋ yɔ,*

ñɛ-ɛsɩyɛ ɛwɛɛ ɛyʋ siɣsiɣ tʋ+ yɔɔ,

mbʋ pʋyɔɔ yɔ ɛyʋ ɛnʋ ɛkaɣ wɛʋ laŋhɛzɩyɛ taa cee wayɩ.+

38 Ɛlɛ pakaɣ ɖɩzʋʋ kɩwɛɛkɩm laɖaa tɩŋa;

ɖɩzʋʋ pɩtɛŋnɩ kañatʋ tɩnaa cee wayɩ.+

39 Yehowa cɔlɔ ɛyaa siɣsiɣ tɩnaa ñʋʋ yabʋ lɩɣna;+

ɛnʋ kɛnɩ pa-ɖɩjɔzɩyɛ* kʋñɔŋ alɩwaatʋ taa.+

Ɛkaɣ-wɛ holuu kañatʋ tɩnaa nesi tɛɛ nɛ ɛya pa-ñʋʋ,

mbʋ pʋyɔɔ yɔ paɖʋ-ɩ kʋyʋʋ.+

38 Hayɩ Yehowa, taakalɩ-m ña-pana taa

nɛ taahɔ ɖɔɖɔ ma-nɩŋgbaŋʋʋ ñɔ-hɔpɩsɩyɛ taa.+

 2 Mbʋ pʋyɔɔ yɔ ñɔ-tɔʋ ñɩma sɔbɩ-m nɛ atii ɖooo man-taa,

nɛ ñe-nesi tɔyɩtʋʋ-m.+

 4 Mbʋ pʋyɔɔ yɔ man-kɩwɛɛkɩm kpa huuye nɛ pɩkɩlɩ ma-ñʋʋ;+

pɩkɩlɩ-m yuŋ kpem, pɩwɛ ɛzɩ sʋʋtʋ sɔsɔtʋ natʋyʋ yɔ.

 5 Man-kɩmɛlɛndʋ yɔɔ lɛ,

me-heŋ lɩɣ sɔŋ siŋŋ nɛ ikpeŋ lɩm.

 6 Mɛwɛ nɩɣzɛ taa, pitibi-m yɔɔɔ kpem;

moyotuu laŋwɛɛkɩyɛ taa evemiye kpeekpe.

 7 Pɩñakɩ man-taa;*

pɩwɩɣ mon-tomnaɣ tɩŋa.+

 8 Pɩsɩbɩ mɔ-yɔɔ nɛ pɩyɔbɩ-m caɣ caɣ;

ma-laŋɩyɛ taa wɩzasɩ yeba nɛ mɔmɔlʋʋ ɖoŋ.*

 9 Hayɩ Yehowa, mbʋ me-liu wɛɛ yɔ, pi-kpeekpe pɩwɛ ñɛ-ɛsɩndaa,

nɛ ma-amuza tɩkɛ-ŋ mɛsaɣ tɛɛ pʋyʋ.

10 Ma-laŋɩyɛ maɣ, mon-ɖoŋ tɛma,

mɛ-ɛsa ñalɩmɩyɛ ɖema.+

11 Man-kɩjɩkpʋʋ yɔɔ lɛ, man-taabalaa nɛ mɛ-ɛgbaɣdɩnaa seɣ-m,

nɛ mɛ-ɛyɩsɩmaa mba pɔñɔtɩnɩ-m yɔ, poposuu pa-tɩ nɛ m.

12 Mba pañɩnɩɣ me-wezuu* yɔ, pañɩkɩ kpacanaa;

mba pañɩnɩɣ se palabɩ-m kɩdɛkɛdɩm yɔ, pɔyɔɔdʋʋ ɖɩzʋʋ tɔm;+

pemidiɣ cɛtɩm tɔm evemiye kpeekpe.

13 Ɛlɛ ɛzɩ tandam yɔ, maawelisiɣ;+

ɛzɩ kaayɔɔdaɣ yɔ, maakuluu mɔ-nɔɔ.+

14 Manpɩsɩ ɛzɩ ɛyʋ weyi ɛɛnɩɣ yɔ,

weyi ɛ-nɔɔ fɛyɩnɩ natʋyʋ se kɔyɔɔdɩ nɛ kalʋbɩnɩ ɛ-yɔɔ yɔ.

15 Mbʋ pʋyɔɔ yɔ hayɩ Yehowa, ña manɖaŋaa;+

nɛ ŋcosi-m, hayɩ mɛ-Ɛsɔ Yehowa.+

16 Mbʋ pʋyɔɔ yɔ mɔyɔɔdaa se: «Pa-taa ɛtaala leleŋ nɛ man-kʋñɔŋ

nɛ ye pitu ma-nɩŋgbaŋaɣ yɔ, pataakpazɩ pa-tɩ mɔ-yɔɔ.»

17 Mbʋ pʋyɔɔ yɔ pɩɩkazɩ pazɩ se mɔntɔlɩ,

nɛ manɩɣaɣ wɩzasɩ paa ɛzɩmtaa.+

18 Monkuli man-kɩwɛɛkɩm yɔɔ;+

man-kɩdɛkɛdɩm cɛyaɣ-m.+

19 Ɛlɛ mon-koyindinaa wɛ hoɖe* nɛ pɛwɛɛ ɖoŋ,*

mba papaɖɩɣ-m, ŋgʋ mantɩlabɩ-wɛ nabʋyʋ yɔ pɔɖɔwa.

20 Pɛhɛyɩ-m kɩdɛkɛdɩm kɩbandʋ lone taa;

pakaɖaɣnɩ-m, mbʋ pʋyɔɔ yɔ mañɩnaɣ mbʋ pɩwɛ ɖeu yɔ.

22 Hayɩ Yehowa, ma-ñʋʋ yaɖʋ,+

kɔɔ lɛɛ lɛɛ nɛ ŋsɩnɩ-m.

39 Mɔyɔɔdaa se: «Mankaɣ cɔnʋʋ mɔn-ɖɔnɛ yɔɔ

se mantaala kɩdɛkɛdɩm nɛ ma-nzʋlʋmɩyɛ.+

Mankaɣ suluu* mɔ-nɔɔ+

alɩwaatʋ ndʋ payɩ kañatʋ tʋ nɔɔyʋ wɛɣ mɛ-ɛsɩndaa yɔ.»

 2 Mantaayɔɔdʋʋ, maasum tamɩyɛ;+

maasum ɖiɣ ɖiɣ halɩ pɩkpɛndɩnɩ mbʋ pɩwɛ ɖeu yɔ pɩ-hɔɔlʋʋ taa,

ɛlɛ manɩɣaɣ wɩzasɩ siŋŋ.*

 4 «Hayɩ Yehowa, sɩnɩ-m nɛ mantɩlɩ mbʋ pɩkaɣ-m tɛmnʋʋ yɔ,

sɩnɩ-m nɛ mantɩlɩ man-kɩyakɩŋ ñʋʋ,+

pɩsa nɛ mantɩlɩ ɛzɩma me-wezuu wɛ tobi yɔ.

 5 Toovenim taa lɛ, ŋlaba nɛ man-kɩyakɩŋ wɛɛ ññɩɩ yem;+

nɛ me-wezuu ɖaɣlɩkɩŋ wɛ ñɛ-ɛsɩndaa ɛzɩ mbʋ pɩtɩlɩɩ pʋyʋ yɔ.+

 9 Mantaayɔɔdʋʋ natʋyʋ;

mantaapɩzɩɣ se monkuli mɔ-nɔɔ,+

11 Ŋhɔŋ ɛyʋ nɩŋgbaŋʋʋ ɛ-kɩwɛɛkɩm yɔɔ se ŋñɔɔzɩnɩ-ɩ;+

ŋtɔkɩ wondu ndʋ tɩmʋ ñɩm ɛ-ɛsɩndaa yɔ ɛzɩ ŋgbam tɔkʋʋ yɔ.

12 Hayɩ Yehowa, welisi ma-adɩma,

nɩɩ kubusi nzɩ mamakɩ se ŋsɩnɩ-m yɔ.+

Mbʋ pʋyɔɔ yɔ ɛgɔm yem mɛnkɛ ñɛ-ɛsɩndaa,+

nʋmɔɖɔnʋ weyi ɛɖɛɣ yɔ,* ɛzɩ mɔn-cɔzɔnaa tɩŋa yɔ.+

13 Yebi-m cɔnʋʋ nɛ pana nɛ manpɩzɩ nɛ manɩɩ leleŋ

pʋcɔ nɛ mɛntɛŋɩlɩ nɛ mantaatasɩ wɛʋ.»

40 Manta Yehowa liu siŋŋ,*

nɛ ɛkʋ nɩŋgbaŋʋʋ* nɛ ewelisini-m nɛ ɛnɩɩ kubusi nzɩ mamaba se ɛsɩnɩ-m yɔ.+

 2 Ɛlɩzɩ-m pɔʋ ŋgʋ kɩ-taa pɩfalɩɣ yɔ kɩ-taa,

ɛlɩzɩ-m ahɔya lɔɔlɔɔ taa.

Nɛ ɛsɩɩ ma-nɩŋgbanzɩ kaaʋ sɔsɔʋ yɔɔ;

eyeba nɛ ma-nɩŋgbanzɩ wɛɛ ɖenɖe kaɖɛ naɖɩyɛ ɛɛpɩzɩɣ nɛ ɖɩtalɩ-sɩ yɔ.

 3 Nɛ ɛɖʋ mɔ-nɔɔ taa hendu kɩfatʋ natʋyʋ,+

ɖɛ-Ɛsɔ samtʋ hendu.

Ɛyaa sakɩyɛ kaɣ cɔnʋʋ nɛ sɔɔndʋ kpa-wɛ

nɛ pataa Yehowa liu.

 4 Koboyaɣ tʋ lɛ weyi ɛtaɣ Yehowa liu

nɛ ɛɛtaɣ liu ñʋʋ taa ɖoŋ tɩnaa nɛ cɛtɩyaa yɔ.*

 5 Oo mɛ-Ɛsɔ Yehowa,

wondu ndʋ ŋlaba yɔ tɩɖɔ siŋŋ,

ñe-piti tʋma nɛ lɩmaɣza wena ŋwɛnɩ ɖɔ-yɔɔ yɔ.+

Paapɩzɩɣ nɛ pakpaɣ nɔɔyʋ nɛ pamaɣzɩnɩ-ŋ;+

ye maañɩnaɣ se mɔyɔɔdɩ a-tɔm yaa mɛnkɛdɩ a-tɔm yɔ,

akɩlɩ ɖɔʋ nɛ maapɩzɩɣ nɛ mɛnkɛdɩ a-tɔm!+

 6 Ŋtɩsɔɔlɩ kɩlaʋ nɛ haɖɛ,*+

ɛlɛ ŋkuli ma-nɩŋgbaaŋ se manɩɩ.+

 8 Oo mɛ-Ɛsɔ, me-leleŋ* lɛ se mala ñɔ-sɔɔlɩm,+

nɛ ña-paɣtʋ wɛ ɖooo man-taa.+

Na! Oo Yehowa, ɛzɩ ŋsɩm camɩyɛ yɔ,

maakpaɣ mo-ndomee.+

12 Asɛyɩŋ weyi ɩcɔ-m nɛ ɩta yɔ ɩfɛyɩ kalʋʋ.+

Man-kɩwɛɛkɩm ɖɔ sakɩyɛ nɛ pihu mɔ-yɔɔ nɛ maapɩzɩɣ se mana ma-nʋmɔʋ;+

pɩɖɔwa nɛ pɩkɩlɩ ma-ñʋʋ taa ñɔsɩ,

nɛ sɔɔndʋ kpaɣ-m.

14 Mba payɩ pañɩnɩɣ se palɩzɩ me-wezuu* yɔ,

fɛyɛ ɛkpa-wɛ, fɛyɛ ɛkpa-wɛ kʋɖɩɩɩ.

Tɛtɛ nɛ mba panɩɣ leleŋ ma-asɛyʋʋ yɔɔ yɔ,

papɩsɩnɩ wayɩ nɛ fɛyɛ.

15 Tɛtɛ nɛ mba peheyiɣ-m se: «Ahaaŋ! Ahaaŋ!» yɔ,

sɔɔndʋ ɛkpa-wɛ pa-maɣmaɣ pɛ-fɛyɛ yɔɔ.

16 Ɛlɛ mba pañɩnɩɣ-ŋ yɔ,+

pɛmɛyɩ nɛ pɛwɛɛ laŋhʋlʋmɩyɛ taa ñɔ-yɔɔ.+

17 Ɛlɛ mɛnfɛyɩnɩ ɖoŋ nɩɩyɩ nɛ mɛnkɛ kʋñɔndʋ;

tɛtɛ nɛ Yehowa kemni-m.

Ñɛkɛnɩ man-sɩnɩyʋ nɛ mo-holiyu;+

mɛ-Ɛsɔ, taacaɣ wayɩ.+

41 Koboyaɣ tʋ lɛ weyi ɛmaɣzɩɣ ɛjam yɔɔ yɔ;+

Yehowa kaɣ-ɩ holuu asɛyʋʋ kɩyakʋ wiye.

Pakaɣ-ɩ yaʋ tɛtʋ yɔɔ se koboyaɣ tʋ;+

ŋŋkaɣ-ɩ ɖʋzʋʋ e-koyindinaa nesi tɛɛ kpa se palabɩ-ɩ mbʋ pɔsɔɔlaa yɔ.*+

 3 Yehowa kaɣ-ɩ sɩnʋʋ ɛ-kʋdɔŋ ñalʋʋ yɔɔ;+

ɛ-kʋdɔŋ alɩwaatʋ taa, ŋkaɣ lɛɣzʋʋ ɛ-ñalʋʋ tɩŋa.

Ɛñɩnɩɣ tɔm kɩdɛkɛdɩtʋ natʋyʋ mɔ-yɔɔ se ɛɛyɔɔdɩ;

pʋwayɩ lɛ, ɛlɩɩ nɛ ɛyɛlɩnɩ-tʋ.

 7 Mba payɩ papaɖɩɣ-m yɔ, pɛwɛɛtɩɣ ɖama tɔm;

pɛkpɛyɩɣ tɔm kɩdɛkɛdɩtʋ mɔ-yɔɔ. Pɔtɔŋ se:

 8 «Asɛyʋʋ nakʋyʋ talɩ-ɩ;

lɛɛlɛɛyɔ, ɛwɛ tataa, ɛɛkaɣ tasʋʋ kʋyʋʋ.»+

 9 Halɩ ɛyʋ weyi laŋhɛzɩyɛ kaawɛ ma nɛ ɩ ɖɛ-hɛkʋ taa yɔ, weyi mantaɣaɣ-ɩ liu yɔ,+

weyi ɛtɔkaɣ mɔn-kpɔnɔ yɔ, ɛkpazɩ ɛ-naakiɖe mɔ-yɔɔ.*+

10 Ɛlɛ ña lɛ, hayɩ Yehowa, na man-pʋtɔdɩyɛ nɛ ŋkʋsɩ-m,

nɛ manpɩzɩ nɛ mankpa-wɛ kɩmɩyɛ.

12 Ɛlɛ ma lɛ, ŋɖɔkʋʋ-m man-cɩŋgɩlɩm wɛtʋ yɔɔ;+

ŋkaɣ-m sɩʋ ñɛ-ɛsɩndaa tam.+

42 Ɛzɩ hɩŋ ñɔɔɔ tʋ* weyi e-liu wɛ lɩm siŋŋ yɔ,

mbʋ ɖɔɖɔ me-liu* wɛ siŋŋ se mɛnsɛ-ŋ, Oo Ɛsɔ.

 3 Mɛ-ɛsɩtɛɣlɩm kɛnɩ mɔn-tɔɔnaɣ wɩsɩ nɛ ɖoo;

evemiye kpeekpe, ɛyaa woŋuu-m nɛ pɔtɔŋ se: «Le ñɛ-Ɛsɔ wɛɛ?»+

 4 Mɔntɔzʋʋ tɔm tʋnɛ tɩ-yɔɔ nɛ monkuluu ma-laŋɩyɛ nɛ meheyiɣ-ŋ man-taa tɔm,

mbʋ pʋyɔɔ yɔ ɖooo lɛ, ma nɛ samaɣ ɖɩɖɔŋaɣna;

mɔnɖɔŋaɣ hɛɛɛ kɛ-ɛsɩndaa nɛ ɖiwoki Ɛsɔ ɖɩɣa taa

nɛ taa leleŋ kubusi nɛ ɛsɩmɩyɛ wɩlʋʋ kubusi.

Mankaɣ ɖaŋʋʋ Ɛsɔ,+

mbʋ pʋyɔɔ yɔ mankaɣ-ɩ tasʋʋ sam, ɛnʋ lɛ ma-Ñʋʋ Yaɖʋ Sɔsɔ.+

Pʋyɔɔ mɔntɔzʋʋ ñɔ-yɔɔ,+

kpaɣnɩ Yɔɔrdaŋ ɛjaɖɛ taa nɛ Hɛrɩmɔɔnɩ pʋŋ ñʋŋ taa,

kpaɣnɩ Mizar pʋʋ yɔɔ.*

 7 Lɩm cukaŋ ñɩmbʋ yaɣ lɩm cukaŋ ñɩmbʋ

alɩwaatʋ ndʋ panɩɣ ña-lɩm falʋʋ taŋ yɔ.

 8 Wɩsɩ taa lɛ, Yehowa kaɣ-m wɩlʋʋ ɛ-sɔɔlɩm siɣsiɣ ñɩmbʋ,

nɛ ɖoo taa lɛ, e-hendu kaɣ wɛʋ mɔ-nɔɔ taa—adɩma wena malakɩ me-wezuu Ɛsɔ yɔ.+

10 Mon-koyindinaa paɖɩɣ-m sɩm yɔɔ sɩm yɔɔ nɛ pohoŋuu-m;*

evemiye kpeekpe, pohoŋuu-m nɛ pɔtɔŋ se: «Le ñɛ-Ɛsɔ wɛɛ?»+

Mankaɣ ɖaŋʋʋ Ɛsɔ,+

mbʋ pʋyɔɔ yɔ mankaɣ-ɩ tasʋʋ sam, ɛnʋ lɛ ma-Ñʋʋ Yaɖʋ Sɔsɔ nɛ mɛ-Ɛsɔ.+

43 Hayɩ Ɛsɔ, hʋʋ mɔn-tɔm,+

lʋ mɔ-yɔɔ tɔm ndʋ mɛwɛna se pahʋ-m tʋ yɔ tɩ-taa+ nɛ samaɣ ŋga kɛfɛyɩ siɣsiɣ yɔ kataawabɩ-m.

Tɛtɛ nɛ pɩtɩŋa mbʋ yɔ piɖiyi-m;+

tɛtɛ nɛ piɖiyi-m nɛ piwoni-m ña-pʋʋ kiɖeɖeu yɔɔ nɛ ña-kɩɖanɖʋʋ sɔsɔʋ tɛɛ.+

 4 Ðɩnɛ ɛlɛ mankaɣ kɔm Ɛsɔ altaaru cɔlɔ,+

Ɛsɔ cɔlɔ, man-taa leleŋ weyi ɛkpaɖaa yɔ ɛ-cɔlɔ.

Mankaɣ ɖaŋʋʋ Ɛsɔ,+

mbʋ pʋyɔɔ yɔ mankaɣ-ɩ tasʋʋ sam, ɛnʋ lɛ ma-Ñʋʋ Yaɖʋ Sɔsɔ nɛ mɛ-Ɛsɔ.+

44 Oo Ɛsɔ, ɖɩnɩnɩ ɖa-maɣmaɣ ɖa-nɩŋgbaaŋ,

ɖɔ-cɔzɔnaa kɛdɩ-ɖʋ+

Tʋma wena ŋlabɩ pa-alɩwaatʋ taa yɔ,

wena ŋlabɩ ɖooo lɔndaa yɔ.

 2 Ŋɖɔɔnɩ ajɛɛ nɛ ñe-nesi+

nɛ ŋcaɣzɩ ɖɔ-cɔzɔnaa a-lona taa.+

 3 Pɩtɩkɛ pa-maɣmaɣ pa-laɣɖɛ yebina nɛ pamʋ ɛjaɖɛ,+

nɛ pɩtɩkɛ pa-maɣmaɣ pe-nesi yebina nɛ pawa.+

Ɛlɛ ñe-nesi kɩbanzɩ nɛ ña-nɩŋgbɛɛŋa+ nɛ ñɛ-ɛsɩndaa ñalɩmɩyɛ yebina nɛ pawa,

mbʋ pʋyɔɔ yɔ pɔ-tɔm kaakɛdɩnɩ-ŋ.+

 4 Oo Ɛsɔ, ñɛkɛnɩ me-Wiyaʋ;+

ɖʋ paɣtʋ nɛ Yakɔɔb wa caɣ caɣ.*

 5 Ño-ɖoŋ taa lɛ, ɖɩkaɣ labʋ nɛ ɖo-koyindinaa pɩsɩnɩ pa-wayɩ;+

ña-hɩɖɛ taa lɛ, ɖɩkaɣ fɛyʋʋ mba pakʋyʋʋ ɖɔ-yɔɔ yɔ.+

 6 Mbʋ pʋyɔɔ yɔ maataɣ mɔn-tɔʋ liu,

nɛ ma-laɣɖɛ ɛɛpɩzɩɣ nɛ ɖɩya ma-ñʋʋ.+

 7 Ñayabɩnɩ ɖa-ñʋʋ ɖo-koyindinaa nesi tɛɛ,+

ñaɖʋnɩ fɛyɛ mba papaɖɩɣ-ɖʋ yɔ.

 8 Ɛsɔ ɖɩkaɣ sam evemiye kpeekpe,

Nɛ ɖɩkaɣ ñɔkʋʋ ña-hɩɖɛ tam. (Sɛɛla)

 9 Ɛlɛ lɛɛlɛɛyɔ, ŋlɔ-ɖʋ nɛ ŋɖʋ-ɖʋ fɛyɛ,

nɛ ŋŋtɩŋɩɣ ɖɔ-sɔɔjanaa you taa.

10 Ŋwɛɛ nɛ ŋlakɩ nɛ ɖɩpɩsɩɣnɩ wayɩ ɖo-koyindu ɛsɩndaa;+

mba papaɖɩɣ-ɖʋ yɔ, pakpakɩɣ mbʋ payɩ pɔsɔɔlaa yɔ.

11 Ŋɖʋzɩ-ɖʋ ɖo-koyindinaa nesi tɛɛ se pɔtɔɔ-ɖʋ ɛzɩ heŋ yɔ;

ŋmɩzɩ-ɖʋ ajɛɛ taa.+

12 Ŋpɛdɩ ña-samaɣ liidiye nɖɩ ɖɩtɩlɩɩ pʋyʋ paa ññɩɩ yɔ;+

ŋtihiɣ kɛzɛɣa nakɛyɛ pɩ-taa.*

13 Ŋlaba nɛ ɖɩpɩsɩ fɛyɛ pʋyʋ ɖɔ-cɔlɔ mba ɛsɩndaa,

ŋlaba nɛ ɖɩpɩsɩ hoŋa pʋyʋ nɛ mbʋ peniŋ yɔ mba payɩ pɔcɔ-ɖʋ nɛ pata yɔ pɛ-ɛsɩndaa.

14 Ŋlaba nɛ ɖɩpɩsɩ mbʋ peniŋ yɔ* ajɛɛ taa,+

mbʋ piyeki nɛ ɛyaa kpiɣyiɣ pa-ñʋŋ yɔ.

15 Fɛyɛ kpaɣ-m evemiye kpeekpe,

nɛ mɛn-fɛyɛ hu mɔ-yɔɔ,

16 mbʋ pʋyɔɔ yɔ manɩɣ po-hoŋa taŋ nɛ pa-tʋtʋ,

mbʋ pʋyɔɔ yɔ ɖo-koyindu wɛɛ nɛ ɛkpaɣ-ɖʋ kɩmɩyɛ.

17 Pɩtɩŋa mbʋ yɔ pɩtalɩ-ɖʋ, ɛlɛ ɖɩtɩsɔɔ ñɔ-yɔɔ,

nɛ ɖɩtɩmaanɩ ñɛ-ɛgbɛyɛ ɖʋʋ paɣtʋ yɔɔ.+

18 Ða-laŋɩyɛ tɩlɛɣzɩ nʋmɔʋ;

ɖa-nɩŋgbanzɩ tɩlɩɩ ña-nʋmɔʋ taa.

19 Ɛlɛ ŋtɔyɩtɩ-ɖʋ tɛyɛ hasɩ ɖɩjaɣyɛ taa;

ŋhuuzi ɖɔ-yɔɔ cɩkpɛndʋʋ sɔsɔʋ.

yaa ye ɖiposi ɖe-nesi nɛ ɖɩtɩmnɩ agbaaɣdaa ɛsɔ nɔɔyʋ yɔ,

21 Ɛsɔ ɛɛkaɣ ɖiɣzinuu na?

22 Ñɔ-yɔɔ pakʋʋ-ɖʋ evemiye kpeekpe;

pakpaɣ-ɖʋ ɛzɩ heŋ weyi powokini-i kʋʋ yɔ.+

25 Mbʋ pʋyɔɔ yɔ pɔlɔ-ɖʋ* puuyuu taa;

pañɩɣ ɖo-tomnasɩ nɛ tɛtʋ.+

 3 Oo ɖoŋ tʋ,+ ta ña-laɣɖɛ+ ña-tɩnaɣ taa,

ña-hɩɖɛ ɖʋʋ nɛ ñe-keɖeɣa taa.+

 4 Nɛ ñe-keɖeɣa taa lɛ, wolo nɛ ŋwa;+

caɣ ña-kpaŋnʋ yɔɔ nɛ ŋlʋ toovenim, tɩ luzuu nɛ siɣsiɣ wɛtʋ yɔɔ,+

nɛ ñe-nesi kɩbanzɩ kaɣ labʋ* tʋma wena acaɣ sɔɔndʋ yɔ.

 5 Ñɔ-tɔʋ ñɩma wɛ lɔŋ, alakɩ nɛ ajɛɛ tɔlʋʋ ñɛ-ɛsɩndaa;+

atʋlʋʋ wiyaʋ koyindinaa laŋa.+

 6 Ɛsɔ kɛnɩ ñe-kewiyaɣ kpelaɣ tam;+

ñe-kewiyaɣ ɖaʋ kɛ siɣsiɣ wɛtʋ kewiyitu ɖaʋ.+

 8 Miiri sɔzɩŋ nɛ alowɛɛsɩ ɖasɩ sɔzɩŋ nɛ kasiya tɩʋ sɔzɩŋ wɛ ño-tokonaa kpeekpe yɔɔ;

wiyaʋ ɖɩɣa sɔsɔɔ ŋga pacanɩnɩ tukeɖe yɔ,

ka-taa cɩmʋʋ wondu ndʋ tɩ-yɔɔ wɛ nimasɩ yɔ tiyeki nɛ ŋnɩɣ leleŋ.

10 Welisi, Oo pɛlɛ, kʋ nɩŋgbaŋʋʋ nɛ ŋkemsi;

sɔɔ ña-samaɣ nɛ ña-caa ɖɩɣa yɔɔ.

11 Nɛ wiyaʋ kaɣ sɔɔlʋʋ ñe-keɖeɣa pɩŋŋ,

mbʋ pʋyɔɔ yɔ ɛnʋ lɛ ña-kɩbaɣlʋ,

pʋyɔɔ lɛ, luŋ ɛ-tɛɛ.

12 Tiirɩ pɛlɛ kaɣ kɔnʋʋ kʋjɔʋ;

ñɩm tɩnaa sɔsaa kaɣ sɔɔlʋʋ se ŋna pa-pʋtɔdɩyɛ.

13 Wiyaʋ pɛlɛ ñɩlɩsɩɣ yem wiyaʋ ɖɩɣa taa;

pacanɩ e-tokonaa nɛ sika.

15 Pakaɣ-wɛ kɔnʋʋ nɛ amɛya nɛ taa leleŋ;

pakaɣ sʋʋ wiyaʋ ɖɩɣa taa.

46 Ɛsɔ kɛnɩ ɖa-ɖɩjɔzɩyɛ nɛ ɖo-ɖoŋ,+

ɛkɛ sɩnɩyʋ weyi papɩzɩɣ nɛ pana-ɩ kɛlɛʋ yem kʋñɔŋ alɩwaatʋ taa yɔ.+

 2 Pʋyɔɔ sɔɔndʋ ɛɛkaɣ-ɖʋ kpaʋ, paa tɛtʋ ɛlɛɣzɩɣ yɔ,

paa pʋŋ ɩtɔlʋʋ teŋgu cukaŋ taa yɔ,+

 3 paa teŋgu lɩm ɛfalɩɣ nɛ pɩñɛyɩɣ huluu yɔ,+

paa kɩwasɩɣ nɛ pɩñamsɩɣ pʋŋ yɔ. (Sɛɛla)

 4 Pɔɔ nakɛyɛ wɛɛ nɛ ke-lemisi lakɩ nɛ Ɛsɔ tɛtʋ nɩɣ leleŋ,+

sɩlakɩ nɛ Kɩlɩm kɩɖanɖʋʋ sɔsɔʋ kiɖeɖeu nɩɣ leleŋ.

 6 Piisidi ajɛɛ taa, paatuzi kewiyisi nɛ pɛpɛɖɩ;

ɛ-nɔɔ tilaa, nɛ tɛtʋ yoli.+

 7 Yoyaa tɛ Yehowa wɛ ɖɔ-cɔlɔ;+

Yakɔɔb tɛ Ɛsɔ kɛnɩ ɖa-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-ɖʋ yɔ. (Sɛɛla)

 8 Ɩkɔɔ nɛ ɩna Yehowa tʋma,

ɛzɩma ɛlabɩ piti lakasɩ tɛtʋ yɔɔ yɔ.

Ɛpɛlɩɣ tɔʋ nɛ ɛpʋʋtʋʋ kɩgbɛzɛŋ;

ɛñaɣzɩɣ you kɛɛkɛɛnaa* miŋ.

Pakaɣ-m sam ajɛɛ taa;+

pakaɣ-m sam tɛtʋ yɔɔ.»+

11 Yoyaa tɛ Yehowa wɛ ɖɔ-cɔlɔ;+

Yakɔɔb tɛ Ɛsɔ kɛ-ɖʋ ɖɩjɔzɩyɛ nɖɩ ɖɩ-taa kaɖɛ naɖɩyɛ ɛɛtalɩɣ-ɖʋ yɔ.+ (Sɛɛla)

 2 Mbʋ pʋyɔɔ yɔ Kɩlɩm Yehowa caɣ sɔɔndʋ siŋŋ;+

ɛnʋ kɛnɩ Wiyaʋ sɔsɔ tɛtʋ kpeekpe yɔɔ.+

 3 Eluzi ajɛɛ ɖɛ-tɛɛ;

ɛsɩ ajɛɛ ɖa-nɩŋgbanzɩ tɛɛ.+

 4 Ɛlɩzɩ ñɩm mbʋ ɛcɛlɩɣ-ɖʋ yɔ nɛ ɛsɩɩ-ɖʋ,+

mbʋ ɛ-kʋsɔɔlʋ Yakɔɔb kʋndʋʋna. (Sɛɛla)+

 5 Pokowaɣni taa leleŋ lɛ, Ɛsɔ ɖɛwa nɛ ɛkpa;

pahʋlaɣ nɔndɔʋ* lɛ, Yehowa ɖɛwa nɛ ɛkpa.

 7 Mbʋ pʋyɔɔ yɔ Ɛsɔ kɛ tɛtʋ kpeekpe Wiyaʋ;+

Itee samtʋ hendu, ɩwɛɛ lɛɣtʋ.

 9 Ajɛɛ ɖiyiyaa kpeɣlaa,

pa nɛ Abraham tɛ Ɛsɔ samaɣ.

48 Yehowa paɣlaa nɛ ɛnʋ mʋnɩnɩ samtʋ

ɖɛ-Ɛsɔ tɛtʋ taa, ɛ-pʋʋ kiɖeɖeu taa nɛ pɩkɩlɩ.

 2 Siyɔŋ Pʋʋ wɛ ɖooo hayo kiŋ,

kɩ-kʋkʋyɩŋ wɛ kajʋka, kɩkɛ taa leleŋ tɛtʋ kpeekpe,+

nɛ kɩkɛ Wiyaʋ Sɔsɔ tɛtʋ.+

 3 Ti-tilima ɖoŋ ñɩna taa,

Ɛsɔ yeba nɛ patɩlɩ se ɛnʋ kɛnɩ ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ nɔɔyʋ yɔ.+

 4 Mbʋ pʋyɔɔ yɔ ɩna, awiya kpeɣlaa;*

akpɛndaa nɛ akɔɔ.

 6 Aseli peeɖe,

anɩ wɩzasɩ ɛzɩ halʋ weyi eɖiɣni lʋlʋʋ yɔ.

 8 Mbʋ pɩ-taŋ ɖɩɩnɩwa yɔ, lɛɛlɛɛyɔ ɖa-maɣmaɣ ɖɩna-pʋ

yoyaa tɛ Yehowa tɛtʋ taa, ɖɛ-Ɛsɔ tɛtʋ taa.

 9 Oo Ɛsɔ, ɖɩmaɣzɩɣ ñɔ-sɔɔlɩm siɣsiɣ ñɩmbʋ yɔɔ+

ñe-templo taa.

10 Oo Ɛsɔ, ña-samtʋ talɩ tɛtʋ kamasɩ yɔɔ+

11 Ñɔ-tɔm hʋʋ yɔɔ lɛ, Siyɔŋ Pʋʋ+ ɛwɛɛ laŋhʋlʋmɩyɛ taa,

Yuuda tɛtʋ ndɩ ndɩ* ɩwɛɛ taa leleŋ taa.+

12 Ɩɖɔ nɛ ɩcɔɔ Siyɔŋ; ɩcɔɔ-kʋ nɛ ɩta;

ɩkalɩ ki-tilima.+

Iwili ki-tilima ɖoŋ ñɩna camɩyɛ,

se pɩsa nɛ ɩkɛdɩ pɩ-tɔm kpaɖɩŋ weyi ɩkɔŋ pʋwayɩ yɔ.

Ikemsi, mɩ ɛjaɖɛ yɔɔ mba kpeekpe,

 2 cikpema nɛ sɔsaa,*

ñɩm tɩnaa nɛ pɩkpɛndɩnɩ kʋñɔndɩnaa.

 3 Mɔ-nɔɔ kaɣ yɔɔdʋʋ lɔŋsɩnɖɛ tɔm,

nɛ lɛɣtʋ kaɣ wɛʋ ndʋ ma-laŋɩyɛ maɣzɩɣ yɔ+ tɩ-taa.

 4 Mankaɣ kemsinuu eduuye naɖɩyɛ;

cɩmʋʋ yɔɔ mankaɣ tɩŋnʋʋ nɛ malɩzɩ men-ɖimɖimɖa tɔbʋʋ.

 5 Ɛbɛ yɔɔ sɔɔndʋ kpaɣ-m kʋñɔŋ alɩwaatʋ taa,+

alɩwaatʋ ndʋ mba pañɩnɩɣ se potuzi-m nɛ pɛpɛɖɩ yɔ pa-kɩdɛkɛdɩm lakasɩ* cɔ-m nɛ sɩta yɔ?

 6 Mba pataɣ pa-ñɩm liu+

nɛ pakʋndʋʋnɩ pa-ñɩm sɔsɔm yɔ,+

 7 pa-taa nɔɔyʋ ɛɛpɩzɩɣ nɛ ɛya e-koobu nɔɔyʋ ñʋʋ kpa

yaa ɛhɛyɩ Ɛsɔ kɩhɛyʋʋ ɛ-ñʋʋ taa,+

 8 (pe-wezuu* yɔɔ kɩhɛyʋʋ* mʋ ñɩm siŋŋ

nɛ paapɩzɩɣ nɛ pɛhɛyɩ-kʋ kpa);

 9 se ɛpɩzɩ nɛ ɛcaɣ wezuu tam nɛ ɛtaana pɔʋ.*+

10 Ɛnaɣ se halɩ lɔŋsɩnɖaa sɩkɩ;

kɩmɛlɛŋ nɛ weyi ɛ-ñʋʋ taa fɛyɩ yɔ pa-tɩŋa pɛtɛŋɩlɩɣ+

nɛ peyekini lalaa pa-ñɩm.+

11 Mbʋ pañɩnɩɣ siŋŋ yɔ lɛ se pa-ɖɩsɩ ɩwɛɛ tam,

se pe-kizinzikiŋ ɩwɛɛ kpaɣ kpaɖʋʋ nɛ piwolo kpaɖʋʋ.

12 Ɛlɛ paa paɖʋʋ ɛyʋ hɩɖɛ yɔ, ɛɛkaɣ wɛʋ tam;+

ɛfɛyɩ weewee nɛ pɩkɩlɩ kpɩna wena asɩkɩ yɔ.+

13 Kɩmɛlɛmɩŋ nʋmɔʋ kɛlɛ,+

nɛ mba patɩŋɩɣ-wɛ yɔ, mba pa-taa lakɩ leleŋ nɛ pɔ-tɔm ndʋ tɩɩwazɩɣ pʋyʋ yɔ, mba ɖɔɖɔ pa-nʋmɔʋ kɛlɛ. (Sɛɛla)

Sɩm kaɣnɩ-wɛ ɖiyuu;

siɣsiɣ tɩnaa kaɣ tɔɔʋ kewiyitu pɔ-yɔɔ+ tanaŋ tɛɛ.

Paakaɣ tasʋʋ wɛʋ;+

pɩtɩkɛ ɖɩɣa sɔsɔɔ nakɛyɛ kaɣnɩ kɛʋ pa-ɖɩɣa+ ɛlɛ Pɩlaʋ.*+

15 Ɛlɛ Ɛsɔ kaɣ yabʋ ma-ñʋʋ* Pɩlaʋ* nesi* tɛɛ,+

mbʋ pʋyɔɔ yɔ ɛkaɣ-m ɖɔkʋʋ. (Sɛɛla)

16 Sɔɔndʋ ɛtaakpa-ŋ se ɛyʋ nɔɔyʋ wɛɛ nɛ ɛpɩsɩɣ ñɩm tʋ,

se ɛ-ɖɩɣa wɛɛ nɛ keɖeɣ nɛ pɩkɩlɩɣ,

17 mbʋ pʋyɔɔ yɔ alɩwaatʋ ndʋ ɛsɩkɩ yɔ, ɛɛpɩzɩɣ nɛ ɛkpɛndɩnɩ nabʋyʋ;+

eetiki lɛ, e-keɖeɣa ɛɛtɩŋɩɣ-ɩ.+

20 Ɛyʋ weyi ɛɛnɩɣ tɔm ndʋ tɩ-taa yɔ, paa paɖʋʋ-ɩ hɩɖɛ yɔ,+

ɛfɛyɩ weewee nɛ pɩkɩlɩ kpɩna wena asɩkɩ yɔ.

50 Ɛsɔnaa taa Ɛsɔ Yehowa*+ yɔɔdaa;

ɛyaɣ tɛtʋ kpeekpe yɔɔ ɛyaa*

kpaɣnɩ wɩsɩ ɖɩlɩyɛ nɛ piwolo wɩsɩ ɖɩɖʋyɛ.*

Miŋ weyi ɛɖɩzɩɣ wondu caɣ caɣ yɔ ɛwɛ ɛ-ɛsɩndaa,+

nɛ tɛʋ sɔsɔʋ ŋgʋ kɩnɩɣnɩ helim sɔsɔm yɔ kɩcɔ-ɩ nɛ kɩta.+

 4 Ɛyaɣ ɛsɔdaa nɛ tɛtʋ,+

se ɛhʋʋnɩ ɛ-samaɣ tɔm:+

 5 «Ikpeɣli mɛ-ɛyaa siɣsiɣ tɩnaa mɔn-cɔlɔ,

mba patɩŋɩɣnɩ kɩlaʋ yɔɔ nɛ paɖʋʋ-m nɛ ɛgbɛyɛ yɔ.»+

 6 Ɛsɔdaa susuu e-siɣsiɣ wɛtʋ,

mbʋ pʋyɔɔ yɔ Ɛsɔ maɣmaɣ kɛnɩ Tɔm Hʋyʋ.+ (Sɛɛla)

 7 «Hayɩ man-samaɣ, welisi nɛ mɔyɔɔdɩ;

Izrayɛɛlɩ, mankaɣ lɩzʋʋ aseɣɖe nɛ mankʋ ñɔ-tɔm.+

 8 Pɩtɩkɛ ña-kɩlaŋ yɔɔ mankalɩɣ-ŋ,

nɛ pɩtɩkɛ ɖɔɖɔ ña-kɩlaŋ kɩñaɣzɩŋ weyi ɩwɛ mɛ-ɛsɩndaa paa ɛzɩmtaa yɔ ɩ-yɔɔ mankalɩɣ-ŋ.+

 9 Pɩtɩcɛyɩ se mankpa nɔ abalɩñɩnʋ nɔɔyʋ ña-ɖɩɣa taa,

yaa pʋŋ* ña-kalakɩŋ taa.+

10 Mbʋ pʋyɔɔ yɔ matɩnɩ laʋ tɛɛ tɛtɛgbɩna tɩŋa,+

halɩ pɩkpɛndɩnɩ kpɩna wena awɛ pʋŋ 1000 yɔɔ yɔ.

11 Mansɩm pʋŋ taa sumasɩ tɩŋa;+

matɩnɩ ñɩtʋ taa kpɩna wena afɛyɩ kalʋʋ yɔ.

12 Ye ñɔɔsɩ ɛwɩɣ-m yɔ, maakaɣ-ŋ heyuu,

mbʋ pʋyɔɔ yɔ matɩnɩ tɛtʋ nɛ mbʋ payɩ pɩwɛ tɩ-yɔɔ yɔ.+

13 Ɛzɩ mankaɣ tɔɔʋ naŋ abalɩñɩŋ nandʋ

nɛ mɔñɔɔ pʋŋ calɩm na?+

14 Wɩlɩ Ɛsɔ ñɛ-ɛsɩmɩyɛ se pɩkɛnɩ ña-kɩlaʋ,+

nɛ ŋɖɔ ɖɔɖɔ ɖuutu ndʋ ŋɖuuni Kɩlɩm yɔ tɩ-yɔɔ;+

15 ya-m kʋñɔŋ alɩwaatʋ taa.+

«Aha-ŋ nʋmɔʋ se ŋkɛdɩ man-paɣtʋ tɔm+

yaa ŋyɔɔdɩ mɛ-ɛgbɛyɛ ɖʋʋ tɔm?+

17 Mbʋ pʋyɔɔ yɔ, ŋpaɖɩɣ lɔŋ sɩɣzʋʋ,*

nɛ ŋŋyeki haʋ siɣye mɔn-tɔm.*+

18 Ŋnaɣ mɩlʋ lɛ, ɛ-tɔm kɛdɩɣnɩ-ŋ,*+

nɛ ŋɖʋʋ taabalɩyɛ nɛ acɛyɛ laɖaa.

19 Ŋyɛlɩɣnɩ tɔm kɩdɛkɛdɩtʋ nɛ ñɔ-nɔɔ,

nɛ cɛtɩm ñɔnɩ ña-nzʋlʋmɩyɛ.+

20 Ŋcakɩ nɛ ŋyɔɔdʋʋ ño-koobu maɣmaɣ yɔɔ tɔm kɩdɛkɛdɩtʋ;+

ŋkuluu ño-ɖoo pɩyalʋ maɣmaɣ ɛjandʋ yɔɔ.*

21 Ŋlakaɣ lakasɩ nzɩ lɛ, maasum tamɩyɛ,

pʋyɔɔ ŋmaɣzaa se mɛwɛ ɛzɩ ña yɔ.

Ɛlɛ lɛɛlɛɛyɔ lɛ, mankaɣ ña-nɩŋgbaŋʋʋ hɔm,

nɛ mankaɣ-ŋ heyuu ndʋ man-taa wɛnɩ-ŋ yɔ.+

22 Mentendi-mɩ, ɩmaɣzɩ tɔm ndʋ tɩ-yɔɔ, mɩ mba ɩsɔ Ɛsɔ yɔɔ yɔ,+

pɩtɩkɛ mbʋ yɔ, mancɩyɩɣ-mɩ nanʋʋ nanʋʋ nɛ nɔɔyʋ eeholuu-mɩ.

23 Weyi ɛwɩlɩɣ-m ɛsɩmɩyɛ se pɩkɛnɩ ɛ-kɩlaʋ yɔ, ɛsaŋɩ-m,+

nɛ weyi ɛɖɔŋ nʋmɔʋ kɩbaŋʋ taa yɔ,

mankaɣ labʋ nɛ ɛna Ɛsɔ ñʋʋ yabʋ.»+

 2 Ñalɩ man-kɩwɛɛkɩm caɣ caɣ,+

nɛ ŋkelesi man-kɩdɛkɛdɩm.+

 3 Mbʋ pʋyɔɔ yɔ mansɩm man-kɩwɛɛkɩm camɩyɛ,

nɛ man-kɩdɛkɛdɩm wɛ mɛ-ɛsɩndaa* paa ɛzɩmtaa.+

 4 Ña mayʋsɩnaa, ña kpem* mayʋsɩnaa;+

malabɩ mbʋ pɩfɛyɩ ɖeu ñɛ-ɛsɩndaa yɔ.+

Pʋyɔɔ lɛ, ŋwɛ siɣsiɣ alɩwaatʋ ndʋ ŋyɔɔdʋʋ yɔ,

ŋwɛ siɣsiɣ ñɔ-tɔm hʋʋ taa.+

 5 Na! Palʋlɩ-m lɛ mɛnkɛ kɩwɛɛkɩm laɖʋ,

kɩdɛkɛdɩm taa mon-ɖoo haɣ mo-hoɣa.*+

 6 Na! Toovenim mbʋ pɩwɛ ɛyʋ laŋɩyɛ taa yɔ, pɩkɛdɩɣnɩ-ŋ;+

wɩlɩ ma-laŋɩyɛ* lɔŋsɩnɖɛ toovenim ñɩnɖɛ.

 7 Kelesi man-kɩdɛkɛdɩm nɛ ñɩtʋ ndʋ payaɣ se izɔɔpʋ yɔ, nɛ pɩsa nɛ mɛwɛɛ kele kele;+

ñalɩ-m nɛ mahʋlʋmɩ nɛ pɩkɩlɩ ɖɔmbɩyɛ.+

 8 Yele nɛ manɩɩ taa leleŋ nɛ laŋhʋlʋmɩyɛ taŋ,

nɛ pɩsa nɛ mɔɔ wena ŋtɔyɩtaa yɔ amɛyɩ.+

 9 Kɛzɩ ñɛ-ɛsa* nɛ ŋyele cɔnʋʋ man-kɩdɛkɛdɩm,+

hɩzɩ man-kɩwɛɛkɩm tɩŋa.+

10 Hayɩ Ɛsɔ, lu man-taa laŋɩyɛ kele kele ñɩnɖɛ,+

ɖʋ man-taa fezuu kɩfalʋʋ,+ ŋgʋ kɩkam camɩyɛ yɔ.

11 Taaɖɔɔnɩ-m ñɛ-ɛsɩndaa;

nɛ taalɩzɩ ñe-fezuu kiɖeɖeu mɔ-yɔɔ.

12 Ðaɣnɩ-m haʋ taa leleŋ weyi ɛwɛ ña-ñʋʋ yabʋ taa yɔ;+

seɣti man-taa sɔɔlɩm mbʋ piyeki se mañamɩ-ŋ yɔ.*

13 Mankaɣ wɩlʋʋ kɩwɛɛkɩm laɖaa ña-nʋmɔŋ,+

nɛ pɩsa nɛ kɩdɛkɛdɩm laɖaa pɩsɩ ñɔ-cɔlɔ.

14 Hayɩ Ɛsɔ, Ɛsɔ ma-ñʋʋ yaɖʋ,+ holi-m calɩm wɛɛ wena mɔnɖɔwa yɔ a-taa,*+

nɛ pɩsa nɛ ma-nzʋlʋmɩyɛ susi ñe-siɣsiɣ wɛtʋ nɛ taa leleŋ.+

15 Hayɩ Yehowa, kuli mo-ndomee,

nɛ pɩsa nɛ mɔ-nɔɔ susi ña-samtʋ.+

16 Mbʋ pʋyɔɔ yɔ ŋtɩsɔɔlɩ kɩlaʋ, pɩtaakɛ mbʋ yɔ maala nakʋyʋ;+

Kɩlaʋ kɩñaɣzʋʋ ɛɛkɛdɩɣnɩ-ŋ.+

17 Kɩlaŋ weyi ɩkɛdɩɣnɩ Ɛsɔ yɔ lɛ fezuu ŋgʋ kɩ-taa nɛ wɩzasɩ yɔ;

hayɩ Ɛsɔ, ŋŋkaɣ lɔʋ* laŋɩyɛ nɖɩ ɖɩpɛlaa nɛ nɖɩ ɖɩpʋʋtaa yɔ.+

18 Ña-camɩyɛ lakasɩ taa, la Siyɔŋ mbʋ pɩwɛ ɖeu yɔ;

ma Yeruzalɛm kolonzi.

19 Ðɩnɛ ɛlɛ, ña-taa kaɣ labʋ leleŋ nɛ siɣsiɣ wɛtʋ kɩlaŋ,

kɩlaŋ kɩñaɣzɩŋ nɛ kɩlaŋ weyi palaɣ i-kpeekpe yɔ;

ɖɩnɛ ɛlɛ, pakaɣ laʋ naŋ abalɩñɩŋ ña-altaaru yɔɔ.+

 2 Ña-nzʋlʋmɩyɛ wɛ lɔŋ ɛzɩ hʋnʋʋ yɔ,+

ɖɩtaŋ tamasɩ kɩdɛkɛdɩsɩ nɛ ɖɩcɛtɩɣ.+

 3 Ŋsɔɔlɩ kɩdɛkɛdɩm nɛ pɩkɩlɩ mbʋ pɩwɛ ɖeu yɔ,

ŋsɔɔlɩ cɛtɩm nɛ pɩkɩlɩ toovenim tɔm yɔɔdʋʋ. (Sɛɛla)

 4 Ña, nzʋlʋmɩyɛ nɖɩ ɖipeɣziɣ yɔ,

ŋsɔɔlɩ tɔm ndʋ payɩ tɩkɔŋnɩ ɛyʋ kaɖɛ yɔ!

 5 Pʋyɔɔ Ɛsɔ kaɣ-ŋ tuzuu nɛ ɛpɛɖɩ kpaagbaa pɛɖʋʋ;+

ɛkaɣ-ŋ hɔm nɛ ɛlɩzɩ-ŋ ñe-kizinziku tɛɛ;+

ɛkaɣ-ŋ kpɛzʋʋ ɛsadɩnaa ɛjaɖɛ taa.+ (Sɛɛla)

 6 Ɛyaa siɣsiɣ tɩnaa kaɣ naʋ nɛ pɩɖɩɣzɩ-wɛ siŋŋ,+

nɛ pakaɣ-ŋ woŋuu:+

 7 «Ɩna ɛyʋ weyi ɛtɩɖʋ Ɛsɔ kʋyʋʋ,*+

ɛlɛ ɛta liu ɛ-ñɩm sɔsɔm+

nɛ ɛɖʋ e-lidaʋ ɛ-maɣmaɣ ɛ-tamasɩ kɩdɛkɛdɩsɩ yɔɔ yɔ.»*

 8 Ɛlɛ ma lɛ, mankaɣ wɛʋ ɛzɩ oliivi tɩʋ ŋgʋ kɩwɛ hatʋ camɩyɛ yɔ Ɛsɔ ɖɩɣa taa;

Ɛsɔ sɔɔlɩm siɣsiɣ ñɩmbʋ mantaɣ liu+ tam.

 9 Mankaɣ-ŋ sam tʋma wena ŋlaba yɔ a-yɔɔ tam;+

ñe-siɣsiɣ tɩnaa ɛsɩndaa,

mankaɣ taʋ ña-hɩɖɛ liu,+ mbʋ pʋyɔɔ yɔ ɖɩwɛ ɖeu.

Pa-lakasɩ fɛyɩ siɣsiɣ, sɩkɛ kɩdɛkɛdɩsɩ nɛ sɩwɛ kʋzɔɔtʋ;

nɔɔyʋ ɛɛlakɩ mbʋ pɩwɛ ɖeu yɔ.+

 2 Ɛlɛ Ɛsɔ wɛ ɛsɔdaa nɛ ɛcɔŋnɩ ɛyaa pɩyalaa+

se ɛna se pa-taa nɔɔyʋ wɛnɩ lɛɣtʋ yaa we, se ɛna se pa-taa nɔɔyʋ ñɩnɩɣ Yehowa yaa we.+

 3 Pa-tɩŋa peyebi nʋmɔʋ kɩbaŋʋ;

pe-kpeekpe pɛkɛ ɛyaa kɩdɛkɛdaa.

Nɔɔyʋ ɛɛlakɩ mbʋ pɩwɛ ɖeu yɔ,

paa ɛyʋ kʋɖʋm maɣmaɣ.+

 5 Ɛlɛ sɔɔndʋ sɔsɔtʋ natʋyʋ kaɣ-wɛ kpaʋ,

sɔɔndʋ ndʋ tɩtɩkpa-wɛ wiɖiyi nɛ pana yɔ,*

mbʋ pʋyɔɔ yɔ Ɛsɔ kaɣ mɩzʋʋ mba poyouni-ŋ yɔ pɔ-mɔɔ.

Alɩwaatʋ ndʋ Yehowa pɩsɩɣnɩ ɛ-samaɣ nɛ yomiye taa yɔ,

Yakɔɔb ɛwɛɛ laŋhʋlʋmɩyɛ taa, Izrayɛɛlɩ taa ɛla leleŋ.

54 Hayɩ Ɛsɔ, tɩŋnɩ ña-hɩɖɛ yɔɔ nɛ ŋya ma-ñʋʋ,+

tɩŋnɩ ño-ɖoŋ yɔɔ nɛ ŋlʋ mɔ-yɔɔ.+

 2 Hayɩ Ɛsɔ, welisi ma-adɩma;+

kemsi mɔ-nɔɔ taa tɔm.

 3 Mbʋ pʋyɔɔ yɔ agɔma kʋyɩ mɔ-yɔɔ,

nɛ kañatʋ tɩnaa ñɩnɩɣ me-wezuu.*+

 4 Ɩna! Ɛsɔ kɛnɩ man-sɩnɩyʋ;+

Yehowa wɛ mba pasɩɣnɩ-m* yɔ pɔ-cɔlɔ.

 5 Ɛkaɣ hɛyʋʋ mon-koyindinaa+ nɛ pa-maɣmaɣ pa-kañatʋ lakasɩ;

ɖɩzɩ-wɛ,* mbʋ pʋyɔɔ yɔ ŋwɛ siɣsiɣ.+

 7 Mbʋ pʋyɔɔ yɔ ɛyakɩ ma-ñʋʋ kʋñɔmɩŋ tɩŋa taa,+

nɛ mankaɣ cɔnʋʋ mon-koyindinaa nɛ taa leleŋ alɩwaatʋ ndʋ pɔtɔlʋʋ yɔ.+

55 Hayɩ Ɛsɔ, welisi ma-adɩma,+

nɛ mantɩmɩɣ se ŋna man-pʋtɔdɩyɛ lɛ, taasu tamɩyɛ.*+

Ma-nɩɣzɛ yeba nɛ menpeendiɣ yem,+

nɛ ma-lɩmaɣza taa sidaa

 3 tɔm ndʋ koyindu yɔɔdʋʋ yɔ tɩ-yɔɔ,

nɛ nazɩm mbʋ kañatʋ tʋ kɔŋnɩ mɔ-yɔɔ yɔ pɩ-yɔɔ.

Mbʋ pʋyɔɔ yɔ pakpazɩ kʋñɔmɩŋ huuye mɔ-yɔɔ,

nɛ pa-pana taa, paanaɣ-m nɛ ɛsɩyɛ.+

 4 Ma-laŋɩyɛ nɩɣ wɩzasɩ man-taa,+

nɛ sɩm sɔɔndʋ hu mɔ-yɔɔ.+

 5 Sɔɔndʋ kpaɣ-m, menseliɣ yem,

nɛ mɔn-tɔnʋʋ paɣ mɔ-yɔɔ.

 8 Maasewa nɛ mowolo ɖɩjɔzɩyɛ naɖɩyɛ taa,

maaposi man-tɩ nɛ helim ɖoŋ ñɩmbʋ, maaposi man-tɩ nɛ tɛʋ ŋgʋ kɩnɩɣnɩ helim sɔsɔm yɔ.»

 9 Oo Yehowa, sidi-wɛ, wɛɛkɩ pa-ɖʋtʋ,*+

mbʋ pʋyɔɔ yɔ mana puuyaɣ lakasɩ nɛ you tɛtʋ taa.

10 Pɔcɔʋ* ti-kolonzi yɔɔ wɩsɩ nɛ ɖoo;

kañatʋ lakasɩ nɛ kʋñɔŋ wɛnɩ tɩ-taa.+

11 Ðɩzʋʋ wɛ tɩ-taa;

nazɩm nɛ cɛtɩm wɛ tɩ-kadaɣ taa tam.+

12 Mbʋ pʋyɔɔ yɔ pɩtɩkɛ koyindu nɔɔyʋ tʋʋnɩ-m;+

pɩɩkɛ mbʋ yɔ maaɖɔkɩ man-tɩ.

Pɩtɩkɛ weyi ɛkaɖɩɣnɩ-m yɔ ɛnʋ kʋyɩnɩ mɔ-yɔɔ;

pɩɩkɛ mbʋ yɔ maamɛlɩ-ɩ.

13 Ɛlɛ ñalabɩnɩ mbʋ, ña weyi ŋkɛ ɛyʋ ɛzɩ ma yɔ,*+

man-taabalʋ maɣmaɣ weyi mansɩm camɩyɛ yɔ.+

14 Ðɩɩkɛ taabalaa kɩbama siŋŋ;

ɖa nɛ samaɣ ɖɩɖɔŋaɣ nɛ ɖiwoki Ɛsɔ ɖɩɣa taa.

Petii Pɩlaʋ* taa nɛ pɛ-ɛsa;

mbʋ pʋyɔɔ yɔ kɩdɛkɛdɩm wɛ pɛ-hɛkʋ taa nɛ pɩtɛ pɩwɛɛ pa-taa.

16 Ɛlɛ ma lɛ, Ɛsɔ mankaɣ yaʋ,

nɛ Yehowa kaɣ yabʋ ma-ñʋʋ.+

17 Ðanaɣ yɔɔ, tanaŋ tɛɛ nɛ wɩsɩ taa, pisidiɣ ma-lɩmaɣza taa nɛ mɔmɔlʋʋ,*+

nɛ ɛnɩɣ mɔ-nɔɔ.+

18 Ɛkaɣ-m holuu* nɛ mɛhɛzɩnɩ* mba poyouni-m yɔ,

mbʋ pʋyɔɔ yɔ ɛyaa samaɣ kɔm ma-wayɩ.+

19 Ɛsɔ kaɣ nɩʋ nɛ ecosi-wɛ,+

ɛnʋ weyi ɛcaɣ kewiyaɣ kpelaɣ yɔɔ ɖooo lɔŋ yɔ.+ (Sɛɛla)

Mba paaseɣ Ɛsɔ sɔɔndʋ yɔ,+

paakaɣ tisuu se pɛlɛɣzɩ.

20 Eyoni* mba laŋhɛzɩyɛ kaawɛ ɛ nɛ wɛ pɛ-hɛkʋ taa yɔ;+

ɛmanɩ ɛ-ɛgbɛyɛ ɖʋʋ paɣtʋ yɔɔ.+

21 Ɛ-tɔm pee wɛ lɛzɛ lɛzɛ nɛ pɩkɩlɩ naanum,+

ɛlɛ you wɛnɩ ɛ-laŋɩyɛ taa.

Ɛ-tɔm pee lozuu nɛ pɩkɩlɩɣ num,

ɛlɛ akɛ laɣla wena pɛkpɛwa yɔ.+

22 Pɛɖɩ ña-sʋʋtʋ Yehowa yɔɔ,+

nɛ ɛkaɣ-ŋ sɩnʋʋ.*+

 2 Evemiye kpeekpe, mon-koyindinaa ñɩnɩɣ kaahɛzaɣ se pakpa-m;

ɛyaa sakɩyɛ youni-m nɛ tɩ kpazʋʋ.

 4 Ɛsɔ, weyi ɛ-tɔm mansaŋ yɔ,

Ɛsɔ ɛnʋ mantaɣ liu; sɔɔndʋ ɛɛkpaɣ-m.

 5 Evemiye kpeekpe, paɖʋzʋʋ-m;

pa-lɩmaɣza kpeekpe lɛ se palabɩ-m kɩdɛkɛdɩm.+

 6 Pɛmɛlɩɣ se poyooni-m;

pɛ-ɛsa wɛ ɖenɖe payɩ mɛnfɛyɩɣ yɔ,+

nɛ pañɩnɩɣ se palɩzɩ me-wezuu.*+

Yehowa, weyi ɛ-tɔm mansaŋ yɔ,

11 Ɛsɔ ɛnʋ mantaɣ liu; sɔɔndʋ ɛɛkpaɣ-m.+

12 Oo Ɛsɔ, ɖuutu ndʋ malabɩ-ŋ yɔ tɩhɔkɩnɩ-m;+

mankaɣ-ŋ laʋ ɛsɩmɩyɛ wɩlʋʋ kɩlaŋ.+

13 Mbʋ pʋyɔɔ yɔ ŋholi-m* sɩm nesi tɛɛ+

nɛ ŋtiyele se pituuli-m,+

se pɩsa nɛ mɔnɖɔ ɛsadɩnaa ñalɩmɩyɛ taa Ɛsɔ ɛsɩndaa.+

57 Na man-pʋtɔdɩyɛ, hayɩ Ɛsɔ, na man-pʋtɔdɩyɛ,

mbʋ pʋyɔɔ yɔ ña manɖʋ* kʋyʋʋ,+

nɛ ñe-keŋ kuzotuu taa manɖʋʋ kʋyʋʋ pɩkɔɔ pɩsɩɩnɩ alɩwaatʋ ndʋ kʋñɔmɩŋ ɖɛwa yɔ.+

 2 Mayaɣ Ɛsɔ Kɩlɩm,

Ɛsɔ toovenim tʋ; ɛnʋ weyi mɔ-yɔɔ lɛ, eyeki nɛ kʋñɔmɩŋ ɛnɩ ɩsɩɩ tɩnaɣ yɔ.

 4 Mʋʋzɩŋ cɔ-m* nɛ ɩta;+

ɛyaa mba pañɩnɩɣ se pacɩyɩ-m yɔ, pɛ-hɛkʋ taa pɩwɛɛ se mahɩnɩ,

mba pe-kela kɛ kɩgbɛzɛmɩŋ nɛ tɔʋ ñɩma yɔ;

nɛ pa-nzʋlʋmɩyɛ kɛ laɣɖɛ nɖɩ ɖɩwɛ lɔŋ yɔ.+

 5 Oo Ɛsɔ, kʋyɩ nɛ pɩkɩlɩ ɛsɔdaa;

ña-samtʋ ɛwɛɛ tɛtʋ kpeekpe yɔɔ.+

 6 Pɔñɔɔzɩ piyuu se pañɩ ma-nɩŋgbanzɩ;+

kʋñɔmɩŋ luzi-m.*+

Pohuyi pɔʋ mɛ-ɛsɩndaa,

ɛlɛ pa-maɣmaɣ pɔtɔlɩnɩ kɩ-taa.+ (Sɛɛla)

 7 Ma-laŋɩyɛ kam camɩyɛ, Oo Ɛsɔ,+

ma-laŋɩyɛ kam camɩyɛ.

 9 Oo Yehowa, mankaɣ-ŋ sam samasɩ hɛkʋ taa;+

mankaɣ-ŋ teu samtʋ hendu* ajɛɛ hɛkʋ taa.+

10 Mbʋ pʋyɔɔ yɔ ñɔ-sɔɔlɩm siɣsiɣ ñɩmbʋ paɣlaa, pɩkʋyɩ liɣ liɣ ɛzɩ ɛsɔdaa yɔ,+

nɛ ñe-siɣsiɣ wɛtʋ kʋyaa nɛ pɩtalɩ ɖooo ɛsɔdaa.

11 Oo Ɛsɔ, kʋyɩ nɛ pɩkɩlɩ ɛsɔdaa;

ña-samtʋ ɛwɛɛ tɛtʋ kpeekpe yɔɔ.+

 2 Ɛlɛ ɩkpɛyɩɣ mbʋ pɩfɛyɩ siɣsiɣ yɔ mɩ-laŋa taa,+

nɛ mi-nesi yɛlɩɣnɩ puuyaɣ lakasɩ tɛtʋ taa.+

 3 Kañatʋ tɩnaa lebi nʋmɔʋ* patɩɩlʋlɩ-wɛ lɛ;*

pɛkɛ kaañamtʋ tɩnaa nɛ cɛtɩyaa kpaɣnɩ alɩwaatʋ ndʋ palʋlɩ-wɛ yɔ.

 4 Pɔ-sɔtʋ wɛ ɛzɩ ɖʋmaa sɔtʋ yɔ;+

pɛkɛ tandamaa ɛzɩ ɖalʋ weyi ɛɖɩɣ ɛ-nɩŋgbaŋʋʋ yɔ.

 5 Ɛɛkaɣ welisuu fadɩŋ hɔkɩyaa nɔsɩ,

paa pɛwɛ niye fadɩŋ hɔkʋʋ taa ɛzɩma yɔ.

 8 Tɛtɛ nɛ pɛwɛɛ ɛzɩ kɔŋgɔlɩmɩɖɛ nɖɩ ɖɩyɔlʋʋ ɖɛʋ yɔɔ yɔ;

ɛzɩ pɩɣa ŋga kasɩbɩ ko-ɖoo lotu taa pʋcɔ nɛ ɛlʋlʋʋ-kɛ nɛ katɩna wɩsɩ wiɖiyi yɔ.

 9 Pʋcɔ nɛ sɔɔ cɔka miŋ paɣzɩ mi-ɖeɣbee soŋuu lɛ,

ɛkaɣ hazʋʋ piliŋa lɛŋ ñɩŋga nɛ ŋga keɖiɣni mʋʋ yɔ nɛ ɛɖɛna, ɛzɩ helim sɔsɔm kpaɣnɩ-sɩ yɔ.+

10 Ɛyʋ siɣsiɣ tʋ taa kaɣ labʋ leleŋ, mbʋ pʋyɔɔ yɔ ɛna kɩmɩyɛ kpaʋ;+

ɛkaɣ mɩtʋʋ kañatʋ tʋ calɩm taa.+

59 Hayɩ mɛ-Ɛsɔ, holi-m mon-koyindinaa nesi tɛɛ;+

kandɩyɩ mɔ-yɔɔ nɛ mba pakʋyʋʋ mɔ-yɔɔ yɔ pataahiɣ-m.+

 2 Holi-m mba palakɩ kañatʋ lakasɩ yɔ pe-nesi tɛɛ,

ya ma-ñʋʋ puuyaɣ tɩnaa* nesi tɛɛ.

 3 Na! Papabɩ-m;*+

ɛyaa ɖoŋ tɩnaa youni-m

ɛlɛ hayɩ Yehowa, pɩtɩkɛ kaañamtʋ yaa kɩdɛkɛdɩm nabʋyʋ malaba.+

 6 Papɩsɩɣ ɖanasɩ tɩŋa;+

pañɩzɩɣ* ɛzɩ hasɩ yɔ+ nɛ pɔcɔŋʋʋ tɛtʋ nɛ pɔcɔʋ nɛ pataŋ.+

 7 Na mbʋ pɩlɩɣnɩ* pɔ-nɔsɩ taa yɔ;

po-ndomee wɛ ɛzɩ laɣla yɔ,+

mbʋ pʋyɔɔ yɔ pɔyɔɔdʋʋ se: «Awɛɛ nɛ ewelisiɣ?»+

 8 Ɛlɛ ña lɛ, Oo Yehowa, ŋkaɣ-wɛ woŋuu;+

ŋkaɣ woŋuu ajɛɛ kpeekpe.+

 9 Oo mon-Ðoŋ, mankaɣ-ŋ ɖaŋʋʋ;+

mbʋ pʋyɔɔ yɔ Ɛsɔ kɛnɩ man-ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ.+

10 Ɛsɔ weyi ɛwɩlɩɣ-m sɔɔlɩm siɣsiɣ ñɩmbʋ yɔ ɛkaɣ-m sɩnʋʋ;+

Ɛsɔ kaɣ labʋ nɛ mɔncɔnɩ mon-koyindinaa nɛ taa leleŋ alɩwaatʋ ndʋ pɔtɔlʋʋ yɔ.+

Tɩŋnɩ ño-ɖoŋ yɔɔ nɛ ŋla nɛ poyoti;

hayɩ Yehowa, ɖa-kpayʋʋ,+ la nɛ pɔtɔlɩ.

12 Pɔ-nɔsɩ kɩdɛkɛdɩm yɔɔ lɛ, po-ndomee tɔm pee yɔɔ lɛ,

tɛtɛ nɛ pɔtɔlɩ pa-tɩ kpazʋʋ kpaca taa,+

nɔɔ kɩdɛkɛdaɣ ŋga pɔlɔʋ nɛ cɛtɩm tɔm ndʋ pɔyɔɔdʋʋ yɔ tɩ-yɔɔ.

13 Tɛzɩ-wɛ ña-pana taa;+

tɛzɩ-wɛ nɛ pataatasɩ wɛʋ;

yele nɛ patɩlɩ se Ɛsɔ tɔkɩnɩ kewiyitu Yakɔɔb taa nɛ piwolo pɩtalɩ tɛtʋ kamasɩ yɔɔ.+ (Sɛɛla)

14 Tɛtɛ nɛ papɩsɩ ɖanaɣ yɔɔ;

tɛtɛ nɛ pañɩzɩɣ* ɛzɩ hasɩ yɔ nɛ pɔcɔŋʋʋ tɛtʋ nɛ pɔcɔʋ nɛ pataŋ.+

15 Pɛwɛɛ yotuu yɔɔ se pañɩnɩ nabʋyʋ nɛ pɔtɔɔ;+

pataahaɣ nɛ pataahiɣ ɖɩzʋyɛ ɖɔɖɔ.

16 Ɛlɛ ma lɛ, mankaɣ teu hendu nɛ mɛnɖɛyɩnɩ ño-ɖoŋ;+

tanaŋ tɛɛ, mankaɣ yɔɔdʋʋ ñɔ-sɔɔlɩm siɣsiɣ ñɩmbʋ tɔm nɛ taa leleŋ.

Mbʋ pʋyɔɔ yɔ ñɛkɛnɩ man-ɖɩjɔzɩyɛ nɖɩ ɖɩ-taa kaɖɛ naɖɩyɛ ɛɛtalɩɣ-m yɔ+

nɛ lone nɖɩ ɖɩ-taa manpɩzɩɣ nɛ mense nɛ mowolo man-kʋñɔŋ alɩwaatʋ taa yɔ.+

17 Oo mon-Ðoŋ, ña mankaɣ teu samtʋ hendu,*+

mbʋ pʋyɔɔ yɔ Ɛsɔ kɛnɩ man-ɖɩjɔzɩyɛ nɖɩ ɖɩ-taa kaɖɛ naɖɩyɛ ɛɛtalɩɣ-m yɔ, Ɛsɔ weyi ɛwɩlɩɣ-m sɔɔlɩm siɣsiɣ ñɩmbʋ yɔ.+

 4 Ha* mba peseɣ-ŋ sɔɔndʋ yɔ yʋsaɣ nakɛyɛ

nɛ pese nɛ pɛwɛsɩ tɔʋ ñɩma.* (Sɛɛla)

 5 Ya ɖa-ñʋʋ nɛ ñe-nesi kɩbanzɩ nɛ ŋcosi-ɖʋ,+

se pɩsa nɛ ña-kʋsɔɔlaa hiɣ ñʋʋ yabʋ.

«Mankaɣ mɛyʋʋ, mankaɣ kpaɣʋ Sekɛɛm nɛ mɛncɛlɩ man-samaɣ nɛ kɩpɩsɩ ka-ñɩm,+

nɛ mankaɣ maɣzʋʋ Sukɔɔtɩ Fɛɛʋ.*+

 7 Matɩnɩ Galaadɩ, ɛzɩ Manaasee+ ɖɔɖɔ yɔ,

nɛ Efrayim kɛnɩ ñɩɣtʋ hulaɣ ŋga manpaŋ ma-ñʋʋ taa yɔ;*

Yuuda kɛnɩ ɖaʋ ŋgʋ mañazɩɣna yɔ.+

10 Ɛzɩ pɩtɩkɛ ña, Oo Ɛsɔ, ña weyi ŋlɔ-ɖʋ yɔ,

ɖɛ-Ɛsɔ, ña weyi ŋŋtasɩɣ tɩŋʋʋ ɖɔ-sɔɔjanaa you taa yɔ?+

11 Sɩnɩ-ɖʋ ɖa-kʋñɔŋ taa,

mbʋ pʋyɔɔ yɔ ñʋʋ yabʋ mbʋ pɩlɩɣnɩ ɛyaa cɔlɔ yɔ pɩɩwazɩɣ pʋyʋ.+

12 Ɛsɔ kaɣnɩ labʋ nɛ ɖɩkpa ɖoŋ,+

nɛ ɛkaɣ fɛyʋʋ ɖo-koyindinaa.+

61 Hayɩ Ɛsɔ, welisi kubusi nzɩ mamakɩ se ŋsɩnɩ-m yɔ,

kemsi ma-adɩma.+

 2 Alɩwaatʋ ndʋ mɔlɔʋ lidaʋ yɔ*+

mankaɣ mabʋ kubusi nɛ ɖooo tɛtʋ kamasɩ yɔɔ nɛ maya-ŋ.

 3 Mbʋ pʋyɔɔ yɔ ŋkɛ man-ɖɩjɔzɩyɛ,

tilimiye ɖoŋ ñɩnɖɛ nɖɩ ɖɩkandɩyɩɣ mɔ-yɔɔ se koyindu etaahiɣ-m yɔ.+

 4 Mankaɣ caɣʋ ɛgɔndʋ ñe-kizinziku tɛɛ tam;+

mankaɣ cɔzʋʋ ñe-keŋ kuzotuu taa.+ (Sɛɛla)

 6 Ŋkaɣ sɔzʋʋ kɩyakɩŋ wiyaʋ wezuu* yɔɔ,+

nɛ ɛkaɣ caɣʋ wezuu kpaɣ kpaɖʋʋ nɛ piwolo kpaɖʋʋ.

 7 Ɛkaɣ caɣʋ kewiyaɣ kpelaɣ yɔɔ* tam Ɛsɔ ɛsɩndaa;+

wɩlɩ-ɩ* sɔɔlɩm siɣsiɣ ñɩmbʋ nɛ siɣsiɣ wɛtʋ nɛ pɩkandɩyɩ ɛ-yɔɔ.+

 8 Ðɩnɛ ɛlɛ, mankaɣ teu samtʋ hendu* ña-hɩɖɛ tam+

nɛ mankaɣ ɖɔm mon-ɖuutu yɔɔ paa evemiye nɖɩ.+

 2 Toovenim taa lɛ, ɛnʋ kɛnɩ man-kaaʋ nɛ ma-ñʋʋ yaɖʋ, ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ;+

pɩɩkaɣ-m ñamsʋʋ ɖoŋ kpa.+

 4 Mbʋ pʋyɔɔ yɔ panɩɣnɩ ɖama se potuzi-i e-lone kʋkʋyɩyɛ taa* nɛ pɛpɛɖɩ;

cɛtɩm kɛdɩɣnɩ-wɛ.

 5 Toovenim, monsum tamɩyɛ nɛ manɖaŋ* Ɛsɔ+

mbʋ pʋyɔɔ yɔ ɛ-cɔlɔ me-lidaʋ lɩɣna.+

 6 Toovenim taa lɛ, ɛnʋ kɛnɩ man-kaaʋ nɛ ma-ñʋʋ yaɖʋ, ɖɩjɔzɩyɛ nɖɩ ɖɩ-taa kaɖɛ naɖɩyɛ ɛɛtalɩɣ-m yɔ;

pɩɩkaɣ-m ñamsʋʋ kpa.+

 9 Ɛyaa pɩyalaa kɛ mɔɔŋ tɛɛ helim yem,

ɛyaa pɩyalaa kɛ ɖɩjɔzɩyɛ nɖɩ paapɩzɩɣ nɛ pataa-ɖɩ liu yɔ.+

10 Ɩtaataa mulum liu

nɛ ɩtaaɖʋ ɖɔɖɔ lidaʋ mɩlɩm yɔɔ, pɩkɛ falaa.

12 Oo Yehowa, ñatɩnɩ sɔɔlɩm siɣsiɣ ñɩmbʋ ɖɔɖɔ,+

mbʋ pʋyɔɔ yɔ ŋhɛyɩɣ paa weyi ɛ-lakasɩ yɔɔ.+

Mon-ɖoŋ ɖiɣni tɛm, mbʋ pʋyɔɔ yɔ me-liu* wɛ-ŋ siŋŋ

wɩlɩŋ tɛtʋ taa, tɛtʋ ndʋ tɩwɩlɩ kaŋkaŋ yɔ tɩ-taa, ɖenɖe lɩm fɛyɩ yɔ.+

 2 Pʋyɔɔ mɔncɔnɩ-ŋ lone kiɖeɖeye taa;

mana ño-ɖoŋ nɛ ña-samtʋ.+

 3 Ñɔ-sɔɔlɩm siɣsiɣ ñɩmbʋ wɛ ɖeu nɛ pɩkpaɖɩ wezuu,+

pʋyɔɔ lɛ, mo-ndomee kaɣ-ŋ sam.+

 4 Mbʋ yebina nɛ mankaɣ-ŋ sam me-wezuu kpeekpe;

ña-hɩɖɛ taa mankaɣ kpazʋʋ me-nesi.

 5 Me-liu* sɩbɩnɩ hɔɔlʋʋ ŋgʋ kɩkɩlɩ ɖeu yɔ, ŋgʋ kɩ-wayɩ fɛyɩ yɔ,

pʋyɔɔ lɛ, taa leleŋ kaɣ wɛʋ mo-ndomee yɔɔ nɛ mansamnɩ-ŋ.+

 6 Mɔntɔzʋʋ ñɔ-yɔɔ alɩwaatʋ ndʋ mɛwɛɣ ma-ñalʋʋ yɔɔ yɔ;

mamaɣzɩɣ ñɔ-yɔɔ ɖoo taa feŋuu alɩwaatʋ taa.+

 7 Mbʋ pʋyɔɔ yɔ ñɛkɛnɩ man-sɩnɩyʋ,+

nɛ mamakɩ taa leleŋ kubusi ñe-keŋ kuzotuu taa.+

 8 Mɔñɔnɩ-ŋ;*

ñe-nesi kɩbanzɩ ɖɔkɩ-m kpam.+

 9 Ɛlɛ mba pañɩnɩɣ se paɖɩzɩ me-wezuu* yɔ,

pakaɣ tibu tɛtʋ cukaŋ taa.

10 Pakaɣ-wɛ ɖʋzʋʋ laɣɖɛ nesi* tɛɛ;

pakaɣ pɩsʋʋ tɛyɛ hasɩ* tɔɔnaɣ.

Ɛyaa mba payɩ poɖukini Ɛsɔ yɔ pakaɣ mɛyʋʋ,*

mbʋ pʋyɔɔ yɔ pakaɣ suluu mba pɛcɛtɩɣ yɔ pɔ-nɔsɩ.

 2 Huuzi mɔ-yɔɔ nɛ tɔm ndʋ kañatʋ tɩnaa kpɛyɩɣ mɛsaɣ tɛɛ yɔ titaahiɣ-m,+