Ɛzɩma pɩwɛɛ se ɖɩlabɩnɩ takayaɣ kanɛ tʋmɩyɛ?

Hatʋ cabɩ takayaɣ kanɛ ka-taa, ŋkaɣ naʋ paa evemiye nɖɩ lɛ, ɖi-Bibl mayaɣ nɛ tɔm ndʋ pɔyɔɔdɩ kɔ-yɔɔ yɔ. Toovenim, ɛyʋ pɩzɩɣ nɛ ɛtazɩ mayaɣ ŋga ka-taa evemiye alɩwaatʋ ndʋ tɩ-taa ɛsɔɔlaa yɔ, ɛlɛ nabɛyɛ tɔŋ se pɩkɩlɩ weewee se patazɩ ka-taa tanaŋ tɛɛ. Ɛbɛ yɔɔ? Mbʋ pʋyɔɔ yɔ piyeki nɛ ɛyʋ pɩzɩ nɛ ɛmaɣzɩ mayaɣ ŋga kɔ-yɔɔ evemiye kpeekpe taa. Pɩkɩlɩɣ ɖeu se hɔʋ tɩŋa ɛkpɛndɩ nɛ kɩtazɩ evemiye mayaɣ taa. Mbʋ Betɛɛlɩ hɔŋ tɩŋa lakɩ ɛjaɖɛ kpeekpe yɔɔ pʋcɔ nɛ ɩlɩzɩɣ sɔntɔ.

Tɔm ndʋ pamaɣ paa mayaɣ ŋga kɛ-tɛɛ yɔ, palɩzɩ-tʋ nɛ Feŋuu Tilimiye (w) takayɩsɩ nzɩ palɩzɩ kpaɣnɩ avril 2021 nɛ piwolo mars 2022 taa yɔ sɩ-taa. Kajalaɣ masɩ nzɩ pama Feŋuu Tilimiye takayaɣ hɩɖɛ cɔlɔ yɔ, sɩwɩlɩɣ Feŋuu Tilimiye hayʋʋ (yaa hatʋ) nɛ masɩ lɛɛsɩ ñawɩlɩɣ tayʋʋ mbʋ pɩ-taa palɩzɩnɩ tɔm ndʋ yɔ. (Cɔnɩ anjaʋ ŋgʋ kɩwɛ pɩ-tɛɛ yɔ.) Ðɩpɩzɩɣ nɛ ɖɩkalɩ tɔm lɛɛtʋ Feŋuu Tilimiye takayaɣ taa tɔm ñʋʋ ŋgʋ kɩ-maɣmaɣ kɩ-taa.