Peɖiɣni aseɣɖe lɩzʋʋ Morooviya cɔlɔ, Liibeeriya

Kɛdɛsɩ labʋ

●○○ ÐƖCALƖ ƐYƲ KATƲƲ LƐ

Tɔm pɔzʋʋ: Bibl wɛnɩ wazaɣ sɔnɔ ɖɔɖɔ yaa we?

Bibl mayaɣ: 2Tim 3:16

Lien: Tɔm ndʋ wɛ Bibl taa?

○●○ KAJALAƔ PƖSƖ NƐ ŊNA-Ɩ

Tɔm pɔzʋʋ: Tɔm ndʋ wɛ Bibl taa?

Bibl mayaɣ: Mat 6:10

Lien: Ɛbɛ Ɛsɔ Kewiyaɣ kaɣ labʋ?

○○● PƖSƖ NƐ ŊNA-Ɩ KƖLƐLƲƲ

Tɔm pɔzʋʋ: Ɛbɛ Ɛsɔ Kewiyaɣ kaɣ labʋ?

Bibl mayaɣ: Dan 2:44

Lien: Lɛɣzɩtʋ ndʋ pɩkaɣ kɔnʋʋ tɛtʋ yɔɔ?

Kpaɣnɩ fenaɣ kanɛ lɛ, paakaɣ tasʋʋ ɖʋʋ ɛzɩma ɖɩpaɣzɩ kɛdaɣ hɔɔlɩŋ naadozo Ðe-wezuu caɣʋ nɛ ɖɛ-Ɛsɔ sɛtʋ tʋmɩyɛ kpɛlɩkʋʋ takayaɣ taa. Pi-lone taa lɛ, pakaɣ ɖʋʋ kɛdɛsɩ labʋ hɔɔlʋʋ na. Pakaɣ ɖʋʋ kɔɔnɔɔ tɔm pɔzʋʋ, Bibl mayaɣ, nɛ tɔm pɔzʋʋ tɛ lien nakʋyʋ; piyeki nɛ pasɩɩ pɩsɩ nɛ ŋna-ɩ tigiɖe. Paa kpɩtaʋ ŋgʋ lɛ, pakaɣ ɖʋʋ kɛdɛsɩ labʋ tɛ video kʋyʋmʋʋ na. Paa tɔm susuyu weyi lɛ, ɛpɩzɩɣ nɛ ɛlɩzɩ Tɔm wɩlʋʋ koozaɣ taa takayaɣ ŋga ɛsɔɔlaa se ɛha yɔ. Ɛnʋ naɣna ɛzɩmtaa ɛsɔɔlaa se ɛha-kɛ yɔ: pɩtɩla ɛcalɩɣ ɛyʋ katʋʋ lɛ, yaa pɩsɩ nɛ ŋna-ɩ wiye. Pɩtasɩ lɛ, pakaɣ ɖʋʋ kpɛlɩkʋʋ takayaɣ taa, kɛdɛsɩ nzɩ sɩpɩzɩɣ sɩsɩnɩ-ɖʋ nɛ ɖɩmɩzɩɣ lɩm toovenim ɖomaɣ yɔ. Pɩkaɣ-ɖʋ sɩnʋʋ nɛ kaɖʋwa ŋga ɖɩwɛna se ɖɩsɩnɩ mba “Ɛsɔ kaañɔɔzaa se pehiɣ tam tam wezuu yɔ,” ɖɩtalɩ-kɛ.—Tʋma 13:48.

Sukulibiya tʋma: Ye patɩɖʋ paɣtʋ natʋyʋ yɔ, pɩwɛɛ se sukulibiya ɩlabɩnɩ tʋmɩyɛ kɛdaɣ labʋ hɔɔlɩŋ na.