Mbʋ pɩpɩzɩɣ pɩsɩnɩ-ŋ nɛ ŋkalɩɣ Bibl paa evemiye nɖɩ yɔ

Ŋwɛnɩ tʋma sakɩyɛ nɛ pɩlakɩ-ŋ kaɖɛ nabʋyʋ taa se ŋhikiɣ alɩwaatʋ nɛ ŋkalɩɣ Bibl paa evemiye nɖɩ? (Yoz. 1:8) Ye mbʋ yɔ, lɔŋ tasʋʋ mbʋ pɩkɔŋ yɔ pɩpɩzɩɣ nɛ pɩwazɩ-ŋ:

• La ɖʋtʋ natʋyʋ nɛ pɩtɔzʋʋ-ŋ. Ðʋ alarme ñɛ-tɛ pɔrtaabɩlɩ yɔɔ nɛ kɩtɔzʋʋ-ŋ alɩwaatʋ ndʋ pɩwɛɛ se ŋkalɩ Bibl yɔ.

• Sɩɩ Bibl ɖenɖe ŋpɩzɩɣ nɛ ŋna-kʋ yɔ. Ye ŋkalɩɣ Bibl takayaɣ maɣmaɣ taa yɔ, sɩɩ-kʋ ɖenɖe ŋpɩzɩɣ nɛ ŋnaɣ-kʋ kɛlɛʋ yem paa evemiye nɖɩ yɔ.—Wp. 11:18.

• Welisi Bibl ŋgʋ pakpaɣ tataɣ yɔɔ yɔ. Welisi-kʋ alɩwaatʋ ndʋ ŋlakɩ ñe-evemiye taa tʋma yɔ. Payaɣ koobu halɩñɩnʋ nɔɔyʋ se Tara, ɛkɛ nʋmɔʋ lɩzɩyʋ nɛ ɖoyo, ɛlakɩ tʋmɩyɛ ɖoo taa. Ɛyɔɔdaa se: «Maalakɩ ɖɩɣa tʋma lɛ, mewelisiɣ Bibl ŋgʋ pakpaɣ tataɣ yɔɔ yɔ. Pɩsɩɣnɩ-ŋ nɛ mɔnɖɔŋ men-Bibl kalʋʋ ɖʋtʋ yɔɔ paa evemiye nɖɩ.»

• Taalɔ lidaʋ. Ye nabʋyʋ ɛlaba nɛ ŋtɩpɩzɩ ŋkalɩ Bibl alɩwaatʋ ndʋ ŋɖʋwa se ŋkalɩɣ-kʋ yɔ, ñaɣ pana nɛ ŋkalɩ masɩ nasɩyɩ pazɩ pʋcɔ nɛ ŋhɩnɩ. Paa masɩ pazɩ yem ŋkalɩɣ paa evemiye nɖɩ yɔ pɩwazɩɣ-ŋ.—1 Pɩy. 2:2.