Ye ŋwɛ ñe-ɖeke yɔ ɛbɛ pɩzɩɣ nɛ pɩsɩnɩ-ŋ?

Pɩlakɩ-ŋ ɛzɩ ŋwɛ ñe-ɖeke yɔ? Ye mbʋ yɔ, pɩpɩzɩɣ nɛ pɩlabɩ-ŋ ɛzɩ keɣa maɖʋ yɔ; ɛyɔɔdaa se: “Ma nɛ mɛ-ɛsa tam ɛzɩ sɛmʋʋ ŋgʋ kɩwɛ ki-ɖeke kuduyuu kolaɣ taa yɔ.” (Keɣa 101:8) Lɔŋsɩnɖɛ nɖɩ ɖɩwɛ Bibl taa yɔ ɖɩpɩzɩɣ nɛ ɖɩsɩnɩ-ŋ nɛ ŋlʋbɩnɩ kala wena ɛyʋ katɩɣ alɩwaatʋ ndʋ ɛwɛɣ e-ɖeke yɔ.

• Ñaɣ pana nɛ ŋñɔɔnɩ Ɛsɔ nɛ pɩkɩlɩ

• Kalɩɣ Bibl hɔɔlɩŋ weyi ɩpɩzɩɣ nɛ ɩhɛzɩ ña-laŋɩyɛ yɔ

• Kpɛlɩkɩ nɛ ŋtɩlɩ mbʋ pʋyɔɔ kɩdɛkɛdɩm wɛ ɛjaɖɛ yɔɔ yɔ

• Taakɩlɩɣ nɩɣzʋʋ

• Ñaɣ pana nɛ ŋwɛɛnɩ taabalaa

• Falɩsɩɣ ño-tomnaɣ

Ñaɣ pana nɛ ŋñɔɔnɩ Ɛsɔ nɛ pɩkɩlɩ

Paa ŋwɛ ñe-ɖeke yɔ, ŋpɩzɩɣ nɛ ŋhiɣ koboyaɣ ye ŋnawa se pɩpɔzʋʋ se ŋñɔtɩnɩ Ɛsɔ nɛ ŋñakɩ pana se ŋtɩlɩ-ɩ yɔ. (Maatiyee 5:3, 6) Wondu ndʋ tɩkɔŋ yɔ, tɩpɩzɩɣ nɛ tɩsɩnɩ-ŋ nɛ ŋla mbʋ; ŋpɩzɩɣ ŋkpaɣ-tʋ falaa.

• Intɛrnɛɛtɩ yɔɔ Bibl ŋgʋ kɩ-taa nɩʋ fɛyɩ kaɖɛ yɔ

• Intɛrnɛɛtɩ yɔɔ Bibl kpɛlɩkʋʋ takayɩsɩ nzɩ sicosuu tɔm kɩcɛyɩtʋ ndʋ ŋpɩzɩɣ nɛ ŋpɔzɩ pɩlɩɩnɩ wezuu caɣʋ yɔɔ yɔ tɩ-yɔɔ yɔ

• Videowaa cikpema mba pɔyɔɔdʋʋ Bibl wɩlɩtʋ kɩcɛyɩtʋ tɔm yɔ.

• Hɔɔlʋʋ ŋgʋ payaɣ se “Pocosi Bibl taa tɔm yɔɔ” yɔ, kicosuu tɔm ndʋ ɛyaa sakɩyɛ pɔzʋʋ yɔ tɩ-yɔɔ

• Hɔɔlʋʋ ŋgʋ payaɣ se “Maɣzɩnɩ pe-tisuu” yɔ, kɩsɩɣnɩ-ɖʋ se ɖɩmaɣzɩ wɛtʋ ndʋ tɩ-taa ɛyaa siɣsiɣ ñɩma mba Bibl yɔɔdʋʋ pɔ-tɔm yɔ paawɛɛ yɔ

• Hɔɔlʋʋ ŋgʋ payaɣ se “Palɩzɩ-kʋ yaa kɩlɩ kɩ-tɩ yɔɔ?” yɔ, kɩwɩlɩɣ ɛzɩma wondu kɩlɩzɩtʋ wɛ kajʋka nɛ tɩwɛɛ piti yɔ

Kalɩɣ Bibl hɔɔlɩŋ weyi ɩpɩzɩɣ nɛ ɩhɛzɩ ña-laŋɩyɛ yɔ

Bibl hɔɔlɩŋ ɛnɩ ɩhɛzɩ ɛyaa sakɩyɛ laŋa. Pɩfɛyɩ se ŋkalɩ hɔɔlɩŋ sakɩyɛ kpaagbaa, ɛlɛ alɩwaatʋ ndʋ pɩlakɩ-ŋ ɛzɩ ŋwɛ ñe-ɖeke yɔ, ŋpɩzɩɣ nɛ ŋkalɩ Bibl hɔɔlɩŋ ɛnɩ nɛ ŋmaɣzɩɣ ɩ-yɔɔ kʋɖʋm kʋɖʋm nɛ ŋtɩmɩɣ ɖɔɖɔ.—Maarkɩ 1:35.

• Keɣa 22:1-6

• Keɣa 33:2-23

• Keɣa 45:2-12

• Keɣa 62:7-9

• Keɣa 90:1-6

• Maatiyee 6:25-34

• 2 Kɔrɛntɩ mba 1:3, 4

• Filiipi mba 4:6, 7

• 1 Pɩyɛɛrɩ 5:6, 7

Kpɛlɩkɩ nɛ ŋtɩlɩ mbʋ pʋyɔɔ kɩdɛkɛdɩm wɛ ɛjaɖɛ yɔɔ yɔ

Pɩwɛɣ-ŋ kɛlɛʋ se ŋlʋbɩnɩ kala wena payɩ ŋkatɩɣ yɔ ye ŋsɩm mbʋ pʋyɔɔ kɩdɛkɛdɩm wɛ ɛjaɖɛ yɔɔ yɔ, nɛ ɛzɩma Ɛsɔ kaɣ yebu nɛ pɩsɩɩ tɩnaɣ yɔ.—Izaayii 65:17.

• Ɛbɛ yɔɔ Ɛsɔ ha nʋmɔʋ nɛ kʋñɔmɩŋ wɛɛ ɛjaɖɛ yɔɔ?

• Tɔm ndʋ Bibl yɔɔdʋʋ pɩlɩɩnɩ kʋdɔmɩŋ nɛ tomnaɣ taa alaafɩya yɔɔ?

• Ɛbɛ kɛnɩ kɛdɛzaɣ kɩyakɩŋ yʋsaɣ?

• Mba kɛnɩ kpaŋnaŋ caɣyaa naanza mba pɔ-tɔm pɔyɔɔdɩ Natʋ takayaɣ taa yɔ?

• Ɛbɛ Ɛsɔ kewiyaɣ kaɣ labʋ?

Taakɩlɩɣ nɩɣzʋʋ

Tɔm ñʋŋ weyi itukuuni tɔm ndɩ ndɩ ndʋ tɩkɔŋ yɔ, ɩpɩzɩɣ ɩsɩnɩ-ŋ nɛ ‘ŋyele nɩɣzʋʋ’ alɩwaatʋ ndʋ pɩlakɩ-ŋ ɛzɩ ŋwɛ ñe-ɖeke yɔ.—Maatiyee 6:25.

• Ɛzɩma ŋpɩzɩɣ nɛ ŋlʋbɩnɩ nɩɣzɛ yɔ

• Wɛɛnɩ lɩmaɣza kɩbana

• Nɩɣzɛ wena alɩɣnɩ kala cɔlɔ yɔ

• Nɩɣzɛ wena alɩɣnɩ liidiye kɛdɛɖaɣ cɔlɔ yɔ

• Mbʋ pʋyɔɔ piya evelisi nɩɣzɩɣ yɔ

Ñaɣ pana nɛ ŋwɛɛnɩ taabalaa

Ye ŋwɛnɩ taabalaa yɔ, pɩsɩɣnɩ-ŋ nɛ ŋwɛɛnɩ lɩmaɣza kɩbana nɛ ŋwɛɛ koboyaɣ taa paa ŋŋpɩzɩɣ se ŋkatɩ ña-taabalaa mba yɔ. Ye ŋŋpɩzɩɣ se ŋlɩɩ ña-ɖɩɣa taa yɔ, ŋpɩzɩɣ nɛ ŋtɩŋnɩ visioconférence yaa kaŋgalaafu yɔɔ nɛ ŋcɛyɩsɩ ña nɛ ña-taabalaa mɩ-taabalɩyɛ nɛ ŋwɛɛnɩ ɖɔɖɔ taabalaa kɩfama. Tɔm ñʋŋ ɩnɛ ɩpɩzɩɣ nɛ ɩsɩnɩ-ŋ nɛ ŋwɛɛnɩ taabalaa nɛ ŋkɛ ɖɔɖɔ “ɛgbaɣdʋ” yaa taabalʋ kɩbanʋ.—Aduwa 17:17.

• Qu’est-ce qu’un ami?

• Devrais-je élargir mon cercle d’amis?

• Que faire si vous avez l’impression de ne pas avoir d’amis?

• Renforcez vos amitiés en étant généreux

• Renforcez vos amitiés en étant reconnaissant

Falɩsɩɣ ño-tomnaɣ

Bibl yɔɔdaa se: “Tomnaɣ falɩsʋʋ wɛnɩ wazaɣ.” (1 Timootee 4:8) Pɩsɩɣnɩ-ŋ nɛ ŋwɛɛnɩ lɩmaɣza kɩbana nɛ ŋwɛɛ koboyaɣ taa kɔzɩ kɔzɩ ye ŋwɛ ñe-ɖeke yɔ. Paa ŋŋpɩzɩɣ se ŋlɩɩ ña-ɖɩɣa taa yɔ, ŋpɩzɩɣ nɛ ŋtɩŋnɩ nʋmɔŋ nɩɩyɩ yɔɔ nɛ ŋfalɩsɩ ño-tomnaɣ.

• Lakɩ mbʋ mbʋ piyeki nɛ ŋciɣdiɣ ño-tomnaɣ yɔ

• Lakɩ mbʋ pɩsɩɣnɩ-ŋ nɛ ŋwɛɛnɩ tomnaɣ taa alaafɩya nɛ ña-fɩtɩyɩm lakɩ tʋmɩyɛ camɩyɛ yɔ