Hɔɔlʋʋ 5 yɔɔ kɔɔnɔɔ tɔm

Izrayɛɛlɩ mba tɛzɩ Teŋgu Kɩsɛɛmʋʋ nɛ pɩla fenasɩ naalɛ lɛ, patalɩ Sinayii Pʋʋ cɔlɔ. Peeɖe Yehowa ɖʋ-wɛ nɛ ɛgbɛyɛ nɛ ɛlɩzɩ-wɛ se pɛkɛ ɛ-samaɣ ŋga kɛwɛ ŋgee yɔ. Yehowa huuzi pɔ-yɔɔ nɛ ɛcɔnɩ pa-kɩcɛyɩm tɩŋa ɖeɖe. Ɛha-wɛ maana se pɔtɔɔ nɛ patɩtɛɖɩ wondu kususutu; ɛñɔɔzɩ-wɛ ɖɔɖɔ lona kɩbana wena a-taa pɩwɛɛ se pacaɣ yɔ. Ye ŋkɛ lʋlɩyʋ yɔ, sɩnɩ ña-pɩɣa nɛ kana lɩmaɣzɩyɛ nɖɩ ɖɩ-yɔɔ Yehowa ha Izrayɛɛlɩ mba Paɣtʋ, Ɛsɔ sɛtʋ kɩɖanɖʋʋ nɛ cɔjɔnaa yɔ. Sɩnɩ-kɛ nɛ kanɩɩ pɩ-taa se pɩcɛyaa se ɖɩɖɔŋ ɖɔ-tɔm yɔɔ, ɖɩwɛɛnɩ tɩ luzuu nɛ ɖɩwɛɛ siɣsiɣ Yehowa ɛsɩndaa paa ɛzɩmtaa.