Ðɩwɛɛ niye tɔm susuu taa​—Kɛ taabalʋ kɩbanʋ

Ɛbɛ yɔɔ pɩcɛyaa?: Yesu maɣmaɣ kaasɩma se taabalʋ wazɩɣ tɔm susuu taa. Mbʋ yebina nɛ alɩwaatʋ ndʋ etiyaɣ ɛ-tɔmkpɛlɩkɩyaa se posusi tɔm lɛ, etiyi-wɛ naalɛ naalɛ. (Luka 10:1) Ye tɔm susuyu nɔɔyʋ ɛkatɩ kaɖɛ yaa ɛɛsɩŋ ɛzɩma ecosi ɖɩɣdʋ nɔɔyʋ tɔm susuu taa yɔ, ɛ-taabalʋ pɩzɩɣ nɛ ɛsɩnɩ-ɩ. (Eklesɩyastɩ 4:9, 10) Taabalʋ ɛnʋ ɛpɩzɩɣ nɛ ɛkpɛlɩkɩ-ɩ lɛɣtʋ nɛ ɛtasɩ-ɩ lɔŋ ɖenɖe pʋmʋnaa yɔ. Pɩsɩɣnɩ koobu ɛnʋ nɛ ɛkɛ tɔm susuyu weyi ɛwɛ niye pɩdɩɩfɛyɩ yɔ. (Aduwa 27:17) Ye koobu nɔɔyʋ nɛ ɛ-taabalʋ palɩ tɔm susuu nɛ pɔyɔɔdʋʋ tɔm kɩbandʋ yɔ, tɩpɩzɩɣ nɛ tɩkpazɩ-wɛ ɖoŋ.​—Filiipu 4:8.