Labɩnɩ jw.org tʋmɩyɛ tɔm susuu taa

Ðɛ-tɛ intɛrnɛɛtɩ lone kɛ wonuu ŋgʋ kɩsɩɣna se posusi laŋhɛzɩyɛ tɔm “puwolo pɩtalɩ tɛtʋ kamaɣ yɔɔ” yɔ. (Tʋma 1:8) Ɛyaa sakɩyɛ ɩɩsɩŋ ɛzɩma pa-maɣmaɣ papɩzɩɣ nɛ pala nɛ pana jw.org yɔ. Pɩwɛɛ se tɔm susuyu nɔɔyʋ ɛwɩlɩ-wɛ lone nɖɩ nɛ pʋcɔ nɛ patɩlɩ-ɖɩ.

Egeetiye yɔɔ cɔnɩyʋ nɔɔyʋ kpaɣ Ɛbɛ yɔɔ pɩwɛɛ se ɛyʋ ɛkpɛlɩkɩ Bibl? tɛ video nɛ ɛɖʋ ɛ-tɛ pɔrtaabɩlɩ yɔɔ nɛ ɛwɩlɩɣ-kʋ ɛyaa ɖenɖe ɖenɖe pɩhaɣ-ɩ nʋmɔʋ yɔ. Ye ɛlakɩ kpaɣ ɖɩɣa nɛ ŋwolo ɖɩɣa mbʋ yɔ yɔ, ɛyɔɔdʋʋ se: “Mɛwɛɛ nɛ mowoki ɛyaa cɔlɔ se mansɩnɩ-wɛ nɛ pocosi tɔm kɩcɛyɩtʋ naadozo tʋnɛ tɩ-yɔɔ: Ɛbɛ yɔɔ kʋñɔmɩŋ sakɩyɛ wɛ ɛjaɖɛ yɔɔ mbʋ? Ɛzɩma Ɛsɔ kaɣ labʋ nɛ ɩsɩɩ tɩnaɣ? Nɛ ɛzɩma ɖɩpɩzɩɣ ɖɩlʋbɩnɩ kʋñɔmɩŋ ɛnɩ? Video cikpeluu kʋnɛ kicosuu tɔm ndʋ tɩ-yɔɔ.” Pʋwayɩ lɛ, ɛwɩlɩ video ŋgʋ ɖɩɣdʋ. Ɛɛwɩlɩɣ ɖɩɣdʋ video ŋgʋ lɛ, ɛcɔŋnɩ-ɩ nɛ ɛna ɛzɩma ɛlakɩ. Video ŋgʋ kɩwɛ leleŋ, pʋyɔɔ lɛ paɖʋʋ-kʋ lɛ, ɛyaa sakɩyɛ ɩɩkɛzɩɣ pɛ-ɛza halɩ kɩkɔɔ nɛ kɩtɛ. Pʋwayɩ lɛ, egeetiye yɔɔ cɔnɩyʋ ɛnʋ ɛyɔɔdɩ se: “Pɔyɔɔdɩ lɛɛlɛɛyɔ se ŋpɩzɩɣ nɛ ŋpɔzɩ nɛ pɛkpɛlɩkɩnɩ-ŋ. Mɛntɛm wɛʋ cɩnɛ yɔ, manpɩzɩɣ nɛ mawɩlɩ-ŋ ɛzɩma ɖa nɛ ɛyaa ɖɩkpɛlɩkɩɣ Bibl yɔ kpaagbaa.” Ye ɖɩɣdʋ etisaa yɔ, ɛkpaɣ Laŋhɛzɩyɛ Tɔm takayaɣ nɛ ɛwɩlɩ-ɩ ɛzɩma pɛkpɛlɩkɩɣ Bibl yɔ. Ye ɖɩɣdʋ ɛfɛyɩnɩ alɩwaatʋ yɔ, paɖʋ alɩwaatʋ nɛ pʋwayɩ lɛ, ɛpɩsɩ nɛ pɛkpɛlɩkɩ. Ewobi faɣɖɛ naɖɩyɛ taa se ɛñɔʋ kɔfɩ nɛ ɛhɛzɩ yɔ, eyeki nɛ faawɩyɛ paɣzɩ lɛ, ɛlabɩnɩ video ŋgʋ tʋmɩyɛ nɛ eheyi weyi ɛcaɣ ɛ-cɔlɔ yɔ, tɔm kʋyʋmtʋ ndʋ. Ña yɔ, ŋlakɩnɩ jw.org tʋmɩyɛ tɔm susuu taa?