Labɩnɩ ɖɛ-tɛ intɛrnɛɛtɩ lone tʋmɩyɛ tɔm susuu taa —“Questions bibliques”

Ðɛ-tɛ intɛrnɛɛtɩ lone jw.org hɔɔlʋʋ ŋgʋ kɩtɔŋ se “La Bible et vous” yɔ, kɩwɛnɩ ñʋʋ cikpeluu nakʋyʋ nɛ payaɣ-kʋ se “Questions bibliques.” Ye ɖɩsɩm tɔm pɔzʋʋ mbʋ pɩwɛ peeɖe yɔ camɩyɛ yɔ, pɩpɩzɩɣ pɩsɩnɩ-ɖʋ nɛ ɖɩhɔ ɖɩɣdʋ lɩmaɣza nɛ ɖiwoni ɖɛ-tɛ intɛrnɛɛtɩ lone yɔɔ nɛ ɖicosi ɛ-tɔm pɔzʋʋ yɔɔ. Ðɩpɩzɩɣ ɖɔɖɔ nɛ ɖɩkpaɣ tɔm pɔzʋʋ mbʋ pɩwɛ hɔɔlʋʋ ŋgʋ kɩ-taa yɔ nɛ ɖɩpaɣzɩnɩ faawɩyɛ tɔm susuu taa. Ðɩpɩzɩɣ nɛ ɖɩlɩzɩ tɔm ndʋ tɩpɩzɩɣ nɛ tɩkɛdɩnɩ ɛyaa ɖo-kooka taa yɔ, nɛ ɖɩpɔzɩ ɖɩɣdʋ se ɛmaɣzɩɣ suwe tɔm ndʋ tɩ-yɔɔ, nɛ ɖɩtɩŋnɩ ɛzɩma pocosi tɔm ndʋ tɩ-yɔɔ jw.org yɔɔ yɔ, nɛ ɖiheyi-i Bibl lɩmaɣza. Pʋwayɩ lɛ, ɖɩpɩzɩɣ nɛ ɖiheyi-i ɖenɖe ɖɩna tɔm ndʋ tɩ-yɔɔ cosuu yɔ. Ðɩpɩzɩɣ ɖɔɖɔ nɛ ɖɩsɩnɩ-ɩ nɛ ɛkalɩ tɔm ndʋ tɩ-yɔɔ cosuu ɖɛ-tɛ intɛrnɛɛtɩ lone yɔɔ kpaagbaa. Ɛgbɛyɛ taa ɛzʋtʋyʋ nʋmɔɖɔnʋ nɔɔyʋ halʋ tɩŋɩɣnɩ tɔm pɔzʋʋ pʋnɛ pɩ-yɔɔ nɛ ɛlakɩnɩ tʋmɩyɛ ɖɛ-tɛ intɛrnɛɛtɩ lone hɔɔlʋʋ ŋgʋ camɩyɛ. Eheyiɣ ɛyaa se: “Ɛyaa sakɩyɛ pɔzʋʋ pa-tɩ se: ‘Ɛzɩ Ɛsɔ cɔlɔ ɖa-kʋñɔmɩŋ lɩɣna?’ Ŋsɔɔlaa se ŋhiɣ tɔm ndʋ tɩ-yɔɔ cosuu kɛlɛmwaa 51 taa?” Pʋwayɩ lɛ, eyele nɛ ɛyʋ ɛnʋ ewelisi jw.org yɔɔ tɔm cosuu mbʋ ɛkpaɣ ɛ-pɔrtaabɩlɩ yɔɔ yɔ. Ɛɛtɛzɩɣ lɛ, ɛwɩlɩ pʋdʋ Ndʋ Bibl Wɩlɩɣ takayaɣ ñʋʋ 11.