Ðaŋ kpam nɛ laŋɩyɛ ɖɔkʋʋ

Ŋpaɣzɩɣ Ɛsɔ Kewiyaɣ ɖaŋʋʋ yɔ pɩlakɩ pɩnzɩ ɛzɩma yɔ? Paa ŋkatɩɣ kʋñɔmɩŋ yɔ, ŋɖɔkɩ kpam nɛ ŋɖaŋnɩ suuɖu? (Rom 8:25) Papaɖɩɣ koobiya nabɛyɛ, pawɩlɩɣ lalaa ñaŋ, paɖɩɣ lalaa salakanaa taa, nɛ halɩ lalaa ñocoɖi sɩm. Nɛ lalaa lʋkɩnɩ kʋñɔmɩŋ ɛzɩ akpadɩyɩtʋ yaa kʋdɔmɩŋ weyi ɩɩtɛŋ yɔ.

Ɛbɛ kaɣ-ɖʋ sɩnʋʋ nɛ ɖɩɖaŋ kpam paa kʋñɔŋ ŋgʋ lɛ kɩ-taa? Pɩwɛɛ se ɖɩkalɩɣ Bibl paa ɖooye nɛ ɖɩmaɣzɩɣ ndʋ ɖɩkalɩɣ yɔ tɩ-yɔɔ nɛ ɖɩcɛyɩsɩnɩ ɖe-tisuu. Pɩwɛɛ se ɖɩka ɖa-lɩmaɣza ɖe-lidaʋ yɔɔ. (2Kɔ 4:16-18; Ebr 12:2) Pɩwɛɛ se ɖɩtɩmnɩ Yehowa nɛ ɖitendi-i se ɛha-ɖʋ fezuu kiɖeɖeu. (Lk 11:10, 13; Ebr 5:7) Ða-Caa kʋsɔɔlʋ pɩzɩɣ nɛ ɛsɩnɩ-ɖʋ nɛ ‘ɖɩɖɔkɩ ɖa-laŋa nɛ suuɖu nɛ taa leleŋ pɩtɩŋa pɩ-taa.’​—Kol 1:11.

CƆNƖ VIDEO PƖWƐƐ SE ÐISE SEYA NƐ TƖ ÐƆKƲƲ​—WƐƐNƖ LIDAƲ SE ŊKAƔ MƲƲ KƖHƐYƲƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛbɛ nɛ ɛbɛ mbʋ yɔ pɩzɩɣ pɩtalɩ ɛyʋ e-wezuu caɣʋ taa nɛ ɛtɩɖʋna? (Ekl 9:11)

• 

  Alɩwaatʋ ndʋ ɖɩkatɩɣ kʋñɔmɩŋ yɔ, ɛzɩma adɩma pɩzɩɣ nɛ asɩnɩ-ɖʋ?

• 

  Ye ɖɩɩpɩzɩɣ nɛ ɖɩlakɩ tʋma Yehowa sɛtʋ taa ɛzɩ ɖɩɩlabʋ nɛ pɩɖɛɛ yɔ, ɛbɛ yɔɔ pɩwɛɛ se ɖɩka ɖa-lɩmaɣza mbʋ ɖɩpɩzɩɣ labʋ yɔ pɩ-yɔɔ?

• 

  Ɛbɛ ɖiɣni-ŋ sɩnʋʋ se ŋɖɔkɩ ñe-lidaʋ kpam se ŋkaɣ mʋʋ kɩhɛyʋʋ?