FALƖSƖ ÑA-TƖ NƐ ŊSUSI TƆM CAMƖYƐ | YELE NƐ ÑƆ-TƆM SUSUU HA-Ŋ TAA LELEŊ NƐ PƖKƖLƖ
Labɩnɩ tʋmɩyɛ Ɛsɔtɔm
Ɛsɔtɔm wɛ ɖoŋ pɩŋŋ! (Ebr 4:12) Halɩ tɩpɩzɩɣ nɛ titukuni ɛyaa mba paasɩŋ Ɛsɔ yɔ, pa-laŋa. (1Te 1:9; 2:13) Ye ɖɩwɩlɩ ɛyʋ nɔɔyʋ Bibl taa toovenim tɔm kɩfatʋ natʋyʋ nɛ ɛlɛ ɖiɣzini tɩ-wazaɣ yɔ, pɩhaɣ-ɖʋ taa leleŋ siŋŋ.
CƆNƖ VIDEO ÑAƔ PANA NƐ ŊWƐƐ NIYE KPƐLƖKƖYAA LABƲ TƲMƖYƐ TAA NƐ PƖHA-Ŋ TAA LELEŊ—WƐƐ NIYE TƆM SUSUU TAA NƐ PƖKƖLƖ—YELE NƐ ÐOŊ WEYI ƐSƆTƆM WƐNA YƆ, ƐLA Ɛ-TƲMƖYƐ NƐ PƲWAYƖ LƐ ŊCOSI TƆM TƲNƐ TƖ-YƆƆ:
Neeta sɩnɩ Rose nɛ ɛlɛ na se pɩcɛyaa se ɛtazɩ Ɛsɔtɔm taa. Ɛzɩma piyeba nɛ ɖoŋ weyi Ɛsɔtɔm wɛna yɔ ɛla ɛ-tʋmɩyɛ?
Neeta seɣti Rose se ɛkalɩ Bibl taa mayaɣ nɛ nɔɔ kɩkʋyaɣ, nɛ pʋwayɩ lɛ ɛñɩɣ ka-taa tɔm pee kɩcɛya yɔɔ. Ɛzɩma piyeba nɛ ɖoŋ weyi Ɛsɔtɔm wɛna yɔ ɛla ɛ-tʋmɩyɛ?
Ɛbɛ wɩlɩɣ se mayaɣ ŋga, ka-taa tɔm tukuni Rose? Nɛ ŋmaɣzɩɣ se ɛzɩma pɩlabɩ Neeta?