Sɩnɩ ñe-Bibl kpɛlɩkɩyaa nɛ pawa azuluma lakasɩ

Mba pɛwɛ kele kele pe-wezuu caɣʋ taa yɔ pe-yeke papɩzɩɣna nɛ pɛkɛ Yehowa taabalaa. (1Pɩ 1:14-16) Alɩwaatʋ ndʋ Bibl kpɛlɩkɩyʋ yeki azuluma lakasɩ nzɩ ɛɛwɛna yɔ, pɩwazɩɣ-ɩ ɛ-hɔʋ taa, tomnaɣ taa alaafɩya hɔɔlʋʋ taa nɛ liidiye hɔɔlʋʋ taa ɖɔɖɔ.

Lɩzɩ paɣtʋ ndʋ Yehowa ɖʋ wezuu kɩbaŋʋ caɣʋ yɔɔ yɔ tɩ-taa kpayɩ kpayɩ, lɩzɩ ɖɔɖɔ mbʋ pʋyɔɔ ɛɖʋ paɣtʋ ndʋ yɔ nɛ wazasɩ nzɩ ɖihikiɣ alɩwaatʋ ndʋ ɖɩɖɔŋ tɩ-yɔɔ yɔ pɩ-taa. Sɩnɩ ñe-Bibl kpɛlɩkɩyaa nɛ pɛlɛɣzɩ pa-maɣzɩm nɛ pa-lakasɩ la nɔɔ kʋɖʋmaɣ nɛ Yehowa sɔɔlɩm. (Efɛ 4:22-24) Yele nɛ pa-taa tɛ se Yehowa ɖoŋ taa lɛ papɩzɩɣ nɛ pawa azuluma lakasɩ nzɩ sɩ-labʋ malɩnɩ-wɛ yɔ. (Fil 4:13) Wɩlɩ-wɛ se pɩcɛyaa se petendi Yehowa se ɛsɩnɩ-wɛ ye pɩtakɩɣ-wɛ se pala kɩwɛɛkɩm yɔ. Sɩnɩ-wɛ nɛ patɩlɩ wɛtʋ ndʋ tɩ-taa pɩpɩzɩɣ nɛ pɩtakɩ-wɛ yɔ nɛ pese-tʋ. Seɣti-wɛ se pakpaɣ tʋma kɩbana nɛ pɛlɛɣzɩnɩ azuluma lakasɩ. Ðɩkaɣ hiɣu taa leleŋ alɩwaatʋ ndʋ ɖɩnaɣ se Yehowa ɖoŋ taa lɛ, ɖe-Bibl kpɛlɩkɩyaa pɩzaa nɛ pala lɛɣzɩtʋ yɔ.

CƆNƖ VIDEO SƖNƖ ÑE-BIBL KPƐLƖKƖYAA NƐ PAWA AZULUMA LAKASƖ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩma ɛgbɛyɛ taa ɛzʋtʋyaa nɛ Neeta pawɩlaa se pataɣ Rose liu?

• 

  Ɛbɛ Neeta tasɩ labʋ se ɛsɩnɩ Rose?

• 

  Ɛzɩma tɩyɛ Rose ñɩnɩ sɩnʋʋ Yehowa cɔlɔ?